اه يابطني اه ياراسي اه ياعظامي اه ياكلي

الي متابع مواضيعي وفاكر السلسة الي سويتها زمان
رجعت لها مرة ثانيه بس اكيد جديدة ومختلفة
اتمنى تلقى صدى زي سابقتها
::::::::::::::::::
ام الاوناس
كل شي في يعورني
مايجي مرة واحده ...تناوب ماشاء الله
شهر راسي
وشهر بطني
وشهر عظامي
زوجي صار يسميني ام الاوناس
يقول انتي غير تونسين
ولدي صار يقلدني
اذا جا يقوم من السرير يقول اه اه ويقوم ببطء كان عظامه اتعوره
بنتي صارت تلعب مع عرايسها لعبة الام المريضة وبناتها حواليها الي تعطيها دوى والي اتسوي لها كمادات
انا مو كبيرة بالسن...بس احب اهتم بنفسي
اي عضو بجسمي يشتكي ...يحس فيه كل شي فيني
صدقوني ماتونس زي مايقول زوجي لكن...حرام نفسي لها حق علي وجسمي لازم ادلعه...
اصلا انا مجهزه سرير بالغرفة الاحتياطيه عشان ارمي جسمي المتعب عليه بسرعه اول مااحس باي عارض صحي
>>>الله لايلوم عيالي لو قلدوني
والغرفة مجهزه من والى اتقولون غرفة في مستشفى
زوجي يستانس يطلع من البيت اذا بدت الحالة عندي على قولته
صار يقول متى بتحجزين لنفسك بغرفة التمريض هذي!!
اقول لو تبي من الحين ارتبط عادي انا يمكن بعد ربع ساعه احس بصداع لان الدورة على الابواب
شفتوا كيف انا احسن العناية بنفسي حتى لو كان على حساب هروب زوجي من بيته
جدتي كانت اتقول ماينفع الانسان غير نفسه ولو ضاعت صحته ضاع
ويقولون الام المثاليه هي من تعتني بنفسها اولا >>>اتعلموا مني
في يوم من الايام كنت اجهز شنطنا للسفر لاهلي وفجاة اختفيت!!
جا زوجي لقى الشنط مفتوحة والدنيا عايمه
ماتعب يدور علي ...على طول راح لغرفتي الي تخبرون قال : خير !! ويش بالشنط اتقولين جايها هجوم خارجي!!
قلت : تعبانه ضلوعي اتعورني!!
قال : ضلوعك!! هذي جديدة
قلت : اقول احمد ربك عالعافية لا ربي يبلاك
قال : من جد هالونس جديد...ويش يترتب عليه؟
قلت : ولا شي راحه يومين ...واقوم طيبة يارب... ادعي ربك مايحرمك مني
قال : اقول مافيك الا العافية قومي رتبي الشنط الوقت مايكفينا لازم على العشاء وحنا عند اهلك
قلت : تدري اشلون اجل!!...اطلب لي طيارة اخلاء طبي
>>>>زوجي
قال : مانتي صاحية والله باغير اسمك بالجوال باحطه : الموسوسه
قلت : سمني على كيفك..بس اطلع خلني اهتم بصحتي قبل تجيني مضاعفات!!
قال : طيب ماتبين دوى من الصيدلية ولا كشف عند الدكتور
قلت : عندي اسعافات اولية سماعات اراقب دقات قلبي وكمادات ومراهم وفيتامينات ولو جا المغرب والحالة ماخفت جهز نفسك للمستشفى
قال : انا اشوف اجهز نفسي لعروسة ثانية طيبة ومتعافية احسن لي
وعطاني مقفاه وراح
انا .... اصابني الذهول
شكيت باللي سمعته!!
لا اكيد سامعه غلط!!
عروسه....ايش يعني عروسه ...يعني زوجه!!. ..صح ولا مو صح...الا زوجة ثانية ..لا مو معقول زوجي يفكر هالتفكير
اكيد يمزح
اكيد يخوفني بس عشان اقوم اجهز شناطه
ايه هيّن يابو فلان
خلني اطيب بس واقوم على حيلي لتفاهم معك زين ...
وصكيت باب غرفتي وانهمكت ( اطبب نفسي ) واهتم بصحتي واراقب ضغطي بعد الي سمعته
اتهقون يسويها !!!