بعد الخط الاحمر اسرار وحكايات

احيانا نحتج بقولة كذبة بيضا ولو ان الكذب هو كذب
ماله الا لون واحد
وكانت كذبتي بسبب نصيحة وحده الله يسامحها ويسامحني
قبل زواجي مثل كثير من البنات تستقبل النصايح من هنا وهناك
والمشكلة اذا الوحدة امها خجولة ماتقول شي وتستحي تتكلم
حتى باشياء بسيطة
انا امي خجولة مرة حتى الدورة تستحي تجيب سيرتها
والله حتى لما تفطر برمضان كانت تستحي تقول
او تبين لنا
المهم وحدة قريبتنا جابت لي مجلة مادري من وين مطلعتها وفيها صورة عروسة
وبالخط العريض عنوان (عروس تتوفى يوم زفافها) وصو ر تخوف
وجابتها لي وانا باقي عن زواجي شهر او اقل وكنت خايفة من القصص اللي اسمعها
واختي قالتلي انها تعبت اول يوم وثالث يوم اضطرت تروح للمستشفى وماقدرو ي.... الا ثالث يوم
بعد ماقالت الدكتورة لسا هي عذراء
وقريبتنا هذي قالتلي اذا حسيتي انك تتالمي قولي لزوجك جاتني الدورة عشان ترتاحي منه كم يوم
واول يوم لما صار اللي صار وقمت عشان اتحمم واتوضأ الا الدم مايوقف البانيو كله صار اورنجي
ولونه غريب عمري ماشفته الا بولادتي الاولى ورجولي ترجف من الالم والخوف
اتذكرت نصيحة اختنا بالله وماقدامي غيرها طلعت وقلت لزوجي جاتني الدورة
وانا حاسة ان كذبتي مو وقتها بس الالم والخوف اجبرني
وخامس يوم جاتني امي وجابت سيرة وقلتلها على كذبتي وقامت عليه
سب وشتم وقالت حرام اللي سويتيه وغلط بحقك وحق زوجك وزعلت مني
وطلعت وهي زعلانه و بعدها خفت وقلت لزوجي خلصت الدورة
وكنا مأجلين العمرة على اساس انه عليه الدورة
وقمت ادور لي على حجة ثانية اهرب فيها من الالم اسبوع وانا احس جسمي كله ينتفض
بسبب اول ليلة وقلت تعبانة ظهري وبطني وو وكل شي في جسمي كله يوجعني
واخذت اتشكى و قام ووداني للمستشفى واخذت مسكنات
وبعدها رحنا عمرة ومشيت الامور
والى الحينة ندمانة اني سمعت نصيحتها وزوجي لساعتي هذي ماقلتله على شي
ولو قلتله اكيد بيزعل لاني خربت علينا احلى ايام عمرنا بغبائي ونصيحة وحدة مافكرت فيه
الله يسامحها ويسامحني بعض اللي يتكسر مايتصلح
اتمنى تعطوني رايكم بصراحة لو كنتو مكاني الحينة تقولو له على اللي صار
ردودكم