بقول ولاتقاطعني للكاتبه عاد انا اللي احبك

أن تشعر بالظلم وتعجز عن الانتصار ل نفسك
أن تضطر إلى تغيير بعض مبادئك لتساير الحياة
أن تتظاهر بما ليس في داخلك كي تحافظ على بقاء صورتك جميله
أن تعاشر أناساً فرضت عليك الحياة وجودهم في محيطك
تتغير نظرتنا للأشياء و يتغير تفكيرنا في الأشياء و يتغير إحساسنا بالأشياء
نحلم بصوت مسموع و نبتسم بصوت مسموع و نشتاق بصوت مسموع
نحب الليل كثيراً و نحب السهر كثيراً و نحب القمر كثيراً
{ أروع اللحظات } هي عندما تستطيع أن تُحسِنْ إلى من أساء إليك
{ أروع اللحظات } هي عندما تبتسم للأمل والألم يقطعك من الداخل !
{ أروع اللحظات } هي تلك عندما تسمع صوت الحبيب
{ اروع اللحظات } عندما تجد من يحبك ويخلص في حبه لك
,
‘ , ‘ همسه ‘ , ‘
ليس مايقآبل الرجل العصري...المحافظ..
بل يقابله " القديم "..انما مايقآبل المحافظ هو
" المتحرر "
,
ب قلم: عاد انا اللي احبك
~ بقول ولاتقاطعني ~

×|الفصل الاول|×
" العنا .. وشهو العنا ؟"
دخل البيت..الشآب اللي مابعد كمل ال 23 من عمره..همه كبره 20 سنه قداام..رمى ب نفسه وثقله على السرير وتنهد:آآآآه الحمدالله...اليوم اخر يوم من العزا..الله يرحمك ياأمااني!
أبتسم..من قلبي هجري الكلمه؟؟..هذا زواجي اللي ماكان ب رضآي ل حد ماا..ماكمل السنه على بعضهاا..
×
هذي هي تجر ب سريرهاا..البنت اللي مابعد كملت ال 18 خريفاً من عمرهاا تسحب ب سريرها الابيض الملئ ب ريحة البنج ل غرفه..ماأدري وشهي الغرفه ب الظبط..اسمع الدكااتره يتكلمون بس كأني فقدت القدره على الفهم..كنت اركض وراها مثل المجنون..وكأني طفل يركض ورا لعبه هو عاارف انه ماراح يجيبها ابد..
"قال ب رجا اول مره"- يادكتور..خلااص انا ابروح بها برآآ
الدكتور طالعني ب نظرات كأن وده يضربني:وش عقبه؟؟..اللهم اني برئ منك..
دخل الدكتور الغرفه..وانا أشوف اختي اللي في المرحله المتوسطه..وامي واخت زوجتي وامهاا..يصيحون!..وانا؟.."انا المفروض" اصيح
طلع الدكتور وجهه مايتفسر..قالت ام امااني:هاه يادكتور..بشرنا عن امااني
الدكتور ب نبره:تطلبكم الحل!..ادعووا لها ب الرحمه
الام:لاآآآآآآآ..
دخلوا اهلي في دواامه من الصيااح والنيااح..وانا لاتعليق..حسيت ب نظرات الدكتور شوي وتاكلني..لكني رديت عليه ب نظره مثل نظرته..مب انت ولا أمثآلك اللي يطالعني كذا!!
رفعت الحاجب وحول نظره عني ورااح..طالعت فيهم ..في حالتهم..حزنهم هذا سحابة صيف انتظروا سنه وراح تفقدون هجري الاحساس..
حطيت يدي في جيبي ماأخفي عليكم ان الحزن دااخلي ينهشني نهش..بس مقدر ابين..ماأعرف.. مقدر حتى انزل دموع مثلهم..اصعب شي اوآجهه الحين هو التعبير
طلعت من المستشفى وانا اترك ورااي شتات..بقآياا!...والاهم..تركت ورآي "جثه"
جثة زوجتي!
"بعد مرور 7 سنين"
كنت ادور في الساحه..اليوم اخر يوم..خلاص..خلصت الثنوي...نقلت عيني بين اجزاء المدرسه..والله بشتااق لأياام الثنوي..من احلى اياام عمري.."ابتسمت" ..هو اصلا انا في من اياام عمري حلووه؟..كلها تنعد ع الاصابع..مو مشكله انا اخذت ع الوضع...ناظرت ساعتي.. ام..تأخر عمي..اكيد الى الان في الشغل..تذكرت الاياام والسنوات اللي راحت..كنت دايما اخر من يطلع من المدرسه..انا ابغاا احافظ ع الباقي من ماء وجهي..كل يوم المناوباات ملطوعين مساكين عشاان حظرتي عمي ماجاا ياخذني..كل وحده وراها زوجهاا وعيالهاا..حتى لو ماكانت متزوجه..تبي ترجع ترتااح...الحين الساعه 2ونص...مابقى الا شوي ويجي...اصبروا شوي يامعلمااتي الحبيباات..خ..
