انا وزوجي وباب الحاره

1. طبع بعدما ماترجته هو حطه بس مكان له نفس يشوفه علشان كذا قرر ينكد عليه

السلالالالالالالالالالالام عليكم ورحمة الله
كيفكم بنات
وكيف رمضان معاكم
المهم جايبه لكم موقف حصل لي مع زوجي وبصراحه مادري اذا الموقف مضحك اومبكي
الحكايه ان زوجي متعود بعد صلاة العشاء والتراويح انه يطلع ولا يرجع لإ الساعه 12 او وحده باليل
وطبعا هذا يعطيني الفرص اني انظف البيت واصلي واقرأ براحتي واشوف التلفزيون وماياجي للبيت لإوانا اجهز السحور
المهم امس باليل ماطلع!!
طيب قلت مافيها شي خليه يقعد معي شوي بالبيت
يالي صار انه لما جاء موعد مسلسل باب الحاره اخذت الريمونت علشان احط القناه قام هو رفض (بحجة انه يكره المسلسلات ويحب يشوف برامج حواريه )

طبع بعدما ماترجته هو حطه بس مكان له نفس يشوفه علشان كذا قرر ينكد عليه

المهم قاعدين نشوف المسلسل وانتم عارفين لما ياجي المشاهد لما يكون فيه زوجين كيف الزوجه تعامل زوجها بغنج ودلال (امرك ابن عمي,ياسيدي وتاج راسي ,تقبرني على هالطله ياتاج راسي ,انا خدامتك ياسيدي .......) وطبعا من هالكلام واكثر
عاد انا زوجي ماعمره شاف هذا المسلسل فعاد مسكني مسكه (شوفي الحريم شوفي وتعلمي ,,,والله قهر احنا قاعدين مع ناس زيكم ....ولا شوفي كيف وتعلمي كيف الحريم تعامل رجالها والله المفروض ان الوحد منا يتزوج منهم علشان يحس نفسه ملك .....)
عاد انا اطالع فيه بنص نظره (يعني تبغى تخوفه )
وابغى ارد عليه بس على ايش ياحسره وكلامه كله صح
المهم اني اخذت قرار اني ماتابع هذا المسلسل اوغيره و(سيدي ) جالس معايه
واني من بعد اليوم ورايح ماتابع معاه لإاخبار الكوارث والحروب !!!