بدء التقديم في الكليه الجامعيه الجديد في مدينه الجبيل

يبدأ التقديم بعد شهر في رجب
خرعتيني حسبته اليوم
انا مانصح في الجبيل ابد وخصوصا لبنات الدمام والخبر
بعيده ومخااطرات وطريقهم يخرع يعني اللي تحب نفسها لاتروح
اعرف عن بنات كثير صارت لهم حوادث الله يحفظنا يارب
والله يوفق الجميع

مشكوره ويعطيك العافية خيتو ..
واختي راعية فزعه ،،
هو صحيح ان طريق الدمام _ الجبيل خطر نوعا ما على البنات بس اذا كان مستقبل الطالبة هناك ليش ماتروح
والله مع الجميع ،،
واذا عني انا الحمدلله تخرجت هالسنه من الجامعه بس افكر بأختي اللي السنه الجايه ثانوية عامه
ومن الضروري انها تسجل فيها عالاقل يكون احتياط اذا ماانقبلت بجامعة الفيصل وين تروح مالها الا الجبيل ..
واشكرك اختي مره ثانية ،،
تحياتي لك .

.. وصح بيكون المشوار بعيد للي بعيدين عن الجبيل وعيبها ان مافيها سكن خاص للطالبات ,,
بس مثل ماقالت عذب الجوري اذا ماكان في حل غيرها .. نسجل ليش لا .. اني مثلا مشواري تقريباً ساعه ونص ..
وبعدني ماأسجل في مكان .. وان شاء الله أسجل فيها .
والله يوفقنا يارب
على العموم يسلمو على المرور

سلام
نوراء سمعت شي عن الجامعه هذي
انها ماتقبل الا بنات الجبيل بس لانها تبع الهيئه الملكيه للجبيل
انتي اسألي وتأكدي
لاتورطين نفسك في كليه وحده وبعدين ماتدخلين ولا كليه

هلاا
اي صح سمعت هالشي .. بس اذا كان عندك احد يشتغل في الجبيل أبوك او اوخوك .. تعطيهم ورقه بس من الشركه ويقبلوك
واني في انتظار جامعه الملك سعود في الرياض .. نسبتي بعد في رجب
واني رحت كليه الاداب في الدمام بس ماعجبتني التخصصات الموجوده .. وبصراحه الكليه زباله .. ماتشجع ان احد يدرس فيها
عشان كذا ماسجلت فيها .. والكل قاعد يلومني على هالشي .. كان فتكيت وتخلصت من هالعناء
والله المعين
ادعوا لي الله يوفقني يارب

مشكورة اختي على الموضوع
انا كنت داخلة قسم الطالبات ادور موضوع عن الكلية الجامعيه
انا ان شاء الله بسجل فيها
في قسم نظم المعلومات الادارية
اتوقع له مستقبل

مشكورة خيتو