ايش وصتك امك ليلة زواجك

امي الله يحفضها لي قالت لي قصه طول الوقت مانسيتها وحسيتها نفعتني من جد
قالت واحده راحت تشتكي للشيخ من زوجها تقول عصبي ويصارخ وموعارفه وش تسوي معاه
فتبي له علاج يخليها ترتاح له ويرتاح لها
قال لها الشيخ الدوا لازم له شعره من راس الاسد
قالت مستحيل هذا اسد كيف قال تصرفي اهم شيي الدوا لازم به شعره من راس الاسد
فقررت تطلع الجبل تشوف الاسد
\اول يوم راحت بس سمعت صوته هربت
اليووم الثاني بس شافته هربت
اليوم الثالث قررت تجيب له شي يشغله عنها فخذت له لحم عشان ماياكلها
فكذا استمرت مع الايام تروح للاسد وتاخذ له لحم وتجلس عنده مايسوي لها شي
ومع الايام صار الاسد ينتظرها وتحس فيه انه ينتظرها عشان تجيب له اللحم وصارت تجلس عنده وتمسح على راسه
الين قدرت بعد شهر انها تاخذ شعره من راسه
ونزلت على الشيخ وراحت تعطيه الشعره
فلما جاته
قال لها مثل ماروضتي الاسد بتروضي زوجك

والله امي الله يخليها لي ماقالت لي ولا كلمه .. رحت ع عماها

والله ما قالت ولا شيء
كانت مشوشه بعمري عنها
تطلع وتنزل وفي النهايه تكتشف انها ما تبغى شيء
الله يحفظها
يسلمو

خ امي وصت زوجي ها بنيتي لا اوصيك لا تجي بكرة تشتكي منك خ
بدري ع الشكوى

موضوع روعة
وصتني على الطبخ خ
ماكنت اعرف اطبخ

ياحياتي ياأمي اشتقت لها موت
بصراحه ماوصتني شي قبل زواجي بس من زمان وهي تتكلم لنا كيف الزوجه تتعامل مع زوجها وتصونه وتحفظ اسراره ومن الكلام هذا وانا بعد كنت اشوف كيف تتعامل مع ابوي والحين اطبق على ابو الشباب

انا الي وصتني امي الثانيه الي هي جدتي الله يطوول بعمرها
قالت لي احشمي زووجك واهله
ولو جاك كلام عنهم لاتصدقيينه
شي ماسمعتيه باذنك ولاشفتيه بعينك لاتصدقيينه
وزوجك لاتقصرين معه
ولاشافك حاشمتهم ولامته ولامه بيته بيحششمك ويحبك
وقالت لي خلييك بنتن قرممه وسنعه ولهلووبه (شوفو المصطلحات بس ههه
وقالت الحرييم يحبوون يراقبوون العرووس بشغلها وكلامها لاتخلين لهم ممسك عليك
والاهم من ذا كله صلاتك ورضاء ربك
وبس
يارب ترزقها طولت العمر ع طاعتك ورضاك
اللهم امين
مششكورة ياعيني
لاخلا ولاعدم

فديت ماما وربي اشتقت لها ربي يطول بعمرها
قالتلي يابنتي الرجال مثل النخله لااعتنيتي فيها
وحبيتيها تطرح احلى تمر وكله عسل بالضبط مثل الزوج لااحبيتيه واحترمتيه
حبك وعطاك كلام كله عسل وخاف ربه فيك
والرجال ياماما مثل الطفل لااحسستيه بحنانك بيموت فيك
وهالله هالله باهله اعتبريهم مثل اهلك
لان هم الخير والبركه وهم اللي ربو وكبرو وعطوك رجاال
وبس

مشكوره ع الموضوع الحلو امي قالت لي من اليوم مالك غير بيت زوجك مهماصار لاتفكري ترجعي البيت هذا الا ضيفه وقالت لي قصه ان في واحده اتزوجت وبعدفتره حصلت بينهم مشاكل راحت لاهلها تقول لهم انها تبي تتطلق جاب ابوها زوجها عشان يواجهم كانت الززوجه لابسه شي خفيف فمدري وش صار لما طاح اللي كانت لابسه كانت تدور شي يسترهاماحست بنفسهاالامتخبيه وراء زوجها برغم انها كانت تبي الطلاق منه عجتني كثير وحفظتها بقولها لبناتي ههه