ايش معناة اللحمه اللي ارسلها وهولايصرف على عياله

1. والمشكله لايصرف عليهم ولاشئ ويجيبهم عندي ولامعهم ولاريال واحد

السلام عليكم ورحمة الله وبركاته
انا سلمكم الله مفصوله عن زوجي تقريبا لي سنه
وبعد ماطلعت من بيتي وكنت زعلانه منه راح هو واهله وخطب وحد ثانيه
وتزوجها حسبي الله عليه وعلى اهله ونعم الوكيل
المهم حرمني من عيالي تقريبا ثلاث شهور لاني رفعت عليه قضية خلع
وبعدين جابهم لي بعد ماكلموه رجال من جماعتي وكان كل اسبوع يرسل عليهم السواق وياخذهم يجلسون عنده من العصر الين الليل ويجيبهم لي

والمشكله لايصرف عليهم ولاشئ ويجيبهم عندي ولامعهم ولاريال واحد

وما اظ لمه اول ما جوني كان معهم200ريال وبس وهم عندي من اول ماعطلوا من المدرسه والابتدائي يعطلون بدري وقبل شهر انسرق جوال ولدي وماعاد فيه وسيله ان ابوهم يكلمهم وخليتهم يدقون عليه بجوال امي ويقولوله ان جوالهم انسرق
علشان ما يسويلنا سالفه وقال ابوهم هذا جوال مين قال ولدي هذا جوال جده ولاتتصل عليه اذا تبغانا دق على تليفون البيت او ارسل السواق
وللمعلوميه انا جوالي غيرته مجرد ما طلعت من عنده ولايعرفلي رقم
وبعدين سافرنا احنا واهلي وجلسنا ثلاث اسابيع ولايدري عن عياله
وما ادري هو اتصل يدورهم او ارسل السواق وما لقي احد ما نعرف شئ
وجينا للبيت قبل يومين
والبارح بعد صلاة العشاء السواق جانا وجايب معه كيس لحمه واللي اخذها
منه ولد اختي وهو مايعرف ولد اختي ومشى ولاسأل عن عيالي ولاشئ
ولاارسل مصروف معه
وش معناتها يابنات انا اني انقهرت من ولد اختي انه اخذها وهوصغير ما يدري والسواق مشي بسرعه وكنت برجع له اللحمه
ومن القهر ارسلت اللحمه مع عيالي لجيرانا لانهم مساكين الله يسترعليهم
لو كنتوا مكاني وش بتسون
مع العلم ان اللحمه والله ماتبيض الوجه
تخيلوا جايب قطعه من الرقبه وقطعه من آخر الفطحه وقطعه كرشه بس
وكلها وصلات صغيره وربي انها ماتمد
واحيانا اقول يمكن مستحقرنا او شئ واتعوذ من ابليس
واحيانا اقول جايبها على قد عياله والله ما عاد ادري ولاابغى اقول لاخواني
وربي ليروحون يذبحونه
الله ينكد عليه زي ما نكد علي حسبي الله ونعم الوكيل
وش رايكم يا بنات