بدي اتعلم احط مكياج ساعدوني بليز

السلام عليكم ورحمة الله تعالى وبركاته
اولا جمعة مباركة عليكم
تاني شي بدي اطلب طلب اذا ما في اي اشكال,بدي اتعلم احط مكياج لاني ما بعرف احطو بالمرة مرة واحدة حطيت مكياج في حياتي يوم عرسي بس كنت بجرب بس ما بيطلعش حلو زي ما بشوف البنات بيحطوه وانا مغتربة وما عندي احد يعلمني وكنت بدخل دورة عشان اتعلم بس غالية
ما بعرف احط كريم اساس او خافي عيوب لاني بيصير كولو عيوب ما بعرف ارسم العين او اظبط حواجبي اه من حواجبي بس كلها منفوشة وكل شعرة في طريق ولا واحدة جنب اختها ,انا الان بنمص بعرف انو حرام بس والله شكلهم مخيف استغفر الله والحمد لله على كل شي انا بديش انمص بس زوجي الله يهديه دايم يعلق حواجبك مو مرتبة اخ يا القهر
والله اني محتاجة تعاونكم معي وخصوصا الخبيرات بدي اعرف انواع كريمات الاساس الممتازة انواع المكياج اذا واحدة عندها طريقة تشقير الحواجب والمواد بالصور يكون جزاها الله كل خير, وكمان طريقة وضع المكياج
وهل صحيح انو التشقير مضر بالعيون لاني بدي اجرب ولكن خايفة وتاني شي ما بعرف المواد
الله يرزقكم الجنة وييسر اموركم يا رب