اهتمام خاص من واقع حياتي

1. بدى الدكتور بالسن بعد ماخدر تماما


2. الدكتور: انك توك صغيره وكل هالسوسه باسنانك


3. تحطمت ا كثير وتمنيت اني ماقلت وشو


4. الدكتور: تراي مافهمت وش تقولين!!


5. الدكتور: يوه من زمان وراك تاركتها للحين شوفي كيف رايح فيها


6. وانا ظالم هالي مسويته لتس اثاريك انتي المهمله


7. وشوي يسولف معي وشوي يسولف مع المرضه الفلبينيه


8. الحين ليه اذا وحده خطبها دكتور رفظوا يقولون عشانه يشوفحريم واجد


9. انا: لا بس انت تسولف مع حريم واجد


10. انا: لأ


11. الدكتور: يالله الحين قولي لي الي قلنا نخليها بعدين


12. ام وشي ايه صح ليش البنت ترفظ ولد عمها


13. كملت:

اهلين بالفراشات الي كلهم مشاعر..
مبسوطين؟؟
هذا اول موضوع لي في هالمنتدى واتمنى الاقي تفاعل منكم..
بانزل لكم قصه بس اقرب ما تشابه بالرواياه
وسالفتها اني كنت بالصيفيه الي فاتت اراجع عند دكتور اسنان وصار كل الي باقوله...
اتمنى انها تعجبكم وابي ملاحظاتكم ونقدكم البناء..
ترا هذي اول مره اكتب شي زي كذا..يعني لاتواخذوني
ما اطول عليكم بارسلها مجزأه نظرا للتعديل الي باسويه لأني كنت ناويته اكتبها على اساس انه مب انا
بالعربي روايه..
عاد ياريت تعطوني وجه وتعلموني باخطائي...
اترككم مع السولافه:
في ذاك اليوم رحت يم استقبال الاسنان عشان ااخذ موعد لأسناني فلما قالت لي بعطيك مواعيد عند دكتور فلان عادي!!(يعني رجال)
قلت سعودي؟؟
ردت علي ايه
انا:مافيه حرمه
لا والله
انا هنا مره زملت منه ولا ارتحت له من قبل لااشوفه!!فكرت وقلت يعني ابداها هنا والله ييسر علي..
اخذت 3 مواعيد بالاسبوع القادم..فكانت...........
رحت للمستشفى..لاول مره اشوفه:
انا: السلام عليكم
الدكتور:وعليم السلام
الدكتور:تفضلي
جلست عالكنبه
الدكتر:عندك امراض او شي
انا: ايه عندي عدم تخثر بالدم
الدكتور: وشلون يعني
انا: يعني اذا انجرحت مثلا يبطي مايوقف الدم
الدكتور: هاه وتاخذين علاجات
انا: ايه
الدكتور: وشي
انا: فيه حبوب اخذها عند اللزوم وابره يعطوني ايها المستشفى اذا بغيت اسوي عمليه او اخلع ظرس
الدكتور: معك هي الحين
انا: لحظه(وجلست ادور بشنطتها)... لا ماجبتها والله بس بتكون موجود اسمها بالملف
الدكتور: وش تشتكين منه أي سن تبين ازين
انا: عندي السن الامامي ابي ازينه طايحه الحشوه وبقي سوسه فيه ماراحت
الدكتور: اشوفه
فتحت فمها وورته السن
الدكتور:هذا انتي مزينته عندنا
انا: ايه زينته لي الهنديه بعدين اخذت موعد وكملتلي وحده سوريه
الدكتور: اها شكله عميق ويمكن يوصل عصب!!
الدكتور: من الدكتور ابوك والا اخوك؟؟
انا: .....!!!!!!..... لارد
وهو ينتظر الممرضه تجهز ابرة البنج..مالاحظتي نك سحبتي على سؤالي من الي هنا ابوك والا اخوك
انا: ولا احد
الدكتور: يعني واسطه
انا: لا العصى السحريه<<هنا ظاق صدرهي شوي ونقزت الفطره وقلت..يوه يارب سامحني وش انا قلت يالله بعد رجعنا هبال!!!
يارب سامحني ما قصدت شي..
ظحك الدكتور بعدين قال:يعني واسطه
انا: لا عشان عندي سيلان بالدم(عدم تخثر بالدم)
الدكتر: اها اجل عشان كذا
سكت الدكتور شوي بعدين قال:
من وين انتي
انا: ليش!!
الدكتور: لا بس سؤال
سحبت على سؤاله
الدكتور: طيب وش تصيرون انتم!!
لفيت عليه مستغربه وفي خاطري وش تبي انت
الدكتور: هاه وراك ماقلتي لي!! يا اختي تراي ما احب الغموض الي كذا
انا: لا منتب اول واحد يقول اني غامضه ترى فيه بعض البنات لهم سنه وسنتين مابعد عرفوني للحين يقولون انتي غامضه
الدكتور: لا بس ما احب الي كذا يعني زي امي هالحين اذا جلست اسولف معها ماتعطيني اجابات واطفش وياأجلس اقرى والا الهي نفسي باي شي<<اخس يا ابو الثقافه....
الدكتور: شكلك ملزمه ماتقولين بس اذا يظايقك بكيفك
منيره: ليش وش تبي يعني ماله داعي تعرف
الدكتور: لا بس كذا ابي اعرف ليش يعني ملزمه ما تقولين طيب بس من وين انتم
انا: اذا قلت لك من وين بتعرف وش اصلنا
الدكتور: لا منيب خبير بالاصول
سكت وابتسمت على كلمته بعدين قال
الدكتور: ليس الفتى من قال كان ابي ان الفتى من قال ها أنذا
يعني مو المهم بالاصل والي يقول انا اصلي كذا والا كان ابوي..الواحد هو باصله وترى انا يعني مو قليل اصل الحمد لله بس يعني موب مهم الاصل

بدى الدكتور بالسن بعد ماخدر تماما

الرجال مصمم انه يعرف انا من وين ورجع يسألني طبعا انا يومه يسألني كنت أفكر بخاطري اقول له او لا طيب وش فيها اذا قلت له الديره الي انا منها فيه عايلتين بس فيه ناس مب قبايل يعني لو صار شي يحسبني منهم مثلا والا اقوله ##### الي انا منها من قبل الي الحن منها والي سكنوا فيها جداني!!!!(الي نقول اننا منها دايم)
سفهته هالمره بس ما فوتها رجع يسالني لين قلت له بس قبل قال:
الدكتور: انت حوطيه
انا: لأ!!<<اقوله وانا مستغربه طبعا ردة فعلي كانت شوي قويه بلاي ماتحب الحواطى(مع احترامي للحواطا الي عندنا)
الدكتور:معليش بس كانوا من اول جيرانا يوم كنا ببيتنا القديم حواطا من الفلان وابي اشوف يقربون لكم اولا
انا بخاطري:وانا وش عرفني ببيتكم القديم!!!
بعدين قلت: لامو منا
الدكتور: عاد انا حوطي من حوطة بني تميم عشان كذا ابي اعرف
انا: بخاطري اشوى اني ماسبيت الحواطا اثاريك منهم
الدكتور: هاه ماقلتي لي من وين انتي يعني وش فيها الحين اذا قلتي لي من وين تراي والله منيب اكلس
انا: من الزلفي
الدكتور: زلفطيه اجل!!
هنا ظحكت وقلت حتى انت!!
الدكتور: ايه واحد من ربعي زلفاوي ونناديه يالزلفطيه وقعد يمثل انه يناديه(يالزلفطيه تعال يالزلفطيه رح جانا الزلفطيه....
اخذ الدكتر الابره من الممرضه وبدى يبنج السن
هنا ا بدت اشد اعصابي من الالم
الدكتور: معليش هذي المنطقه جدا حساسه عشان كذ بيالم مرره اسألي مجرب مجربه قبلس انا
هنا ا ماقدرت امسك نفسي وبديت اظحك شوي احس انه بيطلع لي صوت بين الظحك والصياح
الدكتور: يوه يوه يوه لاماتوصل لكذا انتي قويه وبتتحملينه ا نشا الله والا
يالله الحين مابقي الا شوي هاه خلصنا..خلصنا..
وبينما ينتظر السن يتبنج بدى يكشف على باق الاسنان
الدكتور: الحشوه متاها طايحه
انا:ايام الاختبارات
الدكتور: شكلك تاكلين حلويات كثير ايام الاختبارات والا
انا: ام يعني
الدكتور: لاتقولين يعني تاكلين حلويات الا!!<<يقولها وكانه يتطنز عليها بلاها ماقالت ايه
عندك سوسه كثيره!!
انا: داريه
تبين ازينهم لك
انا: والله ياليت
من شوي الا ويبدى الدكتور بالسن وهو يحفر ويشفط عاد بدى يسولف معي
الدكتور:انتي تدرسين
انا: ايه
الدكتور: بالثنوي والا بالجامعه
انا:لا بالجامعه <<بخاطري تكفي لاتسال عن القسم لاني داخلته وانا موراغبه فيه
الدكتور: وش قسمك
: دراسات
الدكتور: دراسات اسلاميه والا!!
:<<بخاطري لاموسيقيه بلانا اذا بغوا يتطنزون صديقاتي قالوا كذا لانه مو متدينيين>>ايه
الدكتور: داخلته برغبتك
انا: والله مو مره بس عشان البوابه الالكترونيه صار كذا حظي
عاد بدى الدكتور يسولف علي وانا بخاطري ياكثر لقلقتك بس!! مليت من سوالفه
وما يمديني اخلص من ذالتفكير والكلام الي بخاطري الاويقول
الدكتور: عاد انا جالس اسولف معك بس عشان ابعد التوتر عنك لاتحسبينه شي ثاني
انا: بخاطري كانك تدري وش انا تو أقول عنك<<لاعادي<<اجامله
الدكتور: تدرين وش الي قاهرني الحين
انا:بحماس:وشو!!

الدكتور: انك توك صغيره وكل هالسوسه باسنانك

تحطمت ا كثير وتمنيت اني ماقلت وشو

الدكتور: يعني تخيلي يجوني ناس والله بالخمسينات ولانشوف فيهم سوسه الا شويه ولا نص هالي فيك ,يوه والا مره جتني وحده هنديه ياهي سببت لي قلق عندها سوسه اماميه ومو مره كبيره بس بهذلتني بهذله زينه لي زيين.. لاشف هنا هذا غير هذا ..ابي نفس لون السن تماما وجلست ساعه على بال ما ازينه على الي تبي عاد مظايقها ليه مو متساويه والله ولا اقتنعت الا لما وريتها هذي التركيبه حقت الاسنان الي تعلم كيف التفرش
انا:هه يوه قلق
الدكتور: مرره بهذلتني, لا والحين بعد نقول والحن يالسعوديين والله يخلف علينا
وشوفي كيف ذولا مهتمين بانفسهم..
وجلس الدكتور يكمل سوالفه مع السستر وشوي ويسولف معي ورجع يسألني نفس السؤال ورديت نفس الجواب ليش!!
رجع يقول لان توك صغيره وانتي فيك كل هالسوسه
ابو التحطيم الي جاني عاد
عاد رجع الدكتور يسولف مع السستر
طبعا هذي اول جلسه فما كان يسولف واجد
الدكتور: يالله الحمد لله انتهينا.. يالله شوفي زين كذا والا الا!!
انا: لا الحمد لله زين مشكور
انتهت الجلسه الأولى بعد ما حدد لي موعد وخبرته ان الاستقبال معطيتني 3مواعيد خلال هذا الاسبوع
المهم رحت بعد يوم الزياره الثانيه..
الثانيه:
دخلت وكان واقف عند المرايه يربط الكمامه
انا: السلام عليكم
الدكتر: وعليكم السلام ((ترى للمعلوميه كل واحد ما يدري ان الثاني يسلم الا لما نسمع حرف السين لانه هو الي يوضح بالهمس))
جلست على الكرسي عشان استعد يصلح لي ظرسي الي مسوي لي قلق
الدكتور: كيف الحل!!
انا: الحمد لله تمام
الدكتور: عساك بخير
انا: الحمد لله بخير
الدكتور: وش ودك نزين اليوم
انا: ظرس ورى هنا وتاشر له باصبعها على الظرس
هذا شلت العصب بس ما كملته
كشف عليه طلب ابرة المخدر
بعدين قال:الظاهر انتي بتاخذين خبره بالعصب
بعدين سكت وقال على فكره تراك تتأخرين والمواعيد عندنا ماترحم يعني لو تتاخرين ربع ساعه خلاص ينحذف الموعد(لانها كانت تجي بعد الموعد بربع ساعه)
منيره: بصراحه المره الاولى مالي عذر بس اليوم جايينا ضيوف برا الرياض وجالسين عندهم

الدكتور: تراي مافهمت وش تقولين!!

انا: اقوول: المره الاولى مالي عذر.. بس اليوم.. جايينا ضيوف برا الرياض.. بعفويه قالت:(من زين الظيف بعد تراه ولد عمي)<<بصوت مو مره واضح لكن سمعني.. وعاد انت عارف الكرم الحاتمي<<اتطنز لازم نفطره ونقهويه ونغديه بعد(الموعد صباحا بس من باب المبالغه)وعلى بال مايخلصون يذكروني ويودوني
والا والله قبل الموعد بنص ساعة وانا جاهزه وعلي عباتي بعد وحالتي حاله بس انتظر
الدكتور: ليش عاد حالتك حاله
انا: بلاه قهر
سكتنا شوي وبدى يصلح وينظف الظرس
الدكتور: ولابعد والله يانه عليه دخلات ولد عمتس ذا
انا: ليه شكلك حاقد عليه
الدكتور: لا بس الصبح!!مالقى يزور الا الصبح!!
انا: عاد عنده شغل
الدكتر:اهاا يعني كذا اجل
لاحظ الدكتور ان الظرس دمران وبدت تطلع منه ريحة عفن<<ادري انكم تقولون يع الله يحوم تسبدتس بس تابعوا بصمت
الدكتور: متى مسويته
انا: ما اذكر بس تقريبا كنت بثاني ثنوي<<عاد انت جبها خ

الدكتور: يوه من زمان وراك تاركتها للحين شوفي كيف رايح فيها

وانا ظالم هالي مسويته لتس اثاريك انتي المهمله

انا: والله هم الي ما عطوني موعد وكل ما اجي ابيهم يكملونه يعيون يقولون روحي للمستشفى نفسهم الي تراجعين عندهم حق الدم والي هنا يالله لقيت لي موعد<<طبعا انا هنا تنرفزت بلاه مايدري عن ظروفي الصعبه وكيف بالموت لقيت من يزين لي ظروسها

وشوي يسولف معي وشوي يسولف مع المرضه الفلبينيه

بينما هو يسولف معي وكان يتكلم عن المصاريا قال:مثل اخوانا المصاريا مره رايح بيشتري له نظاهره مو انا لا هذا واحد من ربعي زيين..عالعموم وهو يقلب بالنظارات يوشوف هذي ويلبس هذي المهم ويلقى وحده تعجبه عاد لبسها وهو يشوف نفسه قال البايع: الله.. دانت زي الامر مزبوطه عليك هي كده ممتازه
ويكمل عاد ياشينهم اذا قاموا يتملقون عشان يمشون بضاعتهم<<يقول يتملقون بالفصى يازين الكلام بس <<شكله حايمه كبده من المصري
يوم خلص كلامه قلت:دكتوربأسألك سؤال!!
الدكتور:تفظلي:
انا: انت متزوج!!!
الدكتور:لا ليش بتخطبين لي!!
انا: ظحكت وقلت: لا بس قرقه مشا الله<<انا طبعا مستغربه رجال وعنده كل هالسوالف اول مره اشوف واحد كذا اعرف ان الحريم هم اللق لق
سكت..هنا قلت:يووه فشلته المسيكين!!
اثره مافرقت معه!!!
كمل وقال:

الحين ليه اذا وحده خطبها دكتور رفظوا يقولون عشانه يشوفحريم واجد

انا: لا بس انت تسولف مع حريم واجد

الدكتور: ذكرتيني مره رايح اشتري شنطه حقت الاب توب حقي هذي الي عالطاوله شوفيها اذا قمتي بعد شوي المهم وانا رايح ادور وادور لي شنطه ولقيت هذي الي تعجبني وافتشها واقلبها واعجبتني المهم واخذتها لراعي المحل بحاسب وقالي السعر وانا عييت وكاسرتها وانا واياه لين جاب السعر الي يعجبني يوم كذا اتفقنا على السعر قلت له اصبر بروح شوي واجي<<هنا أ حامت كبدي من الدكتور وش ذالقلق (يعني قهرتني حركته بعد كل هالمكاسر ترووح)بس ظحكت عليه شوي
يكمل الدكتور وارجع ادور لي وحده ثانيه بس اقل سعر من الاولى هماي خلاص ظمنت السعر الي ابيه يعني ماعاد يمديه يغير بالسعر واروح والقى وحده واخذتها ونفس الشي كاسرته لين جا سعر الي يعجبني ويوم كذا قال المحاسب :دانت متقوز
الدكتور: لا ليه
المحاسب:الله يعين قوزتك عليك
الدكتور: واذا هي طفرانه زيي
المحاسب:الله يعينكوا على بعظيكوا
انا: والله انه صادق
الدكتور تشمين الروائح الحلوه
انا: ببلاهه لأ
ويشيل شوي من الغطا عن خشمي عشان اشم<<تراي اتغطى عنه وماافتح الا نص الغطا يعني بس الي يحتاج يشوفه
واع ريحه خياس على اصوله <<اكيد تقولون عما وش ذي ملزمه على الخياس والعفن
انا: لفيت بقوه وغطيت خشمي من شدة الخياس
الدكتور: ايه عشان تعرفين وشلون صاير ظرسك هالي مخليته
وانا بخاطري حسبي الله عليك بس والله ابو الاحراج والخياس هنا كرهت نفسي وكرهت الساعه الي جيت وتمنت الارض تبلعني ولا طحت بالهموقف البايخ
وبعد سكوت ما كمل دقايق وهو مخلص من الفلبينيه سوالف..
الدكتور: اما ولد عمك ذا والله يان عليه زياره الصبح عااد!!شكل الولد عاشق
وهو يقول كلامه حتى قبل لا تكمل ابتسمت
الدكتور: استحيتي لا تراي اقوله كذا بس
اما عليه طلعات مالقى يجي الصبح!! والله غريب
انا: لا وابشرك تؤمه يجي باخر اليل مواقيت هه!!
سكتوا شوي بعدين قال الدكتور : اجل عاشقس ولد عمس ذا جاي يخطب اجل يالله عاد خلينا نزينس لولد عمس ذا عشان تتزوجينه
بعفويه قلت:يعع
الدكتور: هه ليه ماتبينه؟!!

انا: لأ

الدكتر: الحين لييش اذا الوحده خطبها ولد عمها ما تبيه تلقينه ميت يبيها وهي معيه
بس اصبري لا تتكلمين الا بعد الفاصل اذا خلصت تكلمي عشان مايجيه هذا وش اسمه.......لعاب<<لانه بدا يتعمق بالظرس ولا يبي يدخل فيه لعا ب على قولته<<((هنا اقول بخاطري... ياعيني يامستحي لعاب !! قل سعابيل وبس تراكلنا سعوديين ونقول سعابيل(ولا بعد بعض الايام تنقلب زعابيل)خ
بس والله شي يقهر تليقنه يبيها وهي مدري يعني تتغلى عليه والا مدري وشو
وجلس يكمل لها ظرسها
وهو شوي يسولف مع السستر وشويات معي اجل انتي ماتبين ولد عمس!!
انا: لا
اهاا بس يالله الحين شوي ونخلص ان شالله
بعد الشي الي لازم تتعودون عليه 3 اشيا 1 بعد ما يحط الحشوه ويظغطها عظيها!!2هاه كذا زين والا مظايقك 3 يحط الورقه هذيك عشان اذا فيه زياده يعني يتاكد وان كان فيه زياده وخره والا الحمدلله على السلامه
يوم قمت من على السريرمدري الكرسي مدري شسمه

الدكتور: يالله الحين قولي لي الي قلنا نخليها بعدين

ام وشي ايه صح ليش البنت ترفظ ولد عمها

انا: شف والله البنات يختلفون يعني بعظهم مايبون يتزوجون اقارب مثل امي حالفه ما نتزوج اقارب<<هنا هو ظحك.. وبعظهم يكرهون عيال عمانهم مثلي والبعض بس يتغلى يعني مثلي مره خطبني واحد من الأقارب قبل لا يخطبني ماكان يعني لي شي بعد ماخطبني حلفت ما اتزوجه لاني اكره خواته بالمره شايفات انفسهم زيين ..عالعموم بعدين احس اني حبيته (يعني بعد الخطبه) عالعموم فكرت وقلت انا بعيش معه موب مع خواته
هنا هو رفع راسه قال مين هذي انتي والا وحده تعرفينها!!
هنا ا انحرجت وقلت لا انا وانا اصلا اول ما بديت اقول له السالفه احس اني خجلانه

كملت:

عالعموم يوم سالني ابوي انا على طول رفظت وانا كنت احبه بس حتى اهلي ما كانوا يبوني اتزوجه لان امي تقول حرام صغيره وعلى طول بتسافر معه برى يعني لو انه بالرياض وتجينا وحولنا اهون شوي بس بالخارج ما تطمن قلبها(كان يدرس بأستراليا)
عالعموم هو الحين تزوج وانا مره ظاق صدري بلاه تزوج وانا بالزواج احس اني ابي اصيح عشانه بس الحين خلاص صار عادي
الدكتور: ام ايه وابتسم لها ..<من نظراته تحسسك انه نظرات حب واعجاب مدري وش لون اوصفها بس اهم شي انها مليانه حنان...<<خلاص الاخت خقت خ
بعدين قال: وبس!!
انا: وبس يالله عاد الله يكتب الي فيه خير
الدكتر: يالله اجل منيره الحين روحي خوذي موعد عند الهنديه عشان تكمل لك العصب
انا: اخذه من قبل والا واحد ثاني!!
الدكتر لا ابي اكثف لك المواعيد عشان تزينين باقي اسنانك العصب لانه عندك كثير يبي عصب
والا تدرين انا الحين اجي معك عشان حتى ابي لك مواعيد زياده
طلعنا عند الاستقبال اخذ لي عنده 4 مواعيد زياده غير الي بعد كم يوم واخذ عند الدكتوره الثانيه موعد عشان تكمل لي اسناني..
لما رجعت من العيادة قعدت اراجع نفسي شوي..
وظحكت لما تذكرت الكسحه الي قلتها للدكتور لما سألت هو متزوج او لا
لكن اعجبت بنفسي لأني قالتها بوجهه
يتبع