اه سببت الحزن لاامي وابوي وجبت لهم التعاسه

السلام عليكم
عيدكم مبارك
وكل عام وانتم بخير
كل عيد يمر اقول يمكن العيد الي بعده يمكن جاء النصيب
ويمر العيد وراه العيد وانا وضعي مثل ماهو لاتغير ولاشي
اوقات كثير يجي لي يأس يسيطر علي وان خلاص ماراح اتزوج
ومن الحين احاول ازرع في اخواني فكرة ان الاخو يلزم يهتم بااخته ومافيه خير الي مايهتم بااخواته
ان لو لاسمح الله بعد عمر طويل ان صار شي لاامي واابوي وعشت مع اخواني مايعذبوني حريمهم
شايفين كيف وصل بي الحال ؟؟؟
واحيانا يجي لي شعور قوي ان الله ماراح يتركني وان مخبي لي الاحسن والافضل ولازم اصبر
انا مب مقطع قلبي الابوي وامي الي الشيب بدء يطلع في شعرهم
ومافرحوا بزواج بنتهم الكبيرة
كل الي في اعمارهم عرسوا بنات واولالاد الاامي وابوي
سمعت ابوي يقول لاامي
كل مرة اساعد شباب يتزوجون نفسي ادفع فلوسي لتجهيز بنتي
كلامه مثل رصاصه اخترقت قلبي
والله عيوني دمعت وانا اكتب لكم كلام ابوي
ادعو الله ان اتزوج مب علشاني بس علشان اشوف الفرحه في عيون امي وابوي
ايام احس بتأنيب الضمير ان تأخر زواجي سبب تعاستهم
احسهم نحرموا من السعاده بسببي
الحمد لله شاغله وقت فراغي حاليا ادرس واشتغل وعندي شهادات مجمعه
الاان موضوع الزواج مسيطر علي وخوفي ان ابوي وامي مايكون لهم احفاد يقطع قلبي
عمتي الله يهديها تتفاخر قدام امي انها زوجت بناتها وهم صغار
ومابقت الاثنين
اذا سمعت كلامها يقول يارب ان يكون لي نصيب يفرح قلب امي
الي يحز في خاطري اني ولامرة انخطبت
ماكأني موجوده ابدا ؟؟
ايام اقول لو يخطبني واحد فيه عيوب الدنيا بوافق بس علشان افرح امي وابوي
ساعدوني كيف اتحلص من تأنيب الضمير والله احس حالي مخنوقه
مع ان امي وابوي مب محسسيني بالنقص او اني عاله عليهم
الله يحفظهم مب مقصرين معي اي شي اطلبه يعطوني
لاان يسيطر علي شعور اني اسبب لهم التعاسه ودي افرحهم واكافئهم على تعبهم
بشي مهوب بيدي؟؟