انصحوني زوجي مع وقف التنفيذ ودة اتحجب منه في بيت الزوجية

1. رح ادخل في السالفة على طول

السلام عليكم جميعا

رح ادخل في السالفة على طول

حبيباتي انا متزوجة من أقل من ثلاث سنين مش عن حب ع الأقل من ناحيتي بس هو الي اختارني ويقول انه يحبني من كنت صغيرة بإعتبارة أكبر مني بسبع سنين..
ما عندي اطفال بس مريت بتجربة حمل فاشلة حصل لها مضاعفات وكان لازم يتأجل الحمل عشان اتعالج..قلت كويس لأني ادرس فقلت لحد ما اتخرج بعدين احمل انا وزوجي أكيد متفقين.عرفت حماتي وقالت لازم تحملي عشان تتأكدي انه كلة تمام وزنت على زوجي الي بدورة انقلب عليا وقالي اما تحملي او اشوف لي صرفة (انتم فاهمينها)
هذي نبذة عن زوجي وكيف تعاملة وقولولي بأمانة اذا ممكن تتحملوا وضع زي كدا ولا انهي كل شي قبل لا يصير عندنا اطفال
زوجي جدا متعلق بأهلة لدرجة انه أخذهم معانا شهر العسل للجنوب ولما اسالة يقولي انتي كنتي بس ساكتة (شي طبيعي بإعتباري عروسة ومستحية منه رجل غريب وكان لازم هو الي يشيل مني ذا الحياء)
كرجل سعودي مديون لشوشته وعشانه اتحملت وتخليت عن اهم الأشياء وليته بين بعينة يقولي ياريتك تنشغلين بدروسك عشان ما تطلبين مني شي (وانا والله ما اطلب الإ الأشياء الضرورية)
بالنسبة لعلاقتنا الحميمية زوجي جدا كسول وغالبا أنا ابدأ لأني إنسانه وليا رغبتي المصيبة انه لما يشوفني لابسه له قميص جديد او اعمله إغراء يصد عني لأنه يكرة اللبس المكشوف والقصير والعريان (لميت كل أقمصتي وشورتاتي وكل حركات الإغراء الي عندي و وزعتها على اخواتي وصحباتي)
زوجي صار يتجنبني وناخذ بالشهور ما يقربني واحنا ما كملنا ثلاث سنين بعد.. مرة شريت له بدلة رقص وشغلت التلفزيون على أغنية يا بنات ما التفت ليا كله يطالع بالتلفزيون..ومرة اشتريت طرحة جديدة ولبستها تصدقون وش قال قالي يا ريتك تلبسينها على طول في البيت شكلك احلى..
اكتشفت انه يموت بسوالف البنات جواله مليان نكت عن البنات وقصص عنهم حتى اذا جيت ابغى اسولف معة احكي له موقف عن وحدة من صحباتي لو بالكذب حتى صار يكلمني اجلس معة ويسالني اش سوت البنت الفلانية والبنت الفلانية..
حركة جدا سيئة وخبيئة منه انه يبوسني ويضمني ويوصلني لمرحلة احس انه يبغاني بعدين يقوم ويتركني وفوق هذا يضحك عليا ويقول مسكينة بضحكة..تصدقون انه ما عندة مانع يقوم في نص الشغلة من غير ما يكمل..
يعني انا لا انا بشعة عشان يصد عني بالشكل هذا ولا مقصرة بالعكس سويت له حفلات وجاني غير مهتم باعكس ودة أخلص عشان ينام طول وقته على المباريات ولا يسولف معايا ..لسى يهتم في أهلة أكتر مني عمرة ما أهداني وانا الي كل مكافاتي هدايا له وحفلات ومفاجات.. قررت اتخرج وارجع بيت اهلي اذا ما تسنع في هذي الأربع شهور..
بامانه اش تعليقكم وش تنصحوني اش تقييمكم لرجال زي كذا اشبة انا اشبي ماني طايقته كيف نرجه زي اول شهرين من زواجنا؟؟؟؟؟؟؟؟؟؟؟؟
(تجاهلوا اسمي كذبه كبيرة)