باالصورترتيب جهااز عروس الفراشه

كل عروسه شايلة هم ..ترتيب (( الذهبة أو الجهاز أو الدّبش )) في عش الزوجية ..
تعالي معاي ..وبشويه أفكار نرتب أغراضك مع بعض ..
طبعا الأغراض تروح لبيت العروس قبل الزواج بأيام قليلة..
يعني من خمسة إلى ثلاثة أيام عادة ..
وفي بعض العائلات يسونها كإحتفال يجتمع اخوات العروسه وخالاتها وعماتها ..
وينقلوا الجهاز لبيت الزوجيه ويستقبلهم هناك اهل العريس..
لذا لازم كل شئ يكون مميز لان كل شئ بيكون تحت الانظار .. وبعضهم يمشونها عادي ..
المهم .. حبيت أساعد الأخوات ..وأعطيهم بعض الأفكار في ترتيب الجهاز ..
000000000000000000000
نبدا بسم الله الرحمن الرحيم ..
0اولا : -
نروح محل الخياطة نشتري شوية ورود وشرايط وأكياس الأورجنزا الجاهزة بعدة أحجام ..
ثم محلات ابوريالين نشتري منها .. شموع وعلب وسلال .. وورود مجففة..
ثم المكتبة (بطاقات وأشرطة وتجاليد بنوعين الفاخر والعادي )..
ولا ترمين أي شيء من العلب اللي تشترين أغراضك فيها ..
(1) سجاجيد الصلاه : -
نشتري سجادة صلاة وشرشفها أو شيلة الصلاة .. بلونين متناسقين ..
او تشتري اطقم سجاده الصلاه وشرشفها .. بالنسبه للشرشف الي تستخدميه
جمعه مع السجاده .. وممكن كتاب الأذكار مع المسواك .. ونجمعهم كلهم في علبة ..
ونغلف العلبة بالتجليد الفاخر لأنه بيستخدم لفترة طويلة بإذن الله ..مثل الصورة التالية ..
بالنسبه لسجاجيد وشراشف الضيوف .. بامكانك وضعها في مثل هذه الصناديق ..
(2) الملابس : -
ثاني شيء نروح للمحلات اللي فيها أدوات التخزين والعلاقات والعلب الخاصة
بالدواليب ونشتري طقم كامل ..
ونبدأ نعلق الملابس بأنواعها ..
ممكن نعلقها وومكن نطبقها او نغلفها بأكياس شفافة ..
عشان نحتفظ بترتيبها وريحتها المعطرة .. وهذي بأكياس الأورجنزا ..
للملابس الداخلية طبعا بيكون عندنا نوعين ..
النوع الفخم والأطقم ...والنوع العادي اليومي ..
النوع الفخم حطيه بأكياس أورجنزا ..أو أكياس خاصة يبيعونها
في محلات الملابس الداخلية .. شوفي معايا
واشتري للنوع العادي من الملابس الداخلية هذي العلب ..
وشوفي الأفكار
قمصان النوم : -
طبعا حلو تغليفها للإبتعاد عن أعين الفضولين ..
ممكن نغلفها بكراتينها وممكن بأكياس أورجنزا وممكن بأكياس خاصة نخيطها ..
وبامكانك غسلها بداخل الكيس علشان تحافظي على قمصان النوم رقيقه ..
وماتتشابك مع الغسيل ..
(3) العباءات ..
من نفس الأكياس السابقة .. نشتري كم كيس أسود متوسط الحجم ..
تراه متوفر في محلات الخياطة .. وممكن نزينها بالورود والكلف او أي شيء تحبينه ..
ونحفظ فيها العبايات .. ونحطها كلها في صندوق ونزين الصندوق إذا حبيتوا
بس انا عني افضل يكون لها دولاب مخصص واكيد الكل عارفه
وممكن هذا الصندوق ..
والحين نوزع أكياس الورود المجففة في كل مكان ..
يعني في ادراج الملابس الداخلية ..وأدراج التسريحة والحمام أعزكم الله ..
وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس ..
وهذا بين الملابس ..
(5) المكياج ..
طبعا أنا من النوع الي احب يكون المكياج في شنط صغيرة مثل المقلمة ..
وسهلة النقل من الغرفة للحمام أو شنطة السفر حتى ..
والان العطور العربية خذي لها الزجاجات اللي مثل الكريستال ..
على فكرة هي رخيصة جداا ..وفي منها كريستال عند محلات العطور مثل كذا ..
ترتيب الشباصات ( البكل وربطات الشعر والأكسسوارات ) ..
وممكن تجمعينهم جميعا في علب متشابهة ..وتنسقينها بهذا الشكل ..
على شكل طبقات ..العلب متوفره في الاسواق ..
اتمنى تعجبكم وتستفيدون