بأشرح درس ممكن تساعدوني تكفون

فشلتوني
الله يسامحكم
ولا كلمة الله يعينك على الاقل

إختي زيزو مع إني طالبة ولست معلمة لكني تعودت أني أشرح دروس إنجليزي أيام الدراسة..
ممكن بس تقولين لي وش الدرس اللي بتعطينهم؟؟
يعني هل هي قواعد أو وورد ستدي أو البراقراف؟؟
لأن كل وحدة فيهم غير طريقة شرحها..
إنتي قوليلي وأنا بعطيك الفكرة..
والله يساعدك ويسهل عليك ويوظفونك..

الله يسعد قلبك يا شيخة
انا ماني حاطة درس معين في بالي بس مو ناويه على القرامر عشان ما فيه وسائل تعليمية
انا ناويه على وورد ستدي او براقراف تكفين ردي
لا تنسين

نهاية الحصة عطيهم اسألة واللي اجاوب تعطيهاا حلاوة

حلو أجل أحسن درس تعطينهم إياه هو الوورد ستدي لأنه فلة..
إختاري أحد دروس الوورد ستدي وشوفي وش هي الكلمات وأحسن لك تدورين شي سهل وممكن تجيبين أمثلة عليه..
مثلا أخذت درس وورد ستدي وكانت فيه كلمة pharmacology اللي معناها صيدلة تجيبين أدوية مثلا بندول وفيفادول وتسألينهم بالإنجليش طبعا وش هذا؟؟ترفع وحدة يدها وتقول لك دوا..
إنتي بعدين تقولين متى نستخدم الدواء إذا كنا مريضين طيب من يوصف لنا الدواء ويعطينا إياه؟؟هل أنا أو أنتي أقدر أعرف إذا هذا الدواء ينفع لي وإلا لا طبعا لا..
عشان نعرف عن الأدوية ونتعلم عنها لا زم ندرس الصيدلة إذن الصيدلة هي علم يختص بدراسة الأدوية و تأثيراتها..'طبعا كل الكلام اللي تو تقولينه بالإنجليش لأنه ممنوع تتكلمين عربي في حصة إنجليش..
pharmacology is the study of medicines and their effects
بعد توضيح المعنى ممكن تسألينهم عن نوع الكلمةwhich part of speech is it
وممكن تطلبين منهم وضعها في جملة..who would like to put this word in a sentence
وباقي الكلمات بنفس الطريقة تجيبين مثال ملموس على الكلمة وتشرحين الكلمة بنفس الطريقة لأن المثال الملموس يوصل الكلمة للأذهان..
على فكرة كلمة صيدلة أنا شرحتها العام وتلاقينها في الترم الثاني لثالث ثانوي تبع درس الجامعات وذاك اليوم كانت حاضرة لنا موجهة وشرحت قدامها ولما خلصت أثنت على طريقتي مرة ..
أتمنى أكون أفدتك وإن شاء الله ربي يسهل عليك ويساعدك..
وأي شي ثاني أنا حاضرة..

الف الف الف شكر الله يجعلها في موازين حسناتك

على فكرة شرحت اليوم ومدحتني المديرة ومدرسة الانجليزي كثير
وهذا بفضل الله ثم فضلك الله يجزاك خير
وينولك مرادك