بديل النوتيلا

بسم الله الرحمن الرحيم

• * السلام عليكم ورحمة الله وبركاته **

خواتي الغاليات اليوم جايبه لكم بديل النوتيلا(شوكلاتة السندويتشات) ...
أحسن شئ إنكم تحفظونها في الثلاجه لمده طويله يعني ممكن إسبوع أو أكثر..
وهذي طريقة النوتيلا:-
المقادير:
1-علبة قشطة من أي نوع المقاس الصغير..
2-ملعقه كبيره(حقت الأكل)كاكاو(شوكلاته) مسحوق (بودره)الغير محلى..
ربع ملعقه صغيرة نسكافيه..
2-ثلاث ملاعق كبيره حليب بودره..
1-قرطاس كريم كارميل(مغلف واحد فقط)..
2-بياله سكر مطحون..
رشة فانيلا حسب الرغبه..
الطريقه:
تخلط جميعها مع بعض في زبديه(باديه) وتضرب بالمضرب الكهربائي جيدا تم توضع في علبه زجاج(بطرمان زجاجي)..
وتوضع في الثلاجه لحين إستخدامها.. أنا أصلحها وأحطها في سندويشات عيالي للمدرسه والله يبنات يحسبون إنها نوتيلا مافرقوا في الطعم يقولون نفس طعمها..
وعلى فكره يبنات تراها تصلح للحلويات تحطينها على وجه الكيك أو مع البسكويت أو سينبون الشوكلاته أو إذا ماعندك شوكلاته مثل مارس أوميرو أو الشكولاته الساده علشان تسيحونها وتحطونها على الحلى مثل حلى السنكرس وغيره هذي الطريقه تغنيك عنهم أنا صلحتها اليوم مع حلى السنكرس وصراحه أكثر من روعه وتصير دايما متوفره عندك..
منقول للعيونكم