بالله هذا الكلام يرضى مينشوفوا رد المستشار واحكموا

1. المهم


2. هذا الكلام قلته للمستشار ورده كان جدا ظالم بالنسبه لي

يسعد صباحكم \ مساءكم
كيفكم؟؟
ان شاءالله مبسوطين
حبيت اعرض عليكم مشكلتي وعطوني رايكم بصراحه!!!!!!
تتذكروا يوم طلبت منكم رقم المستشار الاسري
عندي مشكله وكلمت استشاري وعرضت عليه قصتي وعطاني بس مااقتنعت فحبيت اخذ رايكم
باسرد لكم قصتي كامله وراي المستشار وعطوني رايكم..........
مشاكلي مع زوجي ماتنتهي وباقولها باختصار
اغلب مشاكلي مع زوجي بسبب غروره ونظرته الدونيه للناس
يعني ع طوول ع لسانه انا فلان ولد فلان
ويشوف كل الناس ولاشي
تصدقوا مره تهاوشنا يقولي انتي تحمدي ربك اني اخذتك انا مره زعلت
ورديت عليه وقلت له ليش انا وش ناقصني غيرك الف تمناني
ومره زعل قال انتي طويلة لسان ومو متربيه ومن ذا الكلام
اللي اعنيه من الموقف هذا انه حتى انا ساعات ينظرلي بدونيه
داائما وهو راضي والا زعلان لازم يكرر عليه بشكل مباشر او غير مباشر انه بيتزوج عليه
وكل يوم يجيني بقصه شكل مره يقول واحد من ربعي تزوج مسيار يقول من جد ندم ع حياته قبل يتزوج
والا واحد تزوج اجنبيه يقول بياض وجسم ودلع
لسانه متبري منه حتى احيان اذا جاء يناديني يناديني باسماء حيوانات وانتو بكرامه حتى لو مو زعلان
دائما حتى لو ماكنا متهاوشين لاوم يرفع صوته علي ويختلق مشكله اذا صرنا عند اهله
سيء الاخلاق مع اهلي ولايشوفهم شي ولايحترمهم ويرفع صوته عليهم حتى واذا دخل بيت اهلي هذا اذا دخل تلاقي نفسه في راس خشمه مايتحاكى
ادري ان اهلي يكرهوه بس مايبينوا لي
مسوي لنفسه خصوصيات يعني يطلع ويروح با6 و7 ساعات ولايقولي وين يروح ولو اسال الرد طبعا واحد مالك دخل
ايميله غير مسموح لي افتحه اصلا مااعرف الرقم السري
يكلم في جواله بالساعات ولو ايش مايقولي من يكلم والا وش يسولفوا فيه
مقصر معي جدا في طلباتي ويتاافف اذا طلبت السوق يسمعني كلام يغث ومايسمح لي اتوظف واصرف ع نفسي
متابع ومدمن للافلام الاباحيه ويمارس العاده السريه وتمر اسابيع مايفكر ينام معي
لاتقولوا مقصره الله يشهد اني البس واكشخ لنفسي ولاعمري قصرت من هالناحيه ابد اقولها بثقه
اصلا انا اكثر وقتي قاعده لحالي وماعندي الا البس واكشخ وازين نفسي وانا اعشق الاهتمام بنفسي
حتى اللوك مالي احب دايم اغير واجدد كل فتره شي جديد
يعني لااحد يقول مقصره لاني متعبه نفسي من هالناحيه نفسي وبنتي وبيتي عمري ماقصرت بشي فيها وهو حاطته اول اهتماماتي مع انه................

المهم

هذا الكلام قلته للمستشار ورده كان جدا ظالم بالنسبه لي

يقول سايري زوجك وحاولي تغيريه وتحملي سلبياته مع الوقت بيتغير ولاتتدخلي بخصوصياته الرجال مايحب الحرمه تتدخل في خصوصياته وخليك هاديه في لحظات الزعل ولاتناقشيه مهما قال طنشي حتى الالفاظ البذيئه اللي يقولها لاتفكري في يوم تردي عليه بهاالكلمات ولاتحسسيه باي طريقه انك عرفتي عن موضوع الافلام او العاده السريه او تحسسيه بتقصيره معك
عودي نفسك ع الصبر وانك تتاقلمي معه وادعي له بالهدايه والحمدالله انه يصلي هذا دليل ان فيه خير
احترمي اهله وقدريهم وبيحترم اهلك
هذا كلام المستشار
طيب انا وش استفدت
يقول غيريه
كيف اغيره ؟؟؟
هذا اللي ابغى اعرفه كيف؟؟؟؟؟
يقول طنشيه
كانه يقول استغبي نفسك
اقول مقصر يقول اصبري
طيب لمتى اصبر
انا مو من النوع اللي يخاف من الطلاق لان عندي بنت
بس لان اهلي مايؤمنوا با هذي الاسباب كافيه للطلاق
صدقوني اول شي يقولوه ضربك
وانا بنتظر ليم يضربني؟؟؟؟؟؟؟؟!!!!!!!!!!!
اقول للمستشار ابغى طريقه اواجهه فيها واعالجه من ادمان الافلام والعاده السريه يقول ولاكانك شفتي شي
بالله هذ الكلام يرضي مين
مليت من المشاكل ويوم حبيت اعيش اخر فرصه معاه مالقيت اللي يساعدني
انا بصراحه مااقتنعت بكلام المستشار ابدا
وانا ماودي اكون مطلقه ومنبوذه اول شي من اهلي
ومااقدر اكمل معاه كذا ابدا ماصار فيني حيل والله
تتوقعوا ممكن يتغير ؟؟
تكفون كيف اذا ممكن !!!
او انسى فكرة اني اعطي حياتنا فرصه واحاول اغيرها
انتو وش رايكم؟؟