بعض مااستفدت من بنات هالقسم ربي يسعدهم

السلام عليكم ياحلوات
طبعا بما انه اصبحت اغلب مواضيع القسم تجيب الهم اليوم حبيت اجيب لكم شي مختلف<<تسوي نفسها خبيره
المهم انا جبت لكم معلومات حلوة وخفيفه على الطاير ان شاء الله تستفيدوا منها
اولا : في كثير متزوجات الى الان يستحوا من ازواجهم <<ماجبتي جديد...وهذا الشي مو حلو لان تخلي الزوج يدور وحده ثانيه غيرك وخصوصا في اللي بالي بالكم لازم تكوني جرئيه بس مو جراءة زايده لان بعض الرجال الله يهديهم يشكون في زوجاتهم
ثانيا: بعض المتزوجات يشكوا ان ازواجهم اربع وعشرين سااعه على الاب توب وفعلا هالشي متعب صح شوفي انتي اجلس مع زوجك جلست مصارحه طيب وقولي له ان هالشي يضيقك ولازم تخلي وقت لي اوكي واذا مااتغير قولي له طيب اجلس معي ونتفرج انا وانت سوا على النت واذا مانفع اكتبي له ورقه لم يكون برا البيت على الاب توب واكتبي فيها ترا انا احبك وحاولي تكتب كلام من عندك عن الحب مايحتاج شرح
لو كنت تشكي انه يكلم بنات مابيدك غير الدعاء اذا كان من النوع اللي مايقدر العشرة اما اذا كان يحس قول له يافلان ترى انا مااحب غيريك ويارب انت ماتحب غيري لانك لوتحب غيري يمكن امووت <<بعضهم يقول فكه
ثالثا: الشي اللي يخلي الزوج يروح للنت وللبنات احيانا والعياذ بالله نقص اهتمام الزوجه بنفسها وبيتها
واحيانا بيتها مثل الفل بس مع زوجها في اللي بالي بالكم مثل الحجر والله دايم اسمع من زوجي ان في ازواج يقول انا احس اني انام مع حجر مو معقوله كذا لازم تقولي له كلمات الحب كلها تحسسيه بشوقك له مو مثل الحجر لااحساس ولا نظافه ولا لبس زين ولا ريحه حلوة ولا اهتمام بالمناطق الحساسه وفوق كذا تقول طفي النور ترى هذاا حلالك مو لازم تصير مثل العروس بس شوية كحل على شعر مرتب على كريم للجسم على عطر حلو على نظاافه على فستان ناعم وربي حتعجبي زوجك
رابعا : هدايا الزوج حلو انك تهدي زوجك لان الهديه حتى في الاسلام ذكر فضل الهديه سبحان الله الهديه ممكن تغير بعض الر جال180 درجة مو لازم هديه متكلفه لو ورده ب5 ريال وربي لها قيمه عند الرجل احنا نهدي احيانا صحباتنا هدايا قيمتها فووق ال200ريال نستخسر في ازواجنا الغالين وردة ب5ريال في الاعياد وذكرى زواجكم حفلة بسيطه ماتكلف شي
خامسا : وهذاا الشي يقهرني مرره اللي تمدح في رجال غير زواجها وربي يقهروني الحريم اللي مثل كذاا وبعضهم تقول كذا على الملا للحريم وربي فلان زي القمر <<ماشاء الله وش خليتي لزوجك ومانقص غير تقول ابغى اتزوجه بنات صراحه صعب تمدحي برجال غير زوجك لانه كما تدين تدان انتي تمدحي في غيرها وهو يمدح في غيرك فانتبهوا وترى في هالشي معصيه لله فخلي زوجك احلى الناس بعينك
سادسا: بنات كل اللي تحتاجي له هو انك تحفظي على صلاتك وبيتك وزوجك واولادك واهم شي رضا زوجك وربي امر المراة انها تطيع زوجها في دلائل حديث في ما معناه ان الزوجة لو ماتت وزوجها وهو عنها راض دخلت الجنه يعني بنات لم تزعلي من زوجك حاولي تتكلمي بهدوء تمسكي اعصابك مو تصارخي مثله لان هذا مايوفق المشكله يزيدها فخليك هاديه حتى هو لم يشوفك كذا حيندم
سابعا : بعد المتزوجات الله يهديهم تسمع كلا امها واخواتها واواقاربها في نصائح وربي خطيره مثل تقول لها لاتخلي ريال في جيبه علشان مايفكر في غيرك<<مين قال وربي غير يفكر في وحده احسن منك وبعدين ليش التفكير السلبي فكري بشكل ايجابي يعني فكري ان زوجك يمكن بيبني لكم بيت وان عنده مصاريف وكهرباء وتلفون واغراض وملابس لك ولاولادك وراتب الشغاله اذا كان عندك مو تنتفي الرجال ترى هذا زوجك<<تعرفي وش معنى هالكلمه واذا كنت مدرسة ساعديه مو تخلي راتبك بس لك لاتكوني انانيه
ثامنا : اهل زوجك وربي في بنات في المنتدى يقول كلام مثل السم عن اهل زواجهم وصراحه بعضهم ماالومهم بس بعض الحريم هي التي تسبب المشاكل تزعل من اي كلمة يقولوا لها وترى ام الزوج احيانا تكون مراة كبيرة مثل امك عمرها فحترميها اولا لسنها ثانيا انها جدة اولادك وام زوجك الغالي
وبس طبعا هذي التجارب استفتدها من بعض المواضيع القيمه من بنات المنتدى ربي يسعدهم وان شاء الله تكون عند حسن ظنكم واسفه على الاطاله مع تحياتي بس ادوعوا لي بنات ربي يحفظ لي زوجي وبنتي ويريح بالي وينجحني