بفضل الله نزلت اكترمن30 كيلوومازلت صامدة ومستمرةتعالوا اقولكوا عملت اية

السلام عليكم يااحلى فراشات وان شاء الله احلى الرشيقات اللى بالدنيا تجربتى مش بسيطة وانا صراحة يمكن اللى زى قليل لانى طول عمرى سمينة مش فاكرة انى شفت نفسى رشيقة ابدا ويمكن اللى زى نزول وزنهم صعب المهم بقى بعد عناء ورجيمات لاتنتهى وبعد دكاترة نسيت عددهم من كترهم قررت انى ابقى دكتورة نفسى واعرف احتياجاتى وانفذها وابعد عن اللى بيرهق جسمى وفعلا بدأات رحلتى باول مارس ومازلت مستمرة طيب هتقولوا عملتى اية واى نظام اتبعتيه تمر ولبن ولا كيميائى ولا اية صراحة جربت كله ولا حاجة نفعت معايا ولا ريحتنى وقررت اعمل لنفسى نظام حسب اكلى الموجود بدون مااخالف العيلة واقعد على جنب اكل خضار بماء وملح ولا اغسل التونة بالخل واكلها مع خيار كنت بحس انى مريضة وانى مكتئبة جداا لكن بنظامى كنت ومازلت اخر راحة
هتقولوا عملت اية اولا بعدت كل المصايب اقصد مسببات السمنة سكروخبز وبيبسى حتى الدايت وبقيت ابدأ يومى بانى افطراى شى بالبيت شريحة جبنة رومى جبن ابيض بيضة قول اوحتى توست ست بالشاى وبعدها باربع ساعات اشوف اية الاكل الموجود ولومثلا خضار وارز افصل اربع معالق ارز ومعلقتين خضار وربع فرخة وافضل اكل فيهم بدلع يشل صراحة ههه وبعد الغدا اخد كوب شاى اخضر وبعده بساعةشاى عادى والعشا رغيف سن بردة باى شى ء زى الفطار
الرياضة ربع ساعة مشى بالبيت لانى كنت لااستطيع الحركة ثم زادات الى نصف حتى الان ومش كل يوم وبس طبعا لغيت اللب والبسكويت
واليوم وزنت لقيتنى 122 من154.4يعنى32وشوية طبعا لسة كتير بس اناقلت افرحكم واطلب منكم تدعولى استمر وعلى فكرة انا ارادتى زيرو ولوضعفت باكل وتانى يوم اعوض بحذف وجبة وصراحة كنت فترة حاولت استخدم ادوية لكنى من اصحاب الضغط العالى فبطلت اخد اى شىء ومستمرة ودعواتى لكم كما ارجو دعاكم انى اكمل واصل لل100 واى سؤال انا تحت امركم انا حبيت اقول تجربتى عشان انا كنت من الناس الكسولة والمسوفة اقول بكرة بكرة وكان عمره ماجه بكرة بتاعى دة يلا الحمد لله وعقبال الباقى وعقبالكم كلكم وجايز بموضوعى دة يجعلنى ربى سبب وحافز لاى حد يكون كسلان اوضعيف الارادة زى حالاتى
وماتوفيقى الا بالله
اللهم انك عفوكريم تحب العفو فاعفو عنا
يارب ساعدنى استمر وانجح واصل الى هدفى