طاحت عيني ع الزاويه اللي عندها البرااده..تذكرت اياام يوم كان عندنا يوم مفتووح..كانوا بعض البناات اللي تطق واللي تصفق..والجريئاات منهم كانوا يرقصون..وتجي المديره..وتهزء وكل البناات ويتفرقون..تحت شعاار.."نفسي نفسي" .. ههه..واول ماتروح ل مكتبهاا يرجع تجمعهم..خلاص هجري الاياام رااحت..تذكرت اليوم بالاختباار..طالعه وانا حالّه زين..والله ان مرة عمي تطلع منها حركاات حلووه احيانا..مااشغلتني ب شغل البيت..تبي رآآحتي..خ..انا العب على نفسي ولا على نفسي؟..هي بس فترة الامتحانات ومن اجي اكيد بتكرفني كرف يحبه قلبي..بس نشوف من الناحيه الايجابيه..تعلمت الطبخ والكنس والترتيب من بعد ماكنت دلووعة العائله..ام....الحين انا مدلعه نفسي بنفسي لازم الوحده تلقى منهو يرضي غرورها ويراضيها وقت زعلها..ولا بتلجئ لل الجنس الاخر..ههه..والله وخربتني بعض الدروس..
سمعت صوت البواب وهو ينادي ب اسمي اخيراا
اخذت شنطتي السودا..وعبايتي اللي ع الرااس..ابتسمت لل استاذه اللي هي بدورها بادلتني الابتساامه
الاستاذه:حليتي زين يامنال؟
منال:الحمد الله..ماتشوفيني مبسووطه ياستاذه؟
الاستاذه:عقبال تخرجك من الجامعه يارب
منال اكتأب وجهها:ربك كريم ياأستااذه..
ابتسمت لي وانا لبست عبايتي وحطيتها على راسي..
طلعت وانا اسمع صوت البواب يتحلطم..ههه..اكيد مني..طيب انا وش اسوي ياعم رمضان..لازم اقوله عم لان..ام..مدري بس من جيت ل قسم المتوسط والثنوي والناس تقول عنه عم رمضاان...يمكن تنطبق علي مقولة مع الخيل ياشقراا..خ
ركبت السياره:السلام عليكم
بس مافي رد..
اكيد معصب..عمي من عرفته وهو مايروق الا مع سيجااره بعد المغرب..الناس تسبح وتهلل وانت تدخن..اللهم اصلح شباب المسلمين..لايروح تفكيركم بعيد..عمي موب شااب.. ام..يمكن انه ابوو 45 سنه..بس مارزقه ربي ب عيال..بس انا ماأعرف وش تفاصيل هذا الموضوع هل البلا من زوجته ولا منه هو؟؟..بما اني قلت عمر عمي بقولكم بعض الاشيااء عنه..يمكن من العبث اني اقولكم شخصيته ووش يحب وش يكره لان كل شي بيتضح مع الاياام.."مع الصفحاات الجايه"..امم..اسمه حمد...عمي الوحيد اصغر من ابوي ب سنتين..
تزوج وهو عمره...اذا انا موب غلطاانه 32 سنه...كبير موو؟..بس يلله هذا اللي تبغااه اغلب البناات..انه يكوون كبير...ابتسمت يوم تذكرت كلام صديقتي..يوم تقول..انا ماراح اتزوج واحد عمره تحت ال 25..بزر توه طالع له شنب وفرحان فيه...والله ان اصابع يدك مو وحده..ماتدرين يمكن يجيك زوج عمر 20 وعقله ورزانته وكأنه ب ال 50.خ..ماكأني بالغت؟..خلاص غيروا موضوع الزواج..قطعنا في جلوود الذكور المساكين..يمكن ماأتزوج وش درااكم؟؟..
حمد ب عصبيه:انزلي يلله
نزلت من غير نقااش..او حتى حسسته اني موب راضيه ب أسلوبه..امم رضاي مو مهم ل درجة اني نااسيه اني اشعر به الشعور
دخلت البيت..ولقيت مرة عمي..كانت جالسه في الصاله وباين انها معصبه
دخلت انا وعمي:السلام عليكم
مرة عمي:كان تأخرتوا بعد؟؟...موب احسن؟؟
عمي:يامره ترااني تعباان وابي اناام مانيب فاضي ل حنتك
مرة عمي:ايه تتهمني ب اني انا اللي اجيب لك التعب وعوار الرااس..بلا والله من هجري الشغله اللي ماتجيب فلوسن زينه
عمي:هو فيه البديل وقلناا لا؟
مرة عمي:اذا ع البديل في مليوون بديل
مرة عمي تناظرني بس مافهمت نظراتها..من زمان وهي تناظرني كذا..ودي اقولها.."خير وش تناظرين؟..معجبه"...ههه..والله ان تسطرني وتحطني ب الخلاط..
مرة عمي:ليش الضحك؟؟..
