اول مذكراتي تخيلو وش قالي خطيبي لما شافني يوم ملكتي واو

مرحبا عسولات قمورات دلوعات والاهم عروصات ههه
امهات المستقبل
اول حاجة الف مليون ترليون مبرووك لكل البنات اللي تزوجو واللي ملكو ..
حبيت اني اعمل فكرة زي المذكرات اللي نكتبها ونحتفظ فيها عشان تبقى لنا ذكرى بكل مافيها ..
وخاصة لفترة التجهيز والملكة والزواج ومابعده ان شالله ..
وياليت تبدون لي رايكم بالفكرة .
طبعا ملكتي تمت الاسبوع اللي فات على خير ولله الحمد ..
يابنات طلعت الحفلة احلى مما توقعت ولله الحمد ..
لاني كنت مرتبة اشياء .. وصديقاتي فاجئوني بأشياء خطيرة .. طاولات التقديم وطاولة
الاستقبال وحاجات مرة حلوة اول مانزل الصورحوريكم اياها ان شالله .. بس ذكروني
نبدا بالقصة ههه
المهم اول ماوصلت القاعة و فوقي هام السحب ههه.. التسريحة اللي حسيت انها زادتني كيلو ..
بس من جد
تغير شكلي وصاار خيال الحمدلله
.. حتى انا ماعرفتني
خليني اقولكم اول كيف كان شكلي ...........
لاني اعرف نفسي واعرفكم نحب ونعشق التفاصيل يماه مننا ....... صح ؟؟؟
المهم ..
التسريحة ..
كانت فخمة مرة خاصة ان شعري طويل وكثيف واسود .. قولو ما شالله تبارك الله
وكانت طريقتها ...
كلها خصلات داخلة مع بعضها وعليها ظفاير داخلة معها .. عملتها لي الكوفيرة بشكل خيال
والاحلى انها ماخذت وقت فيها من سرعتها ما شالله وربي يمكن ساعة وكانت مرتببة وحلوة وغريبة
ومن الجنب اخذت نهاية من الخصل اللي كانت داخلة في بعضها من شعري وعملتلي اياها زي الريش ( فرتزاتشي ) واطرافها زي قليتر .. وربي حسيت انه صرعة وحاجة راقية .وحطتلي من الجنب كرستالة فضية ناعمة والستررس الي فيها يلعب لعب .. وكان على شكل ورد مع اوراقه طبعا انا اللي جبتها
وراح اقولكم بعدين ليه اخترت الكرستال يكون على شكل ورد !! ........
المهم اتعب اتعب وانا اقولكم عنها تجنن وتأكدت اكثر من الكلام اللي قالوها المعازيم عني .. احم احم ههه .
اما الميك اب ..
وربي مرة كنت خايفة لاني اول مرة في حياتي اعمل فل ميك اب ..
وانا بطبعي ماحب الاوفر احب انه يكون طبيعي واضاءة اكثر من انه قوس الرحمان ومهرجان الصيف ههه
بس وربي بدعت فيها
نسيت اقولكم .. كان الشدو .. من فوق زهري واضح على اسود ومن داخل العين تركواز ومن تحت اسود على زهري
حتى مامتي اول ماشافتني قالت ( الله بنتي تجنن ) يعني اعطتني ثقة 1000000%
انتو متحمسين تعرفو وش قال ابو الشباب ههه ..صح ؟؟؟
بس انا احب انكم تتخيلو .. وتعيشو التفاصيل معاي ههه
ولا ايش رايكم ?????? ....
ام بنوتات لكم وعد اني انزل لكم صور الحفلة والتجهيزات وصورة عربية الملكة .. اذا حسيت انكم
متفاعلين معاي
اما الفستان
والفستان ههه .. هذا اللي ضيع ابو الشباب ههه بس والله احراج
كان لونه فوشي ,, على كرستالات فضية ..
من فوق قصة سنتيانة والكورسيه دانتييل ناعم ماسك ومنثور عليه كرستالات صغيرة ..
خصر نازل
الفستان من تحت اكثر من 50 وردة فوشية وفي وسطها كرستال شوي كبير عشان يبرز ويكون فخم .
عرفتو ليه شريت اكسسوار الشعر كريستال على شكل ورد ... ؟؟
عشان يلبق مع الفستان .
طبعا منفووش من تحت
ومن ورى الورود منثور بشكل مرة مرتب يعني مش زي الامامي كلها ورود
ومن تحت ذييل مو طويل مرة ( انا اخترت مايكون طويل مرة عشان الذيل الطويل للزواج احلى) الله يتممها
لنا ولكم على خير يارب بدعواتكم الصادقة يابنات ..............
وفي طرف الفستان دانتيل طرفي عليه كرستالات سعنونات ههه زيي يعني الفستان متعوب عليه وعصري وجديد وموضة هالسنة ..
ههه هذا كله تجهيز بس عشان يشوفنا ابو الشباب ..
وهم الرجال يابختهم .. ثوب ودقلة وغترة ........ ويكون جاهز واخر حلاوة
نكمل يابنوتات قصة دخلتي للقاعة وانا انتظره في جناح العروس ...
كانت مامته معاي وانا خايفة
اقول لعمتي الحقيني وش اسوي اقوم اجلس ولا ايش اسوي اول مايدخل ...........
راح البرستيج قدام عمتي من الخوف ..
وهي تضحك علي .. تقوولي يابنتي هذا زوجك لاتخافي .. خليكي على طبيعتك ..
ودخل ابو الشباب ومامته وخالته .. يزغرطو ... وانا قلبي يزغرط من الخوف
اول مادخل تخيلو وش قال بعد هالتعب والافلام الهندية اللي عملتها عشان اعجبه ...
قال وين عروستي وين ... ذكر اسمي ..
قال هذي سندريلا يا أمي .. والله العظيم سندريلا ........
يمامي لما قال هالكلمة على بالكم اني ضحكت ولا بانت اسناني .....
قلبي من جوا دربك دربك .. ( احصنة تركض .. وسباق جري وكل حاجية جواتي تجري ) ههه
بس لما قالها حمدت ربي
ودعيت في لحظتها الله يجمعنا على خير ويوفقنا
دعواكم بنوتات
اول مذكراتي ..(1)