بعد 11سنة واربعة اطفال نفسي تراودني عن الطلاق تعبانة ريحوني

السلام عليكم اخواتي
احب ان اطرح عليكم مشكلتي لعلي اجد عندكم ما يخفف نار قلبي
ساسرد عليكن القصة وارجو منكن تحمل طولها
انا متزوجة من 11 سنة وعندي اربعة اطفال
حياتي تعرضت لمطبات كبيرة كان الطلاق يلوح في الافق عند وقوعها
زوجي انسان غريب الاطوار
تعبت معه وتعبوا اهلي واهله
في ايام الملكة حدث خلاف بيني وبيني وكان الطلاق على وشك الوقوع
بعد الزواج كان يقدم لي الطلاق كاول حل لاصغر مشكلة بيني وبينه
اي مشكلة تحدث يقول اذا تبغين الطلاق مافي مانع
جبت بنت
عند اتفه مشكلة يقول لا تحسبين انك بتمسكيني عشن عندك بنت
بعدها جبت ولد
صار بيني وبينه خلاف تافه جدا قال ورقتك بارسلها لك الاولاد ماعد هم في حاجتك
في مرة بعدها زعل وانا نايمة ما ادري..دق على امي تلفون وقال انا متحمل بنتك عشن العيال وشكلي ما بتحمل اكثر
تدخل ابوي وحلينا المشكلة
بعدها زعل على شي تافه كالعادة قال خلي ابوك يرجع المهر وياخذك
كان يهزئني قدام الكل
قدام هلي وفي المحلات قدام العمال وفي المستشفى قدام المراجعين لدرجة كانوا يطالعون فيني وهو يلعني
كان يهزئني قدام اهله خلاني ما اسوى قدامهم وقدام اخواته
يصارخ علي ويهينني
وقدام عيال اخواته يصارخ علي ويحقرني
كان كثير يلعني ويلعن اولادي
كان يقول لولدي الله يلعنك ويلعن امك معك
الله يلعنك ويلعن من جابك
جبت بنت ثانية
وبعدها بنتي الاخيرة
بعد ما ولدت بنتي الاخيرة سحب علي وعلى اولادي
تعبت معهم لدرجة الجنون
صابني اكتئاب فظيع وكنت على شفا جرف هار نحو الجنون
انا لوحدي في غربة
لا اهل ولا خادمة تساعدني
كان طول وقته متذمر ومو طايق البيت ولا اللي فيه بما فيهم انا
كنت اكلمه مايرد
اسأله ما يرد ولا يطالع فيني اصلا
اعيد عليه الكلام وكأني اكلم جدار
صارت الحركة هذي هي العادة واذا رد علي افرح
مرة الشغالة ضيعت غرض من اغراضه وانا كنت رافعته جات هي ملقوفة طلعته وما لقاه
زعل قال لي الله يلعنك الى يوم الدين
يارب تموتين
اصلا انا مجنون اني تزوجت طفلة
قعدت شهر كامل ابكي
بعدها قال لولدي الله يصيبك ويصيب امك معك
بعد كم يوم قال لولدي نفس الكلمة
يوم العيد عيد الفطر جاني ولدي قال لي ماما بابا يقول الله يصيبك
قلت خلاص حبيبي روح
نزلت الدمعة من عيني قلت في نفسي هذي بدل كل عام وانتي بخير
جا دخل البيت ولا قال من العايدين لاني رديت عليه السلام ببرود
ما كنت اشوفه الا وقت الغدا فقط وباقي الوقت خارج البيت مع اصحابه
كان يسافر يوم واحد ويخليني مع اولادي لا انيس ولا جليس
واذا رجع من السفر يروح يجلس في آخر البيت(المقلط) وينتظرني اجي اسلم عليه
ما كأنه تركني واطفاله لحالنا ويجي يسلم علينا ويشوف احنا بخير ولا لا
قال عيب عليك اجي من السفر وما تجين تسلمين
