اوعي ياعروسة تسمعي اي نصيحة قبل ما تقري الموضوع ده

1. والعروسات الامورات ربنا يتمم لكل واحدة فيكم علي خير يارب


2. انا قلت اكتب لكم النهاردة موضوع خفيف شوي(وزنه نصف كيلو بس(

السلام عليكم ورحمة الله وبركاته
فراشاتي الحبيبات

والعروسات الامورات ربنا يتمم لكل واحدة فيكم علي خير يارب

انا قلت اكتب لكم النهاردة موضوع خفيف شوي(وزنه نصف كيلو بس(

من الاول كده الموضوع ده للهزار والضحك ومش بحق وحقيقي عشان مفيش واحدة يجي لها احباط انا عملت الموضوع ده وهنا بالذات عشان نهزر مع بعض ونغير المود شوي انا بقولكم الموضوع ده هزار وبس انتم حرين بقي قد اعذر من انذر
عشان لما تيجي اي واحدة قبل الجواز تنصحك وتقولك اعملي كذا او خلي كذا تبقي عارفة رد الفعل الطبيعي بتاع جوزك ايه لما تعملي معاه كده (عشان توفري علي نفسك الغلبة )
يالا اتفضلي اقري وامنعي الضحك واوعي تصدقي الكلام ده كله ضحك في ضحك(مش كله قوي يعني بس مشيها انه كله ضحك بس بصراحة في شيء من الواقعية) ولو في الحقيقة جوزك عمل فيكي كده مش هقولك بقي تعملي فيه ايه(ترقبوا موضوع جديد عن ازاي تقتلي جوزك من غير نقطة دم)
النصيحة الاولي :حين ياتي زوجك للمنزل ابتسمي في وجهه و لا تستقبليه بعبوس (كالعادة) .
رد الفعل الطبيعي للزوج : ربنا يستر .
النصيحة الثانية : لما تحسي ان جوزك متضايق قولي له يالا تعال نتمشي شوي.
رد الفعل الطبيعي للزوج : معلش جالي شد عضلي(ياشيخة روحي اتهدي ونامي بلاش وش اما انك فاضية قاعدة في البيت طول النهار صحيح)
النصيحة الثالثة : يجب ان تعترفي بأخطائك و لا تتكبرى.
رد الفعل الطبيعي للزوج :و يا ريتك بتتعلمي , مفيش فايدة منك اخر غباوة وتنشيف مخ ياساتر عليك .
النصيحة الرابعة : لتشعريه بأهميته ، اتصلي به في العمل.
رد الفعل الطبيعي للزوج: هو انتي ورايا ورايا حتي في الشغل ارحميني منك شوي .
النصيحة الخامسة: اكتبي له قصائد حب و خواطر.
رد الفعل الطبيعي للزوج: نقلتيها من انهي جرنال والا مجلة ديه بس ريحي نفسك مفيش فلوس.
النصيحة السادسة :خدي صورته واحتضنيها ومثلي حين قدومه انك نائمة وفي حضنك صورته.
رد الفعل الطبيعي للزوج :انتي كنتي واخدة صورتي في حضنك وانتي نايمة ليه بتتحسري علي حظك وتقولي ايه القرد اللي متجوزاه ده؟؟؟؟
النصيحة السابعة : قولي له نكتة ظريفة
رد الفعل الطبيعي للزوج : بعد فترة من قولك النكتة .....مطلوب نضحك يعني والا ايه فين النكتة ديه ياظرافتك.....
النصيحة الثامنة: قومي بطهي ما يحب من الأكلات
رد الفعل الطبيعي للزوج : ياسلام عليكي يا امي مفيش احلي من طبيخك والله.
النصيحة التاسعة :قدمي له هدية بدون مناسبة .
رد الفعل الطبيعي للزوج : ايه المناسبة ورثتي حد من عيلتكم والا ايه؟؟؟
النصيحة العاشرة :عند ايقاظه مبكرا اجعلي اول ما يراه ابتسامتك
رد الفعل الطبيعي للزوج : ربنا يستر النهاردة يافتاح ياعليم يا رزاق ياكريم ديه خلق حد يستطبح بيها؟؟
النصيحة الحادية عشر :اثناء توجيهه الكلام لك لا تنشغلي عنه بل ركزي في عينيه بنظرات حانيه
رد الفعل الطبيعي للزوج : ( بيقول بينه وبين نفسه) اول مرة اخد بالي انها عندها حول ياساتر يارب كويس ان محدش من العيال طلع لها.
النصيحة الثانية عشر :ساعديه على اختيار ملابس متناسقة الالوان اثناء لبسه
رد الفعل الطبيعي للزوج : وكمان عندك عمي الوان ده المكوجي بيرتب احسن منك الاطقم علي بعضها .
النصيحة الثالثة عشر :كلما عاد من سفره اجري عليه
رد الفعل الطبيعي للزوج : ( لوكانت سمينة) زلزال
(لو كانت عادية) فاكراني جايب لها حاجة جاية جري تاخدها .
النصيحة الرابعة عشر :حذار ان يكون موعد نومك هو موعد عودته للمنزل
رد الفعل الطبيعي للزوج : ياجدعان سيبوها نوم الظالم عبادة
النصيحة الخامسة عشر: قللي من اتصالاتك بصديقاتك اثناء وجوده بالمنزل
رد الفعل الطبيعي للزوج :شوفتي مش انا لوحدي اللي زهقت منك.
النصيحة السادسة عشر :تذكري دوما أن الطريق الى قلب الرجل يمر بمعدته
رد الفعل الطبيعي للزوج : هي بتاكلني النهاردة ليه ربنا يستر وماتكونش ناوياها الليلة احسن حاجة اكل واعمل نفسي نايم.
النصيحة السابعة عشر :تقبلي ما يشتريه دوما بصدر رحب
رد الفعل الطبيعي للزوج : نفسي مرة تخلي عندها ذوق وتقولي شكرا ياجوزي كفاية علي هدايا كده.
النصيحة الثامنة عشر :اشعريه دوما بأنه سي السيد
رد الفعل الطبيعي للزوج :ايه الرضا ده كله عاوزة مني ايه وبكام؟؟؟
النصيحة التاسعة عشر :املئي عينيه بجمالك كي لا ينظر الى غيرك
رد الفعل الطبيعي للزوج :هو فين جمالك ده ؟؟؟
النصيحة العشرون : لاتكثري من الطلبات واقتعي بالقليل
رد الفعل الطبيعي للزوج : بقالها كتير ما بتطلبش حاجة اكيد بتدكن من مصروف البيت وفاكراني عبيط .
النصيحة الواحدة والعشرون :اشعريه دائما أن وراء كل رجل عظيم امرأه
رد الفعل الطبيعي للزوج : ايوه عشان وقت اللزوم تقوله انا اللي خليتك عظيم ولولاي كان زمان بواب والا شحات انتي ناسي انت كنت ايه وبقيت ايه؟؟
النصيحة الاخيرة :حاولي ان تشاركيه مشكلاته وتبحثي معه عن الحلول
رد الفعل الطبيعي للزوج :فكراني هاخد بكلامك هه ناقصات عقل ودين صحيح .
شوفوا بقي الموضوع ليه بقية مش هكمله الا اذا شفت منكم تشجيع يالا وروني الردود عاملة ازاي وانا اكمل الموضوع للجزء الاحلي.
واللي عجبها الموضوع تدخل وتقول رايها والكلام ده فعلا بيحصل والا لا
واللي ما عجبها تدخل وترد السلام اللي في اول الموضوع وتقفل الباب وراها
مستنية الفراشات العروسات