بسبوسة بالقشطة سهلة جدا لذيذة جدا بالصورة

بس الصورة مب حلوة لاني كنت مستعجلة ورايحة عند ام زوجي....على العشا.....فقطعتها وهي ساخنة بس طعمها رهيب
اخذت الطريقة من الاخت ام نونا من منتدى اخر
وهذه طريتها:
1 علبه قشطه نستله او التاج اللي تبغوه + 1 كوب سكر بودره او عادي كله واحد + رشه فانيليا + 1/2 كوب زيت + 2 بيض + 1 ملعقه كبيره باكينج باودر بس لاتعبيها مره واخلطيها مع بعض بخلاط الجك واضيفي عليهم 2 كوب سميد واخلطيهم وصبيها بالصينيه بس كبيره لاني سويتها بصينيه وسط وطلعت كيكه بس والله تهبل بس زوجي قام يتريق على يقول هذي ماهي بسبوسه هذي كيكه
(علشان هو مايحب الا البسبوسه اليماني)
المهم بعد ماتتحمر من تحت ولعي من فوق وحمريها وتكوني مجهزه الشيره من بدري
وماتكون حاره صبيها على طول
الشيره حقتي بعد مايغلي السكر والمويه وقربت تخلص ارش شوي هيل مطحون وشوي ماء ورد