ايش هي الهدية اللي راح تقدميها لزوجك

مصدر الحنان

18-03-2022 - 04:14 pm

السلام عليكم ورحمة الله وبركاته
كيفكم ان شاء الله طيبين؟؟
طبعا كلنا عارفين انه العيد بالطريق >>احلفي
و بصراحة انا نفسي أهدي زوجي هدية بالعيد
بما انه يعني اول عيد بحياتنا
لأنه توني متزوجة من شهر
مع العلم اني اهديته من قبل طقم ساعة بكبك وميدالية وقلم
واهديته كمان باقة ورد وكمان اهديته طقم عطور حلو مررة
وانتهت الافكار من عندي
ونفسي من هدا الموضوع اننا نتبادل الافكار الحلوة
اللي ممكن تفيدنا جميعا عشان نقدم لأزواجنا هدايا حلوة بالعيد
تكفون لا تبخلون علي مافيه عندي وقت طويل
وابغى اجهز الهدية بسررعة قبل زحمة الاسواق
تقبلوا تحياتي

التعليقات (9)

dall3~

18-03-2022 - 07:46 pm

محا آهديه شي
يكفيه آنا خ

ام يارا الحلوة

18-03-2022 - 08:47 pm

لا هدية ولا زفت

نفسي احضنه^_^

18-03-2022 - 09:48 pm

نفس دلع
ما افكر اهديه ..
مليت وانا اهديه وهو مايهديني مو لازم ..
موفقه ..

حرم الكعبي

18-03-2022 - 10:49 pm

هلا حبيبتي انا بكتبلج كل انواع الهدايا اللي يبتها حق زوجي من الملجة لين يومج هذا ...
وانتي اختاري اللي يناسبج
خذتله التالي :
الله يعزج نعول وجواتي رياضة وزنوبة سباحه ...
بدلات رياضة وسباحه مع دلاغات ...
شنطة للرياضة وشنطة للسفر ...
ساعات وابواك وعطور ودهن عود ...
موبايل وجي بي اس للسيارة ...
ميدالية للسيارة
غتر اللي هيه شماغات وفنايل وقحافي ووزره الله يعزج وبعد فصلت له ملابس رجالية ...
خذتله جلابيات للبيت ...
حجزتله في سبا رجالي يسووله سكراب ومساج وهالسوالف
حجزتله مره في يخت وتعشينا فيه ... ومره يخت بغرفه نوم لمدة نص يوم ...

ام ريان 22

18-03-2022 - 11:50 pm

اللهم صل على نبينا محمد

شمعة دلع

19-03-2022 - 12:51 am

اني افكر اهديه بجامة شتوية ويمكن شبشب الى البيت
وسلامتكم
شحلات الابتسامة لما تهدي زوجك هدية ولو كانت صغيرة ها الحظة اروع لحظة تحسي انك مسوي شي يزيد كم حب ويقوي الزواج

مصدر الحنان

19-03-2022 - 01:52 am

دلع,,,ام يارا,,نفسي احضنه
بصراحة احبطتوني اني اهديه
يمكن انتوا تقولوا كذا لأنكم متزوجات من زمان
بس انا باقي فريش ههه

مصدر الحنان

19-03-2022 - 02:53 am

حرم الكعبي
الله يعطيك الف الف الف عافية
ويوفقك بالدنيا والآخرة
ويسعدك مع زوجك يارب
بصراحة ساعدتيني مرة
يخليك ربي يالغالية
شمعة دلع
كلامك صح حبيبتي
من جد اللحظا اللي تقدمين فيها الهدية من اجمل اللحظات
اللي تتمنين انها تستمر حتى لو كانت الهدية بسيطة
لكنها تزيد من الروابط والحب بين الزوجين
يعطيكم الف عافية

شمعة دلع

19-03-2022 - 03:54 am

شمعة دلع
كلامك صح حبيبتي
من جد اللحظا اللي تقدمين فيها الهدية من اجمل اللحظات
اللي تتمنين انها تستمر حتى لو كانت الهدية بسيطة
لكنها تزيد من الروابط والحب بين الزوجين
يعطيكم الف عافية
الله يعافيش
غناتي
اني الحين طلبت مفرش المضيء الي يجي 3 قطع مع ابجورة تنور في السقف كلام حب وتتحرك واخذت الي قميص نوم جديد احمر وفيه من جهت الصدر ترتر ذهبي مرة حلو ومن وراء شيفون مررة روعة
وبعد ان شاء الله ابشتري عطر غير بعد الي عندي زي القميص غير الي عندي
على قدي اني شايف ها العطر من فترة بروح وبشوف ؟؟اذا عجبني زيادة بشتريه والهدية على الميزانية اذا كفت بشتري بجامة واذا ماكفت بشتري طقم بوق وساعة رغم انه مايلبس والي تجي تبع مفتاح السيارة يعني تلبيسة بشوف الانسبة
واسفة الى الايطالة

الاجازه وين راح تقضينها←
مين منكم ياعسولات تزوجت وهي مركبه تقويم→