بالله اللي سويته مع زوجي صح والاجبت العيد

1. هو طبيعته صعبه يابنات بقولكم وش صار بيننا اليوم كا اقرب مثال


2. طبعا اعرف رجلي دائما يطلع نفسه هو الصح وانا الغلط


3. حلوه ومهتمه بنفسي وحنونه وقلبي ابيض بشهادته

السلام عليكم
حبايب قلبي اختكم يهون محتاجتكم
والله مدري شقول لكن قمة الالم ان تعجز عن وصف ماتشعربه
مشكلتي مع حبيب قلبي ونور عيني زوجي
زوجي اللي حبيته من كل قلبي ولاعمري شفت رجال غيره لكن مشكلتي معه اني ما قدرت اتفاهم معه

هو طبيعته صعبه يابنات بقولكم وش صار بيننا اليوم كا اقرب مثال

اليوم اللي جرت عليه العاده اننا نطلع انا وعيالي او انا لحالي قالي بعد المغرب تبين نطلع والا نقضي السهره في البيت قلت لا خلينا نطلع قال اوكي وكنا سمن على عسل المهم قلت تبي تتعشى بعدين نطلع قال لا نتعشى برا قلت اوكي
المهم كان فيه موضوع صاير البارح قالي عليه وما مدى نتكلم فيه لانه كان معزوم فلقيتها فرصه اني استوضح الموضوع وهو على فكره موضوع يخصنا يعني عائلي
اخذنا وعطينا انا كانت لي شروط قلت ل اضمن لي الثلاث شغلات وانا موافقه
وكنت اتكلم بهدوء وروقان الرجال كنه عصب شوي وكلمني بطريقه شوي ماحبيتها وقالي فيما معناه ان الناس يعبون راسك وتتاثرين بكلامهم
يابنات دايم يقولي هالكلمه تجرحني كثير اي ناس اللي يعبون راسي انا عمري ماطلعت مشاكلي لاحد حتى اهلي وخواتي اكتم في نفسي واسكت
كم مره يقولها لي واوضح له اني مااتكلم لاحد عن خصوصياتي حتى صديقاتي فكيف اتاثر بكلامهم
المهم سكت وهو كمان سكت وقام راح للمجلس وانا جلست بالصاله وانتظر الرجال يجي يقول نطلع يقول شي
لاتقولون ليش مابديتي انتي وكلمتيه اقولكم ماوصلني لهالحاله الا اني انا اللي اطنش وارضى واسكت وغير كذا كلمته جرحتني خاصه انه الاسبوع اللي فات قايلها لي ورديت عليه ورجع وقالها
المهم وتجي الساعه تسع ويدخل علي قال مافيه عشى فعرفت انه كنسل الطلعه فقلت اوكي بقوم اسوي وتعشى ودخل المجلس وجلس عند التلفزيون طبعا انقهرت ليش هالحركات قسم كنه بزر عشان هالنقاش التافه يزعل
طبعا انا فيني طبع لازم اتكلم اذاكنت متضايقه ارسلت له مسج وقلت له مره الليله كانت حلوه وسهرتنا ماتنسى طبعا اطنزوقلت ترا انا ماغلطت عليك ليش حابس نفسك وزعلان
قام ارسل لي انتي دايم تفكرين وتحللين على كيفك

طبعا اعرف رجلي دائما يطلع نفسه هو الصح وانا الغلط

المهم قلت له مايبي لها تفكير ليش كنا بنطلع وش اللي غير رايك فارسل انتي ماجيتي وقلتي لي يالله لو جيتي كان طلعنا
طبعا ظل في مجلسه وانا في الصاله بعدها قلت يابنت تعوذي من الشيطان وهدي الوضع شوي لان انتي اللي بتدفعين الثمن رحت ارسلت له ولدي على بالي اتميلح قلت قله تقول ماما تعال في الصاله راح وليدي فديت عيونه البريئه وقاله قال ابوه لا مانيب جاي
وانتظرت ابيه يطلع من صومعته ماحولك احد قمت ارسلت له ترا مافيه شي يسوى وماصار شي وانا ارسلت لك واسطه تجيبك وانت رفضت
المهم جا ودخل يابنات والله ماامداني اجلس كنت منسدحه الاوهو رايح لغرفة النوم
بسم الله صدق على باله
طبعا انا ياعين هاتي وياعين خلي يعني قعدت ابكي
وادبجذيك الرساله قلت لكم ما اقدر اسكت كان اموت
وقلت له ياليتني مثلك كان مرتاحه وسعيده يارب ينزع حبك من قلبي عشان ارتاح ماقدر ازعلك واخليك تنام زعلان لكن انت عادي ماعليك مني
وكلام مثل كذا
بنات توقعون انا جبت العيد في هالرساله بس والله كتبتها من غير شعور ورجلي متعود على كلامي بس اول مره رسل رساله زي هذي
بصراحه انا خايفه منه اذا قام لدوام شسوي بليز
بعطيكم ملامح بسيطه عني وعنه
انا مثل كثير بنات رومانسيه وهذا اللي قاطع قلبي واضحه جدا

حلوه ومهتمه بنفسي وحنونه وقلبي ابيض بشهادته

هو طيب مره كريمبس غامض احبه واموت فيه بس يابنات هو وسوري ع الجرأه يطول مايكون فيه علاقه حميميه يعني ممكن مره في الشهر واحيانا مره كل اسبوع يعني متذبذبه
بنات انا احسه ماحبني من قلبه المواقف كثيره مو وقت ذكرها مدري ليه ماينجذب لي بنات هو كان يحب وحده قريبتي يموت فيها والكل تقريبا كان يدري وانا من ضمنهم بس ماكتب الله ياخذها هي تزوجت وبعدها تزوجني خذته لانه مكتوب لي ونصيبي على كل اللي يسويه لي بس يابنات مازلت احس اني مامليت عينه وانه مازال يتمناها انا مااظلمه بس الغلا مااحد يقدر يخبيه
احسه احيانا يحبني عشاني بنت عمه والا عشان العشره اللي بيننا والاعشان عيالي والا لاني اجوديه على قوله بس عمري ماحسيت اني ملكت قلبه
الموضوع طويل ولاودي اشغلكم اكثر
بلز كل وحده عندها خبره وتعرف كيف اتعامل معه تقولي الله لايحرمكم الاجر
الله يسعد كل وحده قرت موضوعي ودعت لي الله يجزيها بمثل مادعت لي
استودعكم الله