با حوريه

تسللي للمحاني واسبقي النسمه
نسمة هوى القلب خلّك قبله شويّه
تمكّني بالحنايا واعرفي رسمه
حيث ان هذا مكانك عندي هنيّه
لك منزل ٍبالحنايا بيّن ٍوسمه
ماقبلك احدٍ سكن لاذي ولا ذيّه
شوفي خفاياضميري منك مبتسمه
واقري حروف الهوى مكتوب ياحيّه
ذي قسمتك يوم ربي وزع القسمه
وغيرك ترى عالم ٍيابنت منسيّه
لاصارت ان المسائل فيك منحسمه
أنشهد ان شوف غيرك يعتبر سيّه
اللي يشوفك يضيّع يالغضي إسمه
ماعاد يطري على باله ولا بنيّه
يمشي صريع الهوى محتار في جسمه
هايم على سكته ماساقته نيّه
تسللي للمحاني دامها عسمه
ضوّي شموع الأمل فيها ياحوريّه