انا رحت اول ما وصل لقيته دخل دورة المياة فرجعت عالسرير لاني صاحية من قبل الفجر بساعتين وهو رجع على 11ونص في الليل
لمن رجعت عالسرير ما حسيت بنفسي نمت وهو لسه ما طلع من الدورة ولما طلع راح المقلط وما كلف عمره يدخل داخل البيت يسلم علينا
صحاني من النوم وسالني ليش ما سلمت عليه وشرحت الوضع واقتنع
صار طول وقته يدور على عروس
سجل في منتديات الزواج كلها تقريبا
انا نفسيتي كانت دمار لاخر درجة وما ادري كيف انا الى الان بعقلي
كنت تعبانة من اولادي
بنتي الصغيرة طول وقتها تبكي بدون سبب واتعبت اعصابي
الباقين عندهم مدارس واذاكر لهم
البنت الوسطانية صغيرة تغار من اختها الصغيرة وعذبتني عند اختها
كل ما تشوفها نايمة تروح تضربها وتصحيها
اذا شافتها ساكتة وتلعب تروح تضربها وتبكيها
زادتني تعب على تعبي
وزوجي نفسه جدا صعبة وزاد من معاناتي اضعاف اضعاف
لانه يعصب بسرعة وما يحب لجة الاولاد ولا يحب يشوف البيت فيه فتفوتة طايحة
كان همي وغمي انتبه لنظافة البيت لا يزعل وينكد علي وعلى اولادي بصراخه لان صراخه فظيع وكلامه افظع اذا عصب
كان كل همي وغمي اسكت اولادي هذي لا تبكي وهذي لا تصرخ وهذي لا تجي تكب الشاهي او تحوس السفرة ..الخ
كل هذا لوحدي انا
تدمرت وتعذبت عذاب نفسي رب العالمين يعلم به
هو كان كل همه راحته وبس
كان يدخل مواقع الزواج ويطلب
كان يجيب لي سيرة الزواج باستمرار
حرق قلبي زيادة
انا ماني ناقصة هم ووجع قلب
عذبني بهذي السيرة
الان بعد سنة عيالي الحمد لله كبروا وارتحت كثير جدا من اشياء كثير كانت تاعبتني
صار وقتي كله لزوجي ادلعه واسولف معه واضحك وطول وقتي جالسة جنبه
هو مبسوط مرة ومروق عالاخر وصار ما يعصب ولا يصرخ علينا
ارتحت والحمدلله
وهو ايضا صار طاير في السما من كثر ما دلعته وريحته
لكن في يوم فتحت اللاب توب اتصفح كالعادة
طاحت عيني في المفضلة على موقع زواج مسيار
حسيت الدنيا لفت فيني وجاني شعور لى الان ملازمني
لي اسبوعين
حسيت بكره فظيع تجاهه
ما اطالع في وجهه
ولا اجلس معه
ولا اتصل عليه وارسل له كلام حلو زي اول
اذا راح وتاخر ما اسأل
اذا بغيت شي اخلي عيالي يدقون ويطلبونه
اذا هو كلمني ارد عليه عادي
هو ملاحظ مرة تغيري عليه
وانا مطنشة صرت اكرهه من قلبي
تذكرت كل اللي سواه فيني وقام قلبي عليه
مع انه كريم مع اولاده ومعي
وما عمره مد يده علي
واحيانا يجيب لامي هدايا
بالرغم من انه يكره اخواني ويتلفظ عليهم الفاظ مقرفة
ويهزئ اخواني قدام امي وابوي ويتلفظ عليهم قدامهم
كل هذي الاشياء تذكرتها لمن شفت موقع الزواج
انحرق قلبي يوم شفته مصر عالزواج برغم اني مريحته عالاخر
صرت اكرهه وصار ما يهمني لو طلق
خواتي دلوني انا تعبانة والتفكير هد حيلي
صار جسمي هزيل من كثر التفكير
انا تعبانة والغربة زادت همي
ماعندي احد اشكيله
ريحوني الله يريح عليكم