اه ياشقا عمري ليش يابوي زواجي بينهار والسبب ابوي لاتخلوني كل من شافت موضوع

1. السلام عليكم ...

السلام عليكم ...

اخباركن أخواتي ان شاالله طيبين .حبايبي انا بدخل في قصتي علطول لاني الله العالم بحالتي مهمومه ومتضايقه حيل حيل وقلت ليش مافضفض لخواتي الفراشات ويمكن القى الي تساعدني فقصتي الي دمرتني ..وربي وربي ماتعرفو قد ايش انا حبيتكم وارتحتلكم من قلبي من خلال متابعتي لمواضيعكم وردودكم على بعض الي تهدي البال وتريحه.... أعذروني حبيباتي طولت عليكم أببدأ,,
اول شي انا متزوجه لي سنتين ونص وعندي بنت عمرها سبع شهور ربي يحفظها لي ول أبوها والحمدلله عايشه حياتي مبسوطه ومرتاحه مع زوجي اللهم لك الحمد,,لكن معاناتي الي اكتب عنها الحين بدأت من بعد وفاة الغاليه ((أمي)) حبيبة قلبي توفت فحادث وانا كان عمري 17سنه وكنت والحين عمري 22سنه المهم حبيبتي توفت وسابت وراها أخواني الصغار اه ومن هنا مشكلتي بدأت اخواني عددهم اربعه اكبرهم عمرها 11سنه والثانيه 8سنوات والثالثه 5سنوات والرابع اخوي وعمره 10سنوات ,,المهم توفت وانا باقي ماتزوجت وكنت وقتها بروح لأول ثانوي وكنت كارهه اصلا شي اسمه دراسه لاني كنت حزينه جدا على فراق الغاليه بس مع اصرار ابوي وجداتي كملت وأمري لله كملت الدراسه وبديت اهتم شوي شوي بأخواني لانهم كانوا صغار مره اصغرهم كانت توها تحبي ومانت هذاك الزود بحكم سني وحزني بس الحمدلله ربي اعانني واهتميت باأبوي لان بعد الحادث سوى كم عمليه فجسمه وصرت انا وربي ادخله الحمام ويكون لابس شورت واجلسه على الكرسي واروشه شوي شوي واغسل شعره وانشفه واطلعه والبسه ثوبه لان يده كانت معلقه برقبته وامشطه واعطره رغم انه عمره باقي فشبابه بس الحمدلله على كل حال ,,الحمدلله اهتميت فيه لين مارجعتله صحته ولله الحمد وبعد كم شهر رجع لعمله ووظيفته وانا كملت مشواري مع اخواني اهتم فيهم واذاكر لهم واذاكر لنفسي بس بهالفتره بعد مارجع ابوي لصحته صار دايما يخاصم فيني ويهاوش لااتفه الاسباب وانا متحمله وصابره لان هو اصلا طبعو عصبي مره وزادت عصبيته علي مره زي مثلا مره كنت اسولف بالتلفون مع بنت خالي واخواني الله يهديهم كانوا يلعبون بالصاله وحاسوا ابوها حوس وجا ابوي من برى عليه كذا وجا عندي وهزئني تهزيء مابعده تهزيء وقلي والله لو اشوفك يوم تتكلمي بالتلفون وتنسي اخوانك لاذبحك واه يابنات قلبي تقطع وكل ليله صرت اصيح قبل مانام من القهر ,,كل شي اسويه لازم اخوانك اخوانك وانا وربي مومقصره معهم المهم مرت الايام وعدت سنتين وتزوج ابوي الي ماتتسمى حسبي الله عليها وكان اول شرط لها ابوي قالها اهم شي عند العيال العيال ماابي ولا شعره تمسهم ,,ابوي جدا جدا مهتم في أخواني لانهم جو بعد 11سنوات انتظار من بعدي طبعا..وتزوجو وكانت احلى من العسل بأيامها الاولى خلين اقول بسنتها الاولى كانت جدا طيبه وانا كنت مره طيبه معاها وبعد كم شهر بدأت تطلع نواياها الخبيثه بس ماكنا نخبي شي على ابونا وهو يستلمها هواش وتروح لأهلها زعلانه وبعد كم يوم ترجع ابوي كان دائما فصفنا ,,المهم مو هي موضوعي ,انابعد كم يوم انخطبت وجلست مخطوبه سنتين وتزوجت بعد ماتخرجت من الثانويه وبدأت مشكلتي مع ابوي من جديد عشان اخواني احيان انا ماكنت اقدر اجيهم البيت بحكم اني عندي اشغال بعد الزواج احيان لمدة اسبوع او يومين ويبدأيتصل فيني ويهاوش انتي خلاص تزوجتي ونسيتي اخوانك معاد تعرفيهم و الخ ..
وكل مره اذا غبت يسمعني هالكلام وانا وربي لانسيتهم ولاشي وكل يوم اتصل عليهم بس الله المستعان ...
