ايش رايكم في موضوع الخطابات

عادي عزيزتي
ممكن امك تساعدك او خالتك وتكلم خطابه
وهو بيكون الموقف ان بتجيب رجل وانتو تسئلون عليه
لو كان تمام كان بيها ولو كان غير مناسب يتم الرفض
بس اهم شي مايكون خطابات من النت وتبعتون لهم صوركم خطئ
يكون و احد من اهلك ملم بالموضوع عشان يكون كلشي بنور
والله يوفقك ويوفق الجميع

استغربت لما قلتي ( ودي اخوض التجربة بس اخاف ماتنجح )
الخطابه هي وحده تترزق من هالمهمه يعني ما منها مضره
او اي شيء يخليك تفكرين ان الموضوع تجربه قابله للفشل او النجاح
هي يطلبون منها البنات تبحث لهم عن عرسان و الرجال يطلبون منها تبحث لهم عن عرايس
فهي تحاول توفق بين العرسان بالحلال بعد الله وتاخذ نصيبها
وهي ماتعرف اخلاق الخاطب ولا اخلاق المخطوبه هي تحاول توفق والباقي على الاهل سالون ويبحثون
اهم شيء انك تتاكدي انها خطابه لها باع طويل في هالموضوع وماتعطينها صور لو مهما يكون
معلوماتك تكون باشراف ولي امرك او والدتك
عاد هي تجي تشوفك وتشوف طلباتك و تحاول توفقك مع اللي يناسب طلبك بالحلال
الله يوفقك موضوع الخطابه مو غلط ولا حرام ولا يعب احد انما هي سبب بعد الله
والله يفتح لك ابواب الرزق

ليه تجربه فاشله؟
الخطابه مهمتها توفق بين طلبك وطلب الرجال
عطيها طلباتك وهي تبحث لك عن الرجال اللي يتفق مع طلباتك
طبعا هي بتسالك عن مواصفاتك لكن لاتعطيها صوره
والسؤال عن الرجال هذي مهمة الاهل تسالون عنه
ولاتنسن الاستخاره
والله يرزقك الزوج الصالح اللي يسعدك عاجلا غير اجل يارب

وعليكم السلام ورحمة الله وبركاتةة
مافيها حاجةة الخطابة لان مهمتها توفق راسين بالحلال ولازم تكوني متفائلةة
وانتبهي لازم تكون خطابةة ثقة
والاستخارةةة اهم حاجةةة
أسأل الله العظيم رب العرش الكريم ان يجعل لك من كل هم فرج ومن كل ضيق مخرج ويرزقك من حيث لاتحتسبين اللهم امين

اللي عند الخطابه دائم مو مناسب يااما متزوج وهذي الغالبيه وشروطهم جميله وبيضاء جدا
يااما مطلق بالمراات وفاشل ومليان علل لاتعليم ولاشغل
يااما فيه عيب وكبير الحمدلله اغلب الخطابات يخافون الله يعترفون
صعبه تلقين مناسب الا اذا تنازلتي
واذا لقيتي اللي يناسبك انتي ماتناسبينه وهلما جرى
واوقات يكونون حاطين الخطابه عذر عشان يلعبون ع بنات الناس اللي يطلب رقم واللي يطلب صوره
وفي خطابه حكت لي ان في واحد بعد ماعطته مواصفات البنت دق ع ابوها يقول انا اعرف بنتتك اللي شكلها كذا وطولها كذا و وواحد نشر رقم الام بين الشباب
يعني فيه رجال ماتخاف الله صراحه حسبي الله عليهم

ما انصحك بهالطريق
لانه محفوف بالمخاطر ابحثي بالنت عن الخطابه ام راكان
وغير كذا لو فرضا تزوجتي عن طريقهن زوجك بينظر لك نظره قاصره انك غير مرغوبه واذا صار اي مشكله بيعيرك
ممكن ولي امرك يختار لك الزوج الصالح
وهذا موعيب افضل من خطابه همها الفلوس وليس مصلحتك
وبالاخير اسأل الله ان يرزقك وبنات المسلمين الازواج الصالحين عاجلا غير اجلا

ربي يكتب لك الخير ويغنيك

الله يكتبلك الخير و السعادة
ويرزقك الزوج الصالح
استخيري و توكلي على الله
مع اني انا ما احبذ الخطابات
بس ما ابي احبطك لني ما عمري جربت

ما انصحك ياقمر
عليك بسهام الليل
والله غير تسحب فلوسك ع الفاضي
وكل اللي يجوها الله بالخير
اسال الله ان يرزقك الزوج الصالح