انقبلت في الخدمه الاجتماعيه في جامعه الاميره نوره مايمديني احول اداراه اعمال نظم

هلا اختي
اول شي ارضي باللي الله كاتبه لك ... ياما تمنيت اني ادخل اقسام انا كنت ابيها ومفكره انها لها مستقبل وظيفي لاني ببعد عن اهلي من اجل ادرسها .. ونسبتي 90 ادبي بس تدرين وش دخلت ( الخدمه الاجتماعيه) مع انها رغبتي الواحد والعشرين وماكنت اعرف عنها اي شي ... تضايقت في البدايه بعدين رضيت بقسمتي .. وبقول لك ليه اقتنعت..
1- بالنسبه للوظيفه لها عدة مجالات في التوظيف وتتخرجين منها اخصائيه اجتماعيه (( في مدرسه او مستشفى او سجون او او ... الخ ) مو مسئلة اداره اعمال او غيرها بس هم اللي يتوظفون كل شي بيجي رزقه معه ان شاءالله .
2- دراستها مره سهله وحلوه والحلو فيهاا مافيها سنه تحضيريه مثل باقي الاقساام .. يعني اربع سنوات ان شاءالله وتتخرجين منها بدال الخمس سنوات ..
3- سوي بحث في قوقل عنها وبتحبينها ان شاءالله واذا حبيتي الشي بتبدعين فيه ...
4- ارضي باللي الله كاتبه لك يمكن خير ان شاءالله ودراسته لك احسن واسهل من ادارة اعمال واذا ع الوظيفه الله الرازق ان شاءالله وفكري بالاقسام الثانيه اللي ادنى من هالقسم وقولي الحمدالله ..
5- لاتتسرعين في اتخاذ قرار تغير قسم الا بعد مااتفكريين زين في كيفية درااسته والاسهل بالنسبه لك يمكن مايحالفك الحظ في القسم اللي بتغيرينه وتندمين..
6- واخيرا اتمنى لك ولي التوفيق في الدراسه ويكتب لنا الخير ان شاءالله ..

اختي متفاله قالت كل شي ماقصرت
وربي يوفقك

شكرا لك اختي الله يوفقك بدراستك انشالله
انا والله بنت خالي تدرسها وتقولي انها حلوه مرا
بس في ناس يقولون ان اللي يتخرجون منها مايتوظفون بسرعه