دايما يظلمني يابنات دايما ويتهمني اني ماهتم فيهم ونا الي تحملتهم بعد أمي وانا صغيره وربيتهم ومع هذا ينكرجميلي ..مره يابنات كنت اتقهوى المغرب مع زوجي وقلت بتقهوى وبروح لهم بعدين لان ابوي كان مسافر وهم بالبيت مع الخدامه وشوي الا ابوي يدق يقولي ليش مارحتي عند اخوانك وانا اقوله الحين كنت بروح بس انشغلت شوي وماخلاني اكمل كلامي وبدأيكسر قلبي من جديد وقفل فوجهي وزوجي عرف لان عرف طبع ابوي معاي وانا بعدها بديت ابكي من الظلم والقسوه وزوجي يهدي فيني لين ماقمت ولبست ووصلني زوجي عندهم وراح بالسياره ويوم اوصل لبابهم ادق الجرس جات اختي الصغيره تقولي مين قلت انا فلانه افتحي قالت لا بابا يقول اذا جات اختكم لاتفتحون لها ولا بضربكم اه ياربي وش هالقسوه وش هالكره لي انا وش وسويت حرام عليك يابوي وجلست احاول فيها لاتخافين ماراح يضربك افتحيلي بس,,وفتحت ودخلت ,,ومره غبت عنهم يومين غصب عني ودق علي وسألني اسئله مالها داعي لوحده متزوجه وربي حسيت اني مرتكبه جريمه مومتزوجه قلي وشعندك انتي بالبيت وش تسوين الحين وش معاك وخاصمني ليش ماتجي تذاكري لأخوانك(( وانا بقلبي وهاالعله وش وظيفتها عندك )
وظلمني من جديد وقلي انتي اصلا حتى لو كنتي عندهم ماتذاكري لهم ولاتهتمي فيهم هم اشتكو منك واي وصلت للكذب يابوي ااه ياقلبي ويوم رحت لهم سألت اخواني انتو اشتكيتو مني لبوي وحلفوا انهم ماشتكوا ولا قالو شي لبوي ,,,,,,,,,,انا من بعد هالظلم وهاالاهانات تعبت تعبت وقررت قرار جدا صعب علي وعلى زوجي حبيبي وبنتي حبيبتي الي مالهم ذنب وهذي هي المشكله الحقيقيه (( قررت يابنات اني اتطلق اه ياقلبي وربي صعب انطقها هالكلمه لكن من الي لقيته من ابوي وفهمتو من تصرفاته انه ودي اتطلق عشان اجلس عند اخواني واربيهم بس ماكذ قالي..ليش يابوي كذا ليش وربي كرهتني فخواني وفي الحياه ليش زوجتني يابوي دامك كل مره تذكرني بمسؤلية اخواني ليش ماخليتني عندهم اخدمهم قبل ماتعلق قلبي بزوجي ليش حرام عليك))))
اناقررت هذا القرار وارسلت لزوجي رساله لانه عمله بمنطقه ثانيه وانا عند اهلي اتصل عليه بعدها وقلي لو مهما صار انا مستحيل مستحيل اتخلى عنك واذا تحسبين انك طفشتيني بمشاكل ابوك واخوانك فأنا قولك انه ماعليك ابد مني وراح اتحمل ابوك عشانك انتي ولاراح اتخلى عنك ابدا وامسحي هالكلمه من راسك,,......بس انا يابنات مارتحت فحياتي كل شوي يدق علي ابوي وينغص علي ويكدرني بكلامه وانا انسانه عندي قلب يحس قلت خليني اتطلق يمكن وقتها ابوي يعرف قد ايش ظلمني وماخلاني اعيش حياتي متهنيه بزواجي مثل باقي البنات..وانا هنا يابنات طلبتكم شوروا علي وش اسوي انا بحياتي ابوي مره ظلمني وكسر بقلبي شلون اقسمها بين مسؤلية اخواني ومسؤلية بيتي وبنتي لوظليت مع زوجي ماراح يخليني فحالي ابوي وراح ينكد علي بظلمه وقسوته حتى زوجي دخله بالموضوع وظلمه بس ماحبيت اقول لزوجي حتى ماتكبر زياده مع انو زوجي قريبي يعني قريب لبويه ومعروف الحمدلله باخلاقه بس ابوي الله يهديه كارهه مدري ليش ؟؟؟؟؟؟ كله اكيد عشان تزوجني واخذني من عندهم .. ولو تطلقت راح اخرب حياة بنتي الي مالها ذنب والله عقلي ماصار معي مدري وش اسوي بروحي,,,الله يرحمك يالغاليه تعالي شوفي بنتك قد ايش تعاني ,,استغفرالله واتوب اليه ,, وربي يابنات هذي المواقف جزء من الي يسويه ابوي معاي بعد زواجي ,,انا جدا اسفه حبايبي اني طولت عليكم بس وربي كاتمه الي بقلبي من بعد وفاةالغاليه ربي يرحمها وبجد تعبت تعبت وانتم مثل اخواتي لاتخلوني وادعولي والي ماعندها حل ترفع موضوعي لو بدعوه .......