ايام الزواج الاولى الحب والرومانسيه خبراتي

"صباح الخيرات عرايس حريم كل الي شرفني هنا
ومبروك مقدما
اه افتكرت لما كنت عروسه طايره من الفرحه والبزارين لاصقين فيه وين مارحت خ المهم
حبيت اكتبلكم بعض من خبراتي في الحياه الزوجيه عشان تستفيدوا وتعيشوا حياتكم >>>> مو مره كبيره ترى لسى في العشرينيات
اول شي ابدا في المشتريات والاغراض
1 اذا اهل زوجك جمعاتهم كثيره ..... كثري ملابس الخرجه الكشخه بالصندل (الله يكرمكم ) والشنطه ..
2 اشتري ذهب لاتقولي خلصت موضته والا ماحبه ترى هو الي يبقالك والعروسه حلاوتها بالذهب تلمع من كل جهه خ وبالذات اهل الزوج يدققوا في الذهب اول الزيارات.....
ولا تفرطي فيه يعني مو من اول زنقه مااليه جبتي ذهبك لزوجك وتقوليله بيعه
3 اهتموا بتفاصيل التفاصيل خ يعني لاتخلي على نفسك ترى الزواج مره في العمر اشتري اكسسوارات للشنط.... للجوال ... للساعه شنطه صغيره للميك اب جوت شنطتك .... احزمه انواع اكسسوارات للجينزات ... استكرات للجسم ... و هاذي الاشياء دلعي نفسك انتي عروس
4 ا لاندر وير .... خذي قد ماتقدري لانه مره يستهلك ونوعي في الالوان الصارخه والهاديه خذي الاطقم الفخمه حق الخروج بحركات لولو او دانتيل كثيره الانواع فيه في نعومي ولاسنزا وكله خذيه بطقمه يعني ياعررايس للذكرى بس لاتلبسي الا نفس الون السوتيان مع الكلوت والوان مناسبه للبسك حتى مع زوجك اهتمي بهاذي النقطه ... وتقدري تغيري مثلا في البيت تلبسي فستان اسود وتلبسي معاه لون صارخ فوشي مثلا او اصفر >>>> بتعجبهم هالحركه
5 فيه يابنات اندر وير زي الشورتات ضيقه حلوه في البس هاذي ممكن تنفعك بعد ذيك الشغله كلام مشفر
هع عشان لو تبغي تنامي بدل ماترجعي للقميص البسي من ذي الشورتات حلوه وانيقه >>> بيحذفوني انا وموضوعي خ
6 الميك اب مهم خذي كله ماركات فور ايفر وماك وو جيفنشي لانه لك وللزمن فيه البنات حاطين في التجمع صور ميك اب حلوه.... فور ايفر الاضاءات والارواج الي تجي في علبه والبودره المضغوطه تجنن عن تجربه .... وماك طبعا معروف البلاشر والارواج والاساس ومكياجي كمان خذي منه اشياء خفيفه ....
7 دلعي نفسك بالكريمات والرغوه والبودره هاذي الاشياء حلوه وتعطي اجواء روعه وخذي فواحه والعطور الزيتيه الي في بودي شوب حلوه بالذات الاستروبري جنان خلو لكم اجواءكم الخاصه والحلوه .... ام وفيه بودره جسم في نكتار برضوا استروبري ريحه ولمعه ولذيذه كمان خ >>> قلتلكم بانطرد
8 البيت .... طبعا ماراح اوصيكم على الاهتمام بس اهتمي بالاغراض وحافظي عليها بالذات اشياء المطبخ واطقم التقديم يعني برضوا اهل العريس تعبوا على ماكملوا البيت فحلو انك تحافظي عليها ....واتسنعي اتعلمي طريقه حلى غريب او كيكه اصلا انصحكم بكتاب( نخبه الاطباق ) حلو وسهله الاشياء ,,,,
9 النظافه ..... طبعا ماشاء الله مايحتاج اصلا بدايه الزواج طول وقتك في الحمام ههه بس البيت خليه نظيف بالذات اذا جيتوا خارجين لمي على القل كل الاشياء الي على الارض ماتدري مين يدخل البيت
قريت لوحده عروس انها خرجت وخلت قميصها مرمي على الارض في الحمام وام زوجها عندها مفتاح دخلت بتنظف البيت وحصلت القميص على الارض تخيلوا اش سوت رمته في الزباله يلعن ام الاحراج ....... انا كمان صار لي موقف بس اهون روحنا مكه واخوه عنده مفتاح البيت هو وزوجته دخلوا البيت بس بركه بس كان فيه شوكلاتات وشيبسات على الارض يعني حوست جلستنا
الجانب المعنوي
انبسطوا قي حياتكم قد ماتقدروا وابعدوا عن النكد لاتزعلي كثير مثلا
ماوداكي لاهلك لاتقلبي بوزك وضيعي على نفسك احلى الايام
ولاتقارني نفسك باي احد مثلا على السفر هما سافروا واحنا لا ليه زوجها جابلها خاتم الماس وانا لا
بالعكس حسسيه انك فرحانه بكل شي يسويه لك
لا تنسوا الصلاه وتأخروا اوقاتها وتناموا طول النهار وقتي جوالك صلي وارجعي نامي
خلي شخصيتك مرحه واضحكي انسي شي اسمه بكاء ونكد خليه يفرح انه تزوج مو يندم ويقول العزوبيه ابرك
الثقه في النفس ياحلوين مثلا من باب المزح اذا قالك مبسوط قولي طبعا لانك اخذتني وزي كذا غرور بس بثقه وعقل
روحي معاه لاي مكان موتعبانه نومانه لا روحي واخرجي ترى احلى شي الفلات والهبقات
ماتتكرر ابدا بالذات اذا حملتي وجبتي بزوره انسي هاذا كله
حتى اذا سويتي ليالي ماتتقارن ببدايه الزواج
هاذا الي افتكره انشالله افدتكم حتى لو شي بسيط
تقبلوني والله يوفقك
سي يو
اي اسفسارات انا حاضره ...... واللي متزوجه وعندها اضافات ولا شي ندمت عليه وماسوته تتفضل تشاركنا