بعلمكم لوك برونزي ماحصلش بتتغيرين اكيد

هاي بنات
اشلونكم
بعلمكم طريقه لوك برونزي عجيبه
جنج يايه من البحر ولمعه الشمس عاكسه عليج وانتي تمشين تحت النور وحدج ملفته اذا متزوجه ريلج بين عليج واذا زايره يبقولولج متغيره وواو
بس لازم هاللوك يكون شعرج مموج اوكيرلي
مثل تقريبا فنانات هوليوود
هاللوك اكثر شي ينفع للحنطاويه الي انا بحطه والبيضه شوي موحيل بس ممكن تلعبين بالالوان اذا كنتي غير واي شي عندج نفس اللون من المنتج الي حاطته ممكن تجربينه
فقلت خل اعلمكم الطريقه لان سويتها وحدي استانست بالنتيجه
اول شي لازم يكون شعرج عالاقل اخر رقبتج واطول اقصر ماعتقد ينفع عشان الكيرلي المموج يضبط للوك
اول شي نبدا بالشعر
بعلمكم طريقتي بالكيرلي ووايد تخلي الشعر كيرلي طبيعي ويشوق
تغسلينه بشامبو ينفش الشعر مثل الي بالبيض يكونون
ولاتحطين بلسم كلش اذا شعرج حيل مقصف كلش بالاطراف حطي بس بدونه احسن
الحين بس تطلعين نشفي بالفوطه زين بعدين نشفيه بالشسوار بس البارد كلش لاتحطين حار نشفيه بالدرجه البارده ومولازم ينشف كله شوي بس اغلبه يعني
تحتاجين هالاغراض
مشط بف وسبري وجل
بعدين حطي جل او رغوه تافت انا حاليا ماكان عندي فحطيت هذا وطلع يهبل بس تافت تينن رغوه ويلا اسمها تافت
وهذا من ويلا بعد
الحين بعد مانشفتيه كتي شعرج لتحت وفركي الجل بايدج ووزعيه على شعرج كله
بعدين ردي شعرج وحطي من فوق وحركي ووزعيه ونفشيه بايدج
تقدرين ترتيبنه بالشسوار البارد مره ثانيه بس كلش لاتمشطينه
الحين اخذي الجزء الي فوق من الخلف ولاتستغربون سوي بف بالمشط والسبري
ومن جدام سوي القذله بف حتى لوقصيره يصير اانا قصيره
اخر شي نفشي شعرج باصابعج يعني اخر شي لازم يصير من فوق متفوخ ومرتفع وبنفس الوقت كيرلي
والي شعرها مدرج بيصير احلى واحلى
الحين نبدا الميكب
تابعوني بالاسفل