بسرعة يالمتزوجات لراحة بالج وبال ريلج

السلام عليكم يا خواتي الفراشات
اليوم يبتلكم احدى الطرق فالتعامل مع الأزواج
طبعا لو ريلج كان متوتر او زعلان مب شرط يكون منج يمكن من الدوام يمر بظروف نفسية
طبعا هالشي يأثر فيج ويخليج بعد متوترة شراته ويمكن أكثر بعد
أتمنى منج اتجربين طريقتي فالتعامل مع هالظروف
أول شي: حاولي اتكونين هاديه ولو كان ينتقد في اي شي اتسوينه ماعليه استحملي وحطي فبالج انها ازمة وتعدي
ثاني شي: خذي اي ديكور او تحف حاطتهم في غرفة النوم والصالة وخبيهم في اي مكان يعني خلي المكان فاضي علشان مايحس برتباك ويشوف اشياء جدامه تحسسه بفوضى
خليه يحس بمساحة فالمكان يعني وسع لانه هالشي يريح الواحد ويعطيه راحة بال
ثالث شي: لو تعرفين انه ريلج يرتاح في لمة الاهل خبريه انج بتعزمين اهله وتسويلهم عشى معتبر
رابع شي: غيري من شكل الغرفة يعني مكان الشبرية او بدلي الستاير وحطي لون فاتح
وتجنبي الالوان القاتمة فالغرفة لانها اتييب الكتمة وتزيد من العصبية
خامس شي: حاولي اتحطين زراعة فالصالة او اي شي لونه اخضر لانه اللون الاخضر يريح البال
وتجنبي اللون الاحمر لانه يزيد من كل شي يعني لو الواحد كان معصب يزيده عصبية
واتمنى انج اتجربين هالطرق فالتعامل مع الازمات لانه يفيد وايد
وحتى انتي بتحسين براحة نفسية ولاتنسوني بالدعاء الطيب