برنامج الماجستير

والله الي اعرف انه الماجستير كل بداية ترم فيه تقديم جديد لكن بقولك معلومة لازم تعدي اختبار التوفل عندهم ومعروف قد ايش صعب التوفل ونادرا ماتعديه الوحده..معليش ماكنت ابغى احطمك بس اسال مجرب ولاتسال طبيب..

من قال لا علم فقد علم
لا اعلم

موعد التقديم للفصل الثاني من العام الجامعي 1429/1430 يوم السبت 10/11/1429ه ولمدة اسبوعين
(على حسب الكلية اللي بتقدمي لها)
- التقديم للعام القادم 1430/1431 سوف يكون 17/3/1430ه ولمدة شهر
طبعاً لازم تكون مجتازة اختبار الGEE و ناجحه فيه ب400 تخصص حاسب لازم 450
بالنسبة للاختبار اول شي الاستماع ... 35 دقيقة
وطبعا كل الامتحان اختياري وانا اعتبر الفقرة ذي تركيز وسباق مع الزمن
بعدين يجيك قرامر على هييئة جمل ... 25 دقيقة
وبعد كذا تجيك القطع حوالي اربع او خمس ... 50 دقيقة
وبصراحة انا مستواي في الانجليزي اقل من متوسط و عديت الحمدلله من أول مره
و رسوم الاختبار 200 ريال
و حاولي تشتري كتب من جرير تساعدك عشان الاختبار
أو سي دي لاختبارات التوفل تلاقيها في مركز المدينة مقابل للمساعدية سعرها 10 ريال
دا جدول مواعيد اختبار GEE لدي السنة
و أي سؤال أنا حاضرة

شكرا لكم الله يحقق امانيكم

lailalallo
ماشااءلله مستواكي متوسط وعديتي التوفل كيف طيب؟؟
وانا صحباتي ممتازين واخذين كورسات ومع هذا ماعدوه ولقو بنات مستواهم عادي جدا وعدوه بالواسطه طبعا, لان امها ولا خالتها ولا عمتها استاذه..
معروف التوفل في جامعة الملك عبد العزيز كيف صعب
بس مدام انتي مستواكي متوسط وعديتيه شجعتيني, بقدم واشوف ان شاءالله اعديه زيك..
يسلمو

شانيل
نصيحة روحي اختبري و الله أنا مستواي مش متوسط أقل من المتوسط و الحمدلله عديت من أول اختبار
شوفي في طريقة وحده قالت لي عليها و عملتها
اللي هي اذا ما عرفتي اجابة اختاري واحد من الخيارات و كرريه في كل الاسئلة اللي ما عرفتي اجابتها
مثلاً : السؤال الأول و الرابع و العاشر ما عرفتي اجابتها
اختاري الاجابة رقم (أ) مثلاً و لكل سؤال ما تعرفي اجابته اختاري (أ)
و بكدا تضمني تأخذي ربع درجات الاسئلة اللي ما عرفتي اجابتها
شانتيل بالله طمنينا عليكي
و أي استفسار أنا حاضرة

الله يعطيكي العافية من جد حمستيني مره اخش التوفل
بس كنت بسالك الجدول ذا لكل الكليات لان انا قسمي علم نفس ماني عارفه هل امشي على التواريخ الي في الجدول ؟
ومتى تطلع النتيجة؟

الله يعافيك أختي شانيل
و دا الجدول لكل أقسام الجامعة
و النتايج تطلع بعد الاختبار بأسبوع

الفل الابيض
أين موقع الاختبار وكيفية التقديم عليه