باركولي ياحلوات والله يرزق كل مشتهية بطفل

رح أقولكم ياحلوات قصتي أنا متزوجة من سنة ونص تقريبا بعد ما تزوجت بشهرين حملت وبعدين طيحت البيبي لأنه اشتغلت وايد بالبيت لمدة أربعة ساعات وماكان عندي خبرة كافية تدرون صغيرة عمري 19 المهم زعلت وقعدت أبجي سبحان الله مع اني أول ما عرفت نفسي حامل زعلت لأنه قلت توه الناس على الحمل المهم من يوم ماطيحت وانا لفيت كل المستشفيات وأحلل واسوي واخذ كلوميد أبي أحمل وما خليت لا دفستون ولا شي كل شي خذيتي والدورة عندي ماكانت منتظمة فقالي الدكتور بشهر 8 اللي طاف لازم تسوين عملية كي على المبيض علشان يروح التكيس فوافقت وعملي منظار وسويت العملية وبعد ماسويت العملية أخذت لمدة 3 شهور كلوميد علشان احمل أول شهر ماحملت ولا الثاني وبدأت أيأس وقمت وايد أحاتي الحمل بس الحمد لله كنت مستانسة لأنه الدورة انتظمت عندي المهم بالشهر الثالث من الكلوميد تأخرت علي الدورة اسبوع لها بالعادة تتأخر يومين أو ثلاثة المهم رحت المختبر بدون تحليل منزلي وسويت اختبار حمل وطلع لي اني حامل طبعا ماصدقت من الفرحة وقعدت أبجي وزوجي باسني بالمختبر من الفرحة >>>> فيلم هندي .
والحين انا بالشهر الأول بس خايفة انو لاسمح الله يطيح البيبي
ما ادري بطني يعورني عوار دورة وظهري هم يعورني انا وايد خايفة الله يستر
يارب يابنات يرزقكم الذرية الصالحة واللي حامل يثبت حملها والله اني استانس لما اشوف بنات المنتدى حوامل يارب الله يعطي كل مشتهية بيبي علشان يظل يبجي