انهارت قلعة احلامي وانكسرت ساعدووني

السلام عليكم ورحمة الله
يا فرشات انا رح ادخل بالموضوع مباشرة وبدون اي مقدمات
انا عمري 20 سنة
راحت علي سنة بالروضة وراحت علي كمان سنة وانا اقدم صف 12 ثاني ثانوي
يعني السنة كان عندي احلام كبيرة واني رح ادخل الجامعة بعد ما خلص توجيهي
بس للاسف انهارت قلعة احلامي وكسرتني كسر وانجرح قلبي لاني ما كنت متوقعة ابدا هالنتيجة لاني طوال عمري متفوقة ومن الاوائل
لمى طلعت نتائج الثانوية العامة كنت من الناجحين بس معدلي ما ياهلني ادخل الجامعة اللي بدي اياها ولا تخصص منيح
وانا قررت اعيد السنة كمان مرة لكن عمري يصير 21 وانا ساتني بالثانوية وارفض العرسان لاجل التعليم وحالتي بالويل
وليل نهار ابكي وقلبي مجروح كل ما اتذكر اللي صار مغي
وكل بنات صفي واللي بعمري يا تزوجن يا بالجامعات وااغلبهن طالبات جامعة وانا مقهورة كتير منهن ومن كل طلاب الجامعة ومن كل طلاب الثانوية اللي بدهم يحققو احلامهم
اما انا راح كل شي وانهارت احلامي وخايفة من قراري وخايفة من كل اشي
الحمد لله على كل شي الحمد لله
ساعدوني يا فرشاات
وخففو عني هالهم اللي ذبحني
انا يئسانة كتير وتعبانة كتير وبتعب اكتر كل ما اشوف طلاب الجامعة وبنات صفي وصاجباتي القديمات
ادعولي ادعولي دائما وابدا