بدها زوجي يطلقني

بسم الله الرحمن الرحيم
السلام عليكم ورحمة الله وبركاته
ابدأ القصة واقول لكم عمري 21 سنة تزوجت وعمري 18 سنة
بعد سنة من الزواج حملت وجبت ولد والحمد لله من اول ما تزوجت
وهي توقف عند كل صغيرة وكبيرة لما اشتري اشي جديد مايعجبها
وتقول لي مو حلو بعد كم يوم تيجي بدها تستعيره لما اطلع انا وزوجي
ما يعجبها وتحكي كلام طالع نازل ولما نروح على حفلة ازا ما رقصت معها
بتروح تحكي لزوجي ما رضيت ترقص معي ورقصت مع صاحباتها ولما اطبخ
تقول انتي اكلك مقرف انا بس اتزوج زوجي راح ياكل اصابعه وراه وقبل
ما اتزوج كانت تصحى الصبح بكير الساعة 10 بس بعد ما انا اتزوجت وشافتني
بتأخر بالنوم صارت تصحى على الساعة 1 ظهرا ولما ولدت وجبت ابني زيد الار ولعت
وصارت بدها تكون هي امه وتعمله كل اشي والمشكلة الكبيرة انه بيتي الطابق التاني
فوق دار اهل زوجي وهي الها غرفة بس مدخل لحال بس الحيط على الحيط
وكل كلمة بحكيها انا وزوجي بتوصل مع شوية بهارات وحاليا بتوصل كلام لزوجي
بدها اياه يطلقني بأي شكل من الاشكال حتى وين ما تروح بتضل جايبة سيرتي
بالعاطل طيب ليش كل هاد شو عملتلها بكرة بس تتزوج بترضى انه اخت زوجها تعمل
هيك معها نسيت اعرفكم عليها بتكون اخت زوجي عمرها 26 سنة للاسف عزباء درست
للصف العاشر فقط ومن اهم صفاتها الغيرة مش عارفة شو اعمل من غيرتها بتموت غيرة مني
طيب انا شو زنبي انها لسه ما تزوجت بس من كتر الحكي والكلام حاليا انا ما بحكي معها ابدا
يدوب السلام بس مش اكتر من هيك
شو اعمل معها والله دايما بدعيلها تتزوج في حل غير هيك؟؟؟؟؟