باقي يومين ويجون الضيوف النجده فرج الله همومكم

لماذا لاتساعدوني بكره الموعد

هلا حياتي وعليكم السلام ورحمة الله وبركاته
ياعمري خليك واثقه حتى لو ماتعرفي
طيب ماعجبتك الاكلات اللي في قسم المطبخ
وانا حاضره قولي بس ايش تبين
تحياتي

الله يسعدك ياالاخت الدلوعه
اعجبتني الاكلات بس المشكله اني ما جربتها يعني ما فيه وقت اجرب يعني لو خربت رحت فيها كمان انا محتاره وش اسوي مثلا انا ما في بالي شي يعني لو تقولون لي اقتراحات مثلا وش اسوي لهم في العصر وش اسوي لهم في اليل
تقريبا عدد الضيوف 5حريم والرجال 7والاطفال15.
وطيب ممكن اشتري اصناف جاهزه من برىبالاضافه الى الي باسويه والاما يصلح لانهم دائما ما يشترون شئ من برى كله عمايل ايديهم

طيب عيوني الطبق الرئيسي اكيد الكبسه وانتي تعرفيها
اوكى عندك السطات سوي مثلا سلطه خضرا وسلطه نوع ثاني اوتبوله
سوي فتة دجاج سهله, سوي اليوم ورق عنب , ايضا صنفين من الشوربه
صينية خضار
(سمبوسه, بيتزا , فطاير, سبرينغ رول............الخ
واي شي تبغي طريقته انا بالخدمه
وبفكر بانواع ثانيه وارلك
تحياتي

شكرا لك صراحه الاطباق الي ذكرتيها لذيذة الطعم بس المشكله صعبه يعني مستحيل اسويها لانها تأخذ وقت مره تخيلي بيجون في العصر متى اسوي لذلك ابغى اشياء مثلا تنعمل من اليوم لبكره وتوضع في الثلاجه مثلا الي في العصر
واذا كان ما عليك كلفه بدي طريقة فتة الدجاج مادام تقولين سهله وكمان سبرينغ رول وسامحيني اذا بتعبك

هلا ان شالله اقدر اساعدك شوفي سوي الاشياء للي تنحط في الثلاجه قبل بيوم
مثل الحلويات
الباشمل
الورق عنب
ويوم العزومه بس يكون الطبق الرئيسي

الحلويات
سوي كيك بالشوكلاته
لما تستوي حطي فوقها كريمه
و
مهلبيه
كاس حليب وملعقة نشاوملعقتين سكر شوي ماء الزهر وقشطه وتخاطيهم عالنار لما تصك وتوزعيها
وشكرا

ولو انا بالخدمه حياتي
فتة الدجاج
حبه دجاج (ممكن تكون منزوعة الجلد والعظم)
3علب زبادي
حمص حب (شوي)
ملعقة طحينه
نص ليمونه
رشه ملح ورشة كمون
حبة ثوم
للتزين شوية صنوبر محموس (وشوية بقدونس مفروم)
3 رغيف خبز
شوفي تسلقي الدجاجه مع قليل من الملح والفلفل الاسود
وبعدين تحطي بالخلاط من 2الى3 علب زبادي مع ملعقة طحينه ونص ليمونه ورشة ملح
ورشة كمون وحبة ثوم اذا تحبي
اذا استوت الدجاجه انتظري لما تبرد خذيها وانزعي الجلد واعظم عنها وقطعيها مربعات متوسطة الى صغيره
وبعدين قليها بزيت شوي يعني 5 دقايق على نار هاديه
وتجيبي خبز وتقطعيه مربعات تقريبا رغيف او 2 وتحطيه بصينيه بايركس وتاخذي شوي مقدار بياله او 2من مرقة الدجاج
وتصبيها فوق الخبز وتحطي فوقه الخلطه اللي بالخلاط والدجاج بعد ماقليتيه وحمص حب يعني حسب الرعبه تحطيه
واحمسي او اقلي بالزيت خبز تقريبا رغيف مقطع الى مربعات عشان تزيني فيه وقليل من الصنوبر المحموس للتزين وبقدونس
لاتقولي صعبه ما تاخذ من وقتك ربع ساعه المهم يكون جاهز الدجاج مسلوق ومقطع
واذا عجبتك قوليلي وانا حاضره باللي تامرين عليه
تحياتي

بقولك بالتفصيل الممل لان قبل اسبوع كان حفلة تخرجي وسويت بوفيهوكله طبخ بيت
اول مايجون قدمي لهم عصير للرجال والحريم بعدين قدمي
القهوه والتمر مع
صحن بقلاوه جاهز او بتيفور وصحن معجنات مشكله مع بعض المكسرات طبعا بتجلسون تسولفون وبتطول الجلسه الا جا
العشا
قلتي بتسوين كبسه
سوي قبل بيوم ورق عنب وجمديه في الثلاجه او اقولك اشتري جاهز من السوبرماركت ورق عنب جاهز معلب يجن وكنه
بالبيت بس تحطينه بالصحون
سوي سلطة تبوله او سلطه عاديه او سلطة خيار باللبن او سلطة المكرونه المهم سوي صنفين منهم
اذا تعرفين تسوين مهلبيه بعد زين سويها قبل بيوم ولفي سمبوسه نفس الشي قبل بيوم وحطيها في علب في الثلاجه عشان
اليوم الثاني بس تقلينها واقليها في وقت الصلاه لانهم بيكونون يصلون عشان ماتكونين قاعده بالمطبخ والضيوف لحالهم
وطبعا هذي كلها بتكون حول الكبسه موزعه
ورق العنب+سلطه+مهلبيه+سمبوسه
لازم تسوين صحن كبير فواكه وتحطينه على جنب عشان اذا قاموا من العشا يروحون للفواكه
بعد كذا الحلى انا ما اعرف طريقة تقديمه كيف بتكون بس افضل يكون الحلى جاهز على طاوله اللي بيخلص العشا ويبي
يحلي الطاوله موجوده
سوي الحلى اللي تعرفينه لاني صعب اكتب كل الحلويات اللي اعرفها
واذا خلصوا العشا ورجعوا لمواقعهم سالمين عطيهم الشاي
الله يوفقك ويعدي اليوم على خير وتبيضين وجه زوجك ههه
وقولي لي بعدين وش سويتي انتظرك؟؟؟
تحياتي