اول ايام العيد صديقاتي قطعوني عشاني ما تزوجت اتركوني

السلام عليكم ورحمه الله وبركاته
ادري انه كلن بهمه سرى وانا بهمي سريت بس ابي افضفض لكم
ماعندي حد افضفض له .. ما كنه عيد انام بدمعه واصحى بدمعه
زمان يوم العيد كان جوالي ما يوقف من الاتصالات واذا كان مشغول يتصلون صديقاتي
على تلفون البيت !! واليوم الصباح الي هو يوم العيد فتحت عيوني لقيت مكالمه وحده يتيمه
ولما رجعت دقيت على صديقتي ما ردت علي .. اه يا ربي
واذا عاتبتهم حسسوني اني ناقصه
واني ما احس بمسؤلياتهم واني لسى بعالمهم القديم
واني لو مرغوبة كان على الاقل تمت لي خطوبة !!!
لانه صديقاتي الي في ابسط الحالات مخطوبة وزواجها بالصيف والي متزوجه والي حامل
والي عندها بنت والي عندها ولدين .. ماشاء الله الله يوفقهم
اما انا باقي في اول الخط ادعي اني اتزوج
يا رب مالي غيرك يا رب يا رب زوجوني انا وكل من تقرأ موضوعي هذا ..آآآمين
واهلي اذا طلبت منهم شئ اول كلمه اسمعها هي ( لا )
واذا قلت ليش قالو (اذا تزوجتي ) طيب زوجوني .. صرت احس ما عندي فكه الا اتزوج
انا انخطبت اكثر من مره بس يجي الرفض من اهلي
ومره امي قالت لهم ترى اختكم صارت فرص زواجها قليله
تقول لي امي انه اخوي قال عادي اجلس حتى لو يوصل عمري ما يهمه
دامهم ما يبون يزوجوني ليش كل شئ ابيه يعلقونه بالزواج ومعيشييني بضيم وقهر ؟
والله يا بنات اني ادعي وابكي ابكي بحرقه
وابكي احيان الين احس انه عيوني راح تنعمي ..
..
قلت موضوعي اتمنى انه في وحده منك تدعي لي الله يزوجني ويطلعني من الهم الي انا فيه
ممكن وحده منكم مستجابه دعوتها .. وتكون سوت فيني خير ادعولي بظهر الغيب وادعوا بعد لكل بنت
تبي تتزوج .. اكيد فيه بنات مثلي
يارب عجل بزواجي بالزوج الصالح
وزوّج يا رب كل الفراشات العزابيات الي يبون يتزوجون
بالازواج الصالحين عاجلا غير آجل من غير شر .. آآآآآمين