صديت ب وجهي لاني مقدر اخفي ابتسأمتي:ولاشي
مرة عمي:روحي غيري مريولتس..وع المطبخ بسررعه
منال:ان شالله
رحت فوق ل غرفتي..
غيرت مريولي..الله معدني لابسته..بس والله خسااره اياام الثنوي من احلى الاياام..كرف ومذااكره بس وناسه..كانوا صديقاتي يقولون ان المريول حلوو على.. والله اني جلد على عظم ..عباره عن تنوره رمادي وقميص ابيض..هذي مرآييل المدارس الحكوميه ...
لبست جلاابيه عنابيه..وربطت شعري..لان عمي مايحب البناطيل...بس تنانير وجلابياات..
ناظرت ساعتي بقا ع السااعه 9..6ساعات...
تدورن ليش؟..عمي الله يصلحه من الساعه 9 يبدا مفعول السجاير يروح..طبعا ب حكم ان الزقايز هي اللي تخليه يروق..يعصب ويقلب البيت فوق تحت في هذه الاثناء انا اكوون في غرفتي..بس هذا ولاشي عند الساعه 2او3 ب الليل..لانه يكوون...سكران!
بس لاتخافون مب داايم يسكر
الله يهديه بس...صدق ان المسكر ماحرم عبث...لانه سبب مشااكل كثيره..كذا مره بغاا يجيني حقي منه..بس مرة عمي كانت تمنعه..صحيح انهاا نجسه بس تطلع منها حركاات حلووه
مثل يوم انهاا ماخلتني اسوي شي اياام الامتحاانات العاده الشغل فوق راسي..
مرة عمي تصاارخ من تحت:منآآآآآآآآآآآآآآآل
منال:ان شالله جايه
نزلت تحت وانا اهرول..يوم وصلت ل أخر درجه كان عمي راقد ع الكنب ومغطي وجهه ب شماغه..الظااهر نايم..مسكين من الكرف اللي يشوفه يوميا...في هجري المحل..
- وش تناظرين؟..يلله ع المطبخ
منال:ان شاالله..
بسم الله متى جت ذي؟؟..
رحت لل المطبخ وانا افكر وش اطبخ...ام..وش تتوقعون ممكن اطبخ؟؟..ههه..الحين اللي يشوفني يقول عندها كل مالذ وطااب..بشوف وش فيه ب الثلاجه..ان صارت في مكوناات لل طبخه معينه سويتهاا..
ع السااعه5..خلص عمي غدا..
وبدا يدخن...امم..المطلووب مني الحين اروح...لاني بصرآحه مابي اتضرر
طلعت فوق ل غرفتي...المفروض في اياام الاختبارات اصير الحين اذااكر..بس الحين ماعندي شي..فتحت الشبآك وطالعت في حينّآ اللي كان متوسط يعني تسكن فيه جميع الطبقآت..
الغني والفقير والمتوسط اللي يمكن نص اللي في الرياض من هجري الطبقه..
تدرون وش سبب غلا الاسعار..هذي خظه صهيونيه..ههه..امزح بس خطه من الغرب عشان الناس تترك السياسه..الغني بيخاف على فلوسه وبيسكت اماا الفقير بيكون لاهي مع جمع الاموآل..اما المتوسط بيصير بايعها ب ترآآب..عشان كذا الغرب يبون يخلون اغلبية الشعب اماا فقاره او اغنيااء..وطبعا صار اغلب الشعب الحين يعاني من غلى الاسعار بسبب هجري الخطه..حسبي الله عليهم
التفت ل شنطتي حقت المدرسه اللي كانت كآت..يمكن بتستغربون ان وحده مثلي معها مثل هجري الشنطه بس انا كنت شاريتها من قبل 4 سنين يمكن..ب المووت وهذي هي شنطتي من يومي في ثالث متوسط..
فرغت الدروس اللي فيها وحطيتها في كيس..ثمن جبت الشنطه و المريول وحطيتهم في كيس اسود اللي يحطون فيه النااس زبايلهم..وانتم ب كرامه
يوم خلصت اخذت نفس..سمعت صوت بآب الجيران يتسكر..رحت عند الشبآك وطالعته..هذا ابو عبدالعزيز..رجآل كبير..بس يعني مو عجوز..ام..بلكن ب ال50..
رجآل ديّن وملتحي..ه الانسآن مجرد اني اشوفه احس ب الامان..لانه كان صديق ابوي الروح بالروح ..ويحسسني ب الامان ..شكله من يشوفه الواحد يرتآح له....انا ماقد جلست معااه ولا كلمته حتى..خ تخيلوا اجلس معاه..امم..ليته محرم لي واقدر اعتبره ابوي..بس علاقته مع عمي حلووه يمكن صحيح ان مابينهم الا السلآم عليكم وعليكم السلآم..بس ينحب من اول ماتشوفه
تدرون ان الله اذا حب عبد نادا جبريل وقال..ياجبريل اني احب فلان ف احبه..ماأدري وش نص الحديث بس المعنