بسبوسه الريم ويب لاتفوتكم

بسبوسه رهيبه وبعذر اخواني يوم ابلشوني فيها ..
روعه بمعنى الكلمه
وقسم لي سنتين وانا ابنزلها بس مادري وشلوون اتعيجز اصلحها واصورها
يوم شفت طلبها حسيت بشعورها وقلت قومي يابنت وصلحيها .. صلحته وقطعتها ولا عندي احد ياكلها
ررهيبه لاتفوتكم
يالله اخليكم مع الطريقه
1كاس ماء
ثلاث ارباع كاس زيت
كاس سكر
كاس وربع سميد
1ملعقه كبيره باكنج باودر
2وربع كاس حليب بودره
تخلط جميع المقادير بالخلاط ..
نضع نص المقدار بالصينيه
.
وندخلها الفرن من فوق وتحت لحد ماتتحمر نص ساعه تقريبا
ثم نخرجها ونضع عليها الحشوه المكونه من
كاس حليب جاف
2كاس ماء
8ملاعق نشاء
نضعها على النار ونحركها حتى يغلظ قوامها ونضعها بالخلاط مع باقي المقادير المكونه من
2جبن كيري
علبة قشطه
ظرف دريم ويب
2فنجال سكر..
ونخلطها جيدا ..
ثم نضع الحشوه فوقها وندخلها الفرن من فوق خمس دقائق فقط ..
واذا تماسكت نخرجها ونضع باقي الخليط عليها
وندخلها ونحمرها من فوق فقط ..
واذا طلعناها نحط عليها شيرره وندخلها الثلاجه ع طوول عشان تبرد ..
نضعها بالثلاجه تبرد زين .. بعدين نقطعها ..
انا مابردت زين
ونقدمها
وبالعافيه ع الجميع ..
انتظر تطبيقاتكم ..
واتمنى من تصلحها تدعي لي بالتوفيق والشفا والستر والزوج الصالح..