ببدآ بريجيم التمر واللبن لكن خآيفه شجعوني الله يخليكم

انا بدات اليوم
واخاف ما التزم فيه لان امي الله يسامحها ماهي راضية
بس والله شبعان ماني حاسه بجوع

http://alfrasha.maktoob.com/alfrasha.../#post36632684
سجلي معنا بالقروب
راح نبدا برجيم التمر واللبن

لا ولا يهمك
استمري فيه وعن تجربه نزول 3 كيلو باسبوع طبعا مع رياضه ساعه باليوم
بالايام الاولى تحسين بجوع غير طبيعي وانك ما تقدرين تتحكمين وودك تاكلين
بس بعدين تتعودين وتتأقلمين عل الوضع انا جربته اسبوع وعجبني وبكمل عليه لأني تعودت عليه والله
والتمر واللبن يشبع تحسين نفسك تنسد
وموفقه يارب

bee cool 3la 6ool
انا بعد امي مهي راضيه لكن صراحه سويته بدون ماتدري مابيها تدري وتحطمني وما اسويه
ان شاء الله التزم فيه واكمل
والله ينحفني وينحفك من غير شر يارب

bee cool 3la 6ool
الله يعطيك العافيه يالغلا
ويارب ننحف كلنا ونصير أحلى رشيقآت يارب

بنوته كيوت
الله يوفقك يارب
بديت فيه اليوم وصحيح الحين حسيت بجوع لكن ان شاء الله الله يسهل يارب
الله ينحفنا من غير شر يارب

شوفي وعن تجربه والله انا عندي كتاب يقول رجيم التمر واللبن مايضر الا اذا استخدم اكثر من سته اسابيع
لكن انا سويته وكنت مشتركه في قروب هنا بالمنتدى صح هو يضعف بس بشروط انك تلعبين رياضه ولا تاكلين بين الوجبات حتى لو فاكهه لانه يعتبر وجبه كامله
لكن انا لما اشتركت بالقروب كنا نخبص وبصراحه صار وزني ينزل ويطلع يعني اذا مر يوم واللتزمت بالرجيم حرفيا نزل واذا خبصت اليوم اللي بعده طلع من اول وجديد لكن نصيحه ياتلتزمين فيه ولا لا تسوينه لانه راح يحبطك وبصراحه انا رجعت اللي نقصته بعد ماتركته على طول
ولا نفع معي غير اني رحت بنده واخذت اكواب القياس اللي يقدرون فيها المقادير وتجيك بدرجات اخذت اللي نصف كوب وصرت اقيس به ولا ازيد عنه واللعب رياضه كل يوم والحمد لله زنودي خفت وان شاء استمر عليها طول عمري بالطريقه هذي اكل اللي ابي ولكن بكميه قليله
وهذي تجربتي والله ينحفك وينحفنا جميعا اللهم امين

العبره المحبوسه
مشكوره يالغلا ربي يسعدك وان شاء الله راح استمر والله ينحفني ينحفك من غير شر يارب
بس بغيت اسألك وش الأكواب اللي تقصدينها ..؟؟

معلش ما رديت عليك بدري لاني كنت مشغوله هي اكواب تقيسين فيها مقادير الكيك او الفطاير بمعنى اصح الاكل كله يستخدمونها الاجانب في الطبخ تلاقيها موجوده عند بنده قسم الاواني المنزليه تلاقيها متدرجه من كوب الى ربع كوب ويجي معه كمان كوب زياده هذا للبيض ان شاء الله اكون افدتك