بأمانه والامانه كبيره زيت كثف شعري وخلاه قوي ومايتساقط

1. انا بقولكم شي بامانه ما بكذب؟ وليش اصلا اكذب؟؟

السلام عليكم ورحمة الله
انا حابه اقدم تحيه لكل بنت بهذا المنتدى لانكم ماشاءالله عليكم متعاونين وما تبخلون بشي.

انا بقولكم شي بامانه ما بكذب؟ وليش اصلا اكذب؟؟

شوفوا انا عندي صلع وراثي في مقدمة شعري وكنت ادور على زيت ينب شعري. وبعد ما جربت عدة زيوت ومواد طبيه وغيره كان اخر زيت استخدمته ودلتني عليه وحده من صاحباتي بالجامعه زيت اسمه (سيسا) استخدمته لمدة تقريبا شهر تقريبا مش اكيد بس للاسف ما نبت لي شعري بالخالص انما رجع شعري قوي وكثيف. اصلا شعري خفيف وجاف جدا بس هذا الزيد بصراحه خلى شعري جدا حلو.وانا مرتاحه وراضيه كل الرضا عنه. بس حابه اقولكم شي في تمشيطه اسمها ( الدوامه) نحنا باليمن كذه نسميها. هذه التمشيطه تخلي شعري كانه مستشور. اكيد انتم كمان تسووها بس لها اسم ثاني عندكم. بقولكم طريقتها وانا عادة مش دايما اسويهابعد ما استحم يعني لما يكون الشعر مبلول.
تقسمي شعرك افقيا نصفين, النصف الاول تمشطيه كامل لجهة اليمين والنص الثاني تمشطيه كليا لجهة اليسار وبعد كم ساعه (انت حره) اقلبي الدوامه.يعني النص اللي مشطتيه لجهة اليمين رجعيه لجهة اليسار والنصف اللي مشطتيه لجهة اليسار رجعيه لليمين فهمتوني؟؟؟؟؟؟؟؟ والله مش قادره اوضح اكثر من كذه بس اكيد عندكم ناس يعملون هذه التمشيطه.
انا اسويها واذا سويتها والله يابنات شعري لما امشطه سلس (كانه مستشور) والشعر اللي يتساقط ما يتجاوز عشر شعرات (بتقولوا ابالغ؟؟) والله والله والله ما ابالغ انا اتكلم بكل امانه.
ولعلمكم بنات كثير في اليمن يعملون هذه التمشيطه ومعروفه والكل يعرف فوائدها لنعومة الشعر.
اما زيت سيسا ما اعرف اذا بتلاقوه او هو معروف عندكم او لا؟؟؟؟ بس انا حبيت اقولكم تجربتي الشخصيه معاه, ماسمعت من حد ولا حد قالي. وجدا بترضيكم نتيجته بالكثافه والقوه.
بكره رايحه لدكتوره عشان الصلع اللي فيني وما ادري ايش الشي الجديد اللي بستخدمه!!!!!!!!!
وهذه بوسه مني لكم كلكم