بعض الأفكار الرومنسيه

هاذي بعض الأفكار الرومنسيه
واتمنى اليكم حياه رومانسيه
:
1- بيوم زيارتك لاهلك يعني اليوم اللي تزورين فيه اهلك طبيعي انك بتغيبين عن زوجك وبعضنا
ينام عند اهله : عطري غرفة النوم بعطركي الشخصي حتى اذا عاد الزوج لينام لوحده .... تذكر رائحتك وتذكرك ....
2-اهدي له ورده وكل ما تذبل اهديه ثانيه ... واللي عندها حديقه ما تكلف على روحها بس تقطع وتعطيه والحلو ان يكون الورد احمر ...
3-اكتبي على المرايه بغرفة النوم ( انت قلبي ) او ( احبك يا بعد روحي )إلي يعبر عن مشاعرج كتبيه ...
4- قصي مجموعه من الاوراق كميه لاباس بها يعني عشرين ورقة تقريبا واكتبي على كل ورقه بيت شعر والصقيها بكل مكان بالغرفه مع قبلاتك على الاوراق ...
5- ضعي في سيارته عطرا اشتريتيه له ويكون حلو بحيث يتعطر منه بكل وقت ( الدوام -المسجد الزيارات ...) ووصيه بانه يتعطر وكل ما رش من العطر او حتى شافه بيتذكرك ...
6- ضعي على السرير وقت غيابك القميص اللي لبستيه ليلة البارحه واكتبي بورقة معطره ( حبيبي العمر بدونك ولا شي ) او .... انتو اشطر مني عاد بهالسوالف , او ضعي القميص الذي ستلبسينه عند اول ليلة لقاء ومكتوب على الورقه ( موعدنا ليلة كذا ) او ( لين انتلاقى يا حبيبي على خير ... الله يصبرني على حرقة الشوق
7-امسحي المخدة اللي بينام عليها بمسك او بالعود المهم ريح رائع وجميل بحيث حتى لو بينام
اخر ما يطري انتي ... ويشوفك بالحلم ^^ ...
8- طبعا ما اوصي على المسجات الغراميه وقت غيابك عنه هذا دور التلفون
9- زوجك بيسافر .. طبعا ما اتكلم عن تجهيز الشنطه لان اذا ما جابالطيب يجي بالغصب...لما تخلصين من تجهيزها .. ضعي له رسالة حب توضحين فيها عدم
استطاعتك تحمل غيابه وان حياتك بدونه صعبه .. واشرحي له مشاعرك وحلو لو تذكرينه بالله عز وجل وانك تدعين انه يوصل بالسلامه ....وسكريها بحيث ما يقراها الا اذا توكل وسافر.
10- حطي في السياره برواز او تعليقه من ذوقك راقيه على المراه الاماميه ودايما يشوفها
11- كلما تذهبين للسوق- اشتري له شي معاك ومولازم يكون غالي بس تضهرين انه على طول في بالك وبالمقابل
12- دائما وفي آخر لقاء بينكما اجعلي اخر كلمة تقولينها كلمة حب وشوق او حتى كلمة طيبه مثل ( اشوفك على خير يا عمري ) فإن لها الاثر الطيب في نفس الزوج وحتى لو لم يقلها لك او يوضحها سيشعر بالراحه النفسيه التي نادر ما يشعر بها الازواج.
منقول