ايه خنتك واقولها بصوت عالي

ايه
..
لأجل أنا أرد اعتباري ..!
صح هنتك ..
و ماني محتاجة أداري.
و لا ترجى اعتذاري ..!
واسمع اللي لك بقوله
يا تفآهات الطفولة
ماني بذيك الخجولة..
و باجرحك يآ جارحي ..!
شفت وشلون الخيانة قاسية
لحد " الإهانة " ..!
مير من باب الميانة
قلت مثلك بطعنك
و أنت بحدود البكي
لا تكثّر بالحكي
و لا تظن انك ذكي
و أنت جرحي يسكنك ..!
تهمتك لي
زيد معها ..
سبق إصرار و ترصد..!
يعني النية في قلبي / نية مبية
لأني أصلا و بصراحة ..
خنت عمدا
لأجل أوريك اللي شفته ..
ولا تظن إني " جبانة "
جيت أواجه ..!
و أسمع لهرجي رجاء
خنتني يوم الوفاء فيني كبير
يعني أنت اللي بديت ..
هنتني يوم العطاء مني كثير
ودون مآ أدري ..
قسيت ..!
و الفعل لا بد له / ردة فعل ..!
و أنا منك انعميت
قلت أسوي مثل فعلك
ثم فعلت ..! ليه بفهم .. انفعلت ..!
آه يا ذا
الصداقة للرجل
و الخطايا للرجل
و الخيانة للرجل
قابلينه في خطاه ..!
بس إحنا،،
ما لنا غير الخجل..
و التغلي و الوجل..
و الله أعطانا قلوب ..
تعشق بصدق / وتذوب
و لجل حب اللي نحب ،،
نسعى حتى للدجل ..!
آه ما أغباه قلبي يوم ظنيت الوفاء .. و العاطفة
و أحساس الدفا
ممكن إنها تجتمع بهالزمن
" في قلب واحد "
يآ خايني / مع السلامة ..!
رح مع ذاك الطريق
خنتك لأنك تستحق الطعن
و كفوف الغدر ..
منت بكفو بنتٍ وفيه
تملك الحب العميق..
طابت جروحي يوم شفتك
منصدم بي منقهر ..!
أيه أنا خنتك ...