اهل زوجي

السلام عليكم
ساعدوني خواتي في مشكلتي
انا لما خطبني زوجي شرطت شقه مستقله عن اهله بعيدا عن المشاكل لانو اعرف شخص قريب لي وصلت
معه وزوجته للطلاق قلت خليني اشرط من البدايه
ولكن للاسف لما تزوجت صحيح انهم حطوا لي شقه شبه مستقله احس انها كذبه استغفر الله
المهم اهل زوجي طيبين خالتي والبنات والعيال مااظلمهم وانا الحمدلله نفس الشي طيبه معهم بس
العيب الي فيهم انهم مزعجين وهذا عندهم عادي وانا ماتعودت ابدا ع الوضع
يعني كل شوي يدقون بالتلفون ولا يطقون باب الشقه الي فوق
انا بيني وبينهم باب تحت وانا كذا مره اذا جيت انزل ابغى اروح للحوش اما افتح الباب او اخذ غرض خاص من
زوجي او اكنس الحوش الاقيهم فاتحين الباب الي بيني وبينهم بقووه والعيال يمرون من عند الباب وعجزت
عن زوجي اقوله ركب دفاش على الباب الي يسكر نفسه عشان اخذ راحتي لما انزل ولكن للاسف
يطنشني يقول مشغول تكفون عطوني حل لها الباب تعبت معه لاتقولون لي سكريه انتي مااقدر
عذرا للاطاله