بقلبي قهرر ما يعلمه غير رب العباد

.
.
السلام عليكم ورحمة الله وبركاته
انا في حيرة ضايعه حاسه اني معلقه من رقبتي مو قادره اتنفس ولا قادره احرر نفسي ولا قادرة اوقف على ارض ثابته
وربي اكتب وخانقتني الغصه ودموعي كثير تحرق
نزلت موضوعين من فترة عن مشكله بيني وبين زوجي ومغامراته ومعاكساته وانه يبي يتزوج
هاي موضوعاتي
http://alfrasha.maktoob.com/alfrasha12/thread1688192/
http://alfrasha.maktoob.com/alfrasha12/thread1690637/
كنت خلاص قررت الطلاق بس هو كان رافض دخلت اخويا الكبير في السالفه وحكيت له كل اللي صار
لاني ما تحملت منزل ع ايفون برنامج هوزهير حق الناس الداشره بس مواعده وقلت حيا
شفت كلامه للحريم وربي البيت يقهر
يتغزل فيهم حتى لو ما يبونه وربي اغلبهم متزوجات حسبي الله ونعم الوكيل
زمره جلس يتغزل وكلام حلو وطلع رجال يقوله ما تخاف ربك انت ترضاها على اهلك او بنتك اوو اوو
رد زوجي قاله خلاص اوك
ويطلب بعد صور جنسيه لما واجهته قلتله لا تقولي مفبركه زي المسنجر ذا جوالك
قالي مالك دخل ولا تدخلين بين البصله وقشرتها وطلعني انا اللي غلطانه
بنات انا كنت مقرره اني ما اجيب اطفال رحت اكشف لان الدورة بدات تتغير مواعيدها قالت لي الدكتورة ان عندي تكيس وماراح احمل غير بعد كورس العلاج ... طبعا لاني ما ابي احمل ارمي الادويه
يوم الاحد اللي فات كملت الدورة 10 ايام متاخرة ... وتعبت وجاني غثيان جبت اختبار طلع لي خط ثاني مرة خفيف
من الخوف والتوتر لاني مابي شيء يربطني فيه ابد دخت وجلست في الحمام الله يكرمكم ساعه استوعب
مو الدكتورة قالت ما راح احمل غير بعد العلاج هو فرح وانا سكت اي وحده تفرح لمن تحمل وبتكون ام
بس انا زعلت ...
لاني جلست افكر ما ادري ايش اسوي اتطلق ولا اتحمل هالقرف واكمل حياتي
اليوم وحنا نتقهوى ونضحك كلمت اختي من جواله شفت اسم عنده مكتوب هوز بالانجليزي ويتصل عليه كثير
كمت اخذت الرقم وشافني سكت وجاتني رعشه في يدي من النرفزه
سالني وحلف شفتي شي طيب احد ارسل شيء زعلك قلتله حتى لو شفت ماراح اتكلم مو وقته
قالي دخيلك وحلف وكلام كثير قاله قلتله ما ابي اتدخل بين البصله وقشرتها
لما صمم قلتله على الاسم قال والله العظيم ما ادري هو بنت ولا ولد والله ما كلمته باقي و حلف كثير
قلتله لاتحلف في مكالمات فيها دقايق قالي انتفح الخط وما اتكلمت قلتله جيب جوالك اعطاني هو
قلتله 10 و8 و4 و3 دقايق هاي مكالمات 24 دقيقه الجوال مفتوح بس وما تدري هي بنت ولا ولد
قام يحلف قلتله لا تحلف لاني تعبانه وما ابي اسمع كلامك ذا جوالك مو الايميل عشان تحلف
قلتله خلاص انا تعبانه قالي اتعبي من هنا ليوم الدين ...
ولبس ونزل وانا ابي ومقهورة وسافر عند زوجته الاولى وبيجي يوم الجمعه
حتى ما سالني تبغي شيء ناقصك شيء الحمد لله كل شيء متوفر بس ناقص الخبزراح اشتراه وجا رماه ليا قدام باب الشقه وراح تركت الخبز مكانه وحلفه اني ما ااكل منه حتى لو فتفوته لو اموت
اللحين افكر ان انزل حملي ما ابيه وربي عافته نفسي وكرهته .الله يسامحه اخوي هو ياجل في الموضوع من زمان
بنات شورو علي تكفوون بس ادوني حل انا مو ناقصه تعب فوق تعبي