بسرعة يابنات اللي ماسجلوا في جامعة الملك سعود اليوم أخريوم للتسجيل هذا اذا ما خلص

جزاك الله خير
وعلى قولتك كثير من البنات ماسجلو ولا يدرون وش السالفة
والله انا شلت همهم ... وقعدت ادقق على بنات خلق الله واسألهم سجلو ولا لا؟؟؟ وتخلي الي اليوم وهم ماسجلو
وقعدت اسجلهم انا
ومخلصة دراساتك >>اجل مثلي عاطلة

شذا الدنيا و شموخ العزة
عافيه دامكم حريصين عالبنات ممكن تعلموني كيف اسجل عن طريق النت بجامعة الملك سعود وكلية التربية
ومتى مواعيدهم لو سمحتم...
لاني دخلت موقع الملك سعودي وفي خانتين الاولى رقم الطالب والثانية الرقم السري وفوق فيه خيارات طبعا حطيت انا طالبات - الرياض واتبعت الخطوات واخر شي قالوا تأكد من صحة بياناتك؟؟؟ شالسالفة يا حلوات

الله يخليكم انا ماادري وش السالفه وشلون التسجيل وليه يقولون التقديم تاريخ 14 \7\1428ه تكفون علموني وشلون

يابنات دخلت موقع الجامعه وما طلعلي استماره التسجيل ايش اسوي والله قلبي منقطع
ابغى اسجل اليوم آخر يوم

بنات أنا راح أقولكم أختي وش سوت بالضبط في التسجيل
أول شئ أدخلي الموقع اللي حاطته فوق
تلقين في أخر الصفحة على اليسار تقديم الطالبات اضغطي عليه وعبي البيانات كاملة وصحيحة <<<بعد ما أختي عبت البيانات بعد كم ساعة جتها رسالة على الجوال
بعد كذا تلقين على اليمين درجات الطالب أضغطي عليه وحطي درجاتك وانتبهي حطي درجاتك الموزونه
وبعدين على حسب النسبة يحطلك الاقسام أنتي اختاري الاقسام اللي تبين
هذا اللي شفت أختي مسويته ..... وأتمنى أني أكون أفدتكم.
ويابنات استعجلوا لا يسكرون التسجيل...

أقول شموخ الله يعينك أجل معسكره في موقع الجامعة تسجلين البنات <<<أقول شموخ وش رايك تترزقين الله وتشرطين على أي بنت سجلتيها وقبلت بعدين في الجامعة أنها تعطيك أول مكافأة لها ههه..