ايش الهدايا اللي قدمتيها لخطيبك في فترة الملكه

كثيرة الهدايا
لأنو فترة خطوبتنا طويلة
ف كثير هدايا قدمتها له
يعني مثلا
مكينة حلاقة .. >> أشوف الشغلا اللي يحتاجها
فصلت له ثوب وشماغ وعقال وغترة
جزمة >> وأنتوا بكرامة
طبعا الورد هذا في كل مناسبة
أم
في عيد ميلاده
طبعت صورته ع التورت مع الورد و غيره

انا حأبدأ وقولكم
اول شي يوم الملكه اهديته ساعه وتاني زياره جبتله باقة ورد بس وبعدها كانت الشبكه واحنا من عاداتنا يوم الشبكه نعطي للعريس صندوق كبير فيلو توبين وشماغ وغتره وملابس داخليه وكبك وعطر وم يعن يكل شي يخصه
وانا سويت كده وغير الساعه الفخمه يوم الشبكه
والزياره اللي بعدها ما اهديته شي ومره اهدديته مجموعة الجسم من زهور الريف ومره عجبته وفي شعبان اهديته مصحف وسجاده وسبحه عشان رمضان ولما جا في رمضان اهديته بنطلون وتي شيرت عشان يلبسو في العيد ولما جا في العيد اعطيته خاتم وسط فازه مليان حلويات واهديته فواحة سياره وم ان شاء الله ما نسيت شي ولسا بفكر ايش اهديه المره الجايه بعد شهر
وهوا كانت هداياه ماول شي يوم الملكه تعليقه دهب ودبله وبعدها جاب ابجوره بكلمة لووف وكوبين حلوين ويوم الشبكه طقم دهب ودبله تانيه وبعدها م بحاول اتزكر
ايوه صح جبلي جوال واشترى لنفسه زيه وجبلي بيضة نعاام كانت عنده هوا زينها وكتب عليها واهداني هيا صرااحه كانت فكره ظريفه ولزيزه واهداني لاب تووب وفي العيد جبلي برموده وبدي وشوز طقم مع شنطه
والله في اشياء تانيه جابها ماشاء الله عليه لازم يجي وفي يده شي حتى لو بسيط (الله لا يحرمني منه يارب)
ماشاء الله تبارك الله
يلا يابنات قولولنا ايش الهدايا اللي قدمتوها واللي جاتكم

اختي شاروبه مشكوره على مرورك ومكينة لحلاقه بتجي في بالي من اول بس لسا ما جبتلو هيا
وصورته على الترته فكره حلوه بس برضو ما سويتها يبغالي المره الجايه اسويها

فين البنات ؟؟؟؟
ليه محد جاوبني؟؟؟

انا قدمت له اول هديه ساعه
وقدمت له عطر
و ميداليه مكتوب عليها اسمي واسمه
وجزمه الله يكرمكم
وبس

انا اهديته ساعه وعطر بس
اما هو اهداني مجموعه من نكتار وكمان طقمين عطورات

يلا ومنكم نستفيد تكفوون نبي كمان

انا شريت له عطور وساعه

انا اهديته ساعه وعطر
وبفكر شو اهديه الزياره التانيه