انفسخت خطوبتنا

والله ياأختي اذا بيهمك كلام الناس ماراح تقدري تعيشي لأنه اذا الخلافات بينكم من الحين اجل ايش بتسوو بعد الزواج انا انصحك اتركيه واذا في نصيب ربي بيقدر وبيرجع لك لكن اذا مافي نصيب ان شاء الله بيسخرلك ربي ابن الحلال اللي يفهمك وتقدري تكملي حياتك معه

أختي أول شي أبي أسئل انفسخت الخطوبة قصدج حدث طلاق بعد الملجة أو شنو تقصدين
وثاني شي أنتي تقولين انه عصبي جداً ودايم تتخانقون
السؤال((هل انتي تبين ترجعين عن قناعة أو عن كلام الناس مثل ماقلتي؟؟))
وإذا تبين ترجعين مجرد أنج تسكتين الناس ((هذي أكبر غلط)) بصراحة ما أيدج عليه
لكن إذا انت تبين تردين بقصد أنج قادرة تصلحين وتبين تصلحين العلاقة فممكن تتصلين بأخته مثلاً وتطلبينة وتقولين له كلمتين حلوين وبطريقتج ترجعين العلاقة

مثل ما اسلفو اخواتي ياتري خلافاتكم جوهريه اقصد اشايء مهمه بحياتكم المستقبليه ولا مجرد نكافات مالها داعي
اختي ترغبين به زوج للمستقبل هل تشعري انك تحبيه وهوا قادر علي اسعادك ؟ ام مجرد خطبه وزواج والسلام؟
الناس كلامها مايخلص شئتي ام ابيتي ولكن الناس ماحتملا بيتك سعاده
فكري وقدري هل انتم مكملين لبعض هل هناك روابط مشتركه بينكم
اتمني لكي حياة موفقه وما انصحك تتوسلي له بالرجوع
اتركي الموضوع بينكما فتره ليراجع نفسي وتحكمي علي مشاعرك

اختى الغالية اسمعينى زين انتى لو كنتى تحسين انة رجل قد المسؤلية وقادر انة يحتمل اعباء الحياة الزوجية فانتى حاولى تخلين والدك يتكلم معة او اخوك ويلطف الامور بينكم ولو كان رجل لايصلح لما سبق وذكرت فتركة اخير من انك تستمرين مع رجل متذبذب وقرراتة سريعة الحين فسخ الخطبة ممكن بعد الزواج فى اتفة الامور يطلق انتى استخيرى ربك وهو اللى بيرشدك للى فية الخير واللة يوفقك حبيبتى

اختي الكريمه لو هو بيحبك عمره ماهيتخلى عنك مهما كامنت الخلافات
ولو انتي بتحبيه وشايفه انه انسان كويس حاولي تصلحي بس بعد ماتسيبيه فتره مع نفسه دون ان تحاولي تتصلي بيه يمكن يراجع نفسه ولازم يتخيل شكل حياته من غيرك لو ماقدرش هيرجعلك
يبك من كلام الناس الناس كده كده بيتكلموا حتى لو لسه معاه برضوا هيتكلموا مش هناخد حاجه من كلام الناس غير وجع القلب
لو انتي حاسه انه مش كويس والخلافات دي دائمه وفي اشياء اساسيه مش ممكن تغيرها يبقى لازم تشوفي الاصلح ليكي وسيبك من كلام الناس لما تتنكدي مش هينفعك كلام الناس انتي اللي هتعيشي معاه مش الناس
بس بجد صارحي نفسك وخليكي صريحه مع نفسك لو فعلا انسان متدين ويقدر يحافظ عليكي ارجعيله
وبعدين حاولي ماتخلقيش خلافات شوفي ليه بتبدا الخلافات وايه سببها وماتكرريهاش
ربنا يوفقك

راى من راي الاخت مهندسه رحاب
ودعواتي لك

حبيبتي فسخ الخطوبة مش شيء سهل يلعب فيه الرجل وقت مايبغى
ومادام انه ماقدر يتحكم باعصابه .. ويلاقي حل سليم لمشاكلكم
وعلى طول فسخ الخطوبه ..
انا من رايي انك تتركيه .. بعدين يلعب بالطلاق اذا تزوجتو ..
هذا رايي ..
والراي الاول والاخير لج

انا ودي اقول شي
بس قبل ما اقول لازم تعرفين كل وحده وتجربتها الخاصه وضروفها
بس من خلال تجبرتي مع زوجي العصبي جدا جدا
راح اقولج بعض النصايح
اول شي اذا شفتيه ياعامل اهله او خواته وامه شوفي وشلون وحطي بالج ميه بالميه بكره راح يعاملج مثلهم حتى لو تشوفين انه الحين غير بكره مع الزمن راح يرجع على ما كان
شوفي اذا كنت تدورين راضاه على طول ولا يتحرك اهو ولو لمره ولا يجي وياخذ بخاطرح ودايم اهو الصح وانتي الغلطانه اتركيه لانه بكره راح يزيد
اذا كانت خلافاتكم مجرك فرض الراي وبس لازم وخاصه من ناحيته وحاول يتفه تفكارج او يخليها مالها داعي ومن جد اتكلم تركيه
اذا كل كلمه والثانيه انا الرجال وانا وانا وانتي وانتي وما يخليج تتقربين منه ومنطوي وعلى طول معصب ومن غير سبب تركيه
اختي العزيزه الحياه تنتهي لمن يدخل فيها العصبيه والنرفزه على كل شي
لاتخلين قلبج يوديج للهلاك لمجرد الحب
نصيحه اخيره لا تتوددين له على طول واذا صار خلاف جاد وكان لج الحق اكيد راح يرجع واذا مارجع على سالفه مهمه تركيه
اخر شي اذا كان يدخن هذا اهم شي يوتر الواحد
وارجع وقول كل واحد وتجربته
ام بدور

نصيحتي لك
لا تسوين شيء خليه اهو اللي يسوي اذا يحبك بيرد واذا كان يتهرب بيروح وانت وتوفيق رب العالمين
وانا اتعجب منكم يا اخواتي لما تشتكون من ازواجكم ترى كلنا عندنا مشاكل المهم كيف نتعامل مع المشكله وانا بصراحه تعودت اني اسكت لحظة المشكله واتكلم لحظة ما يهدا فيها بس بشرط تكون مشكله تستاهل مو اي كلام
لكن اختي الان انت لا تتصرفين اتركي الامر له خصوصا انه ما يرد على اتصالاتك وانا اعرف كم تحملين من الجرح بهذي اللحظة
الله يوفقك
استخيري الله وصدقيني لن يخيب الله سعيك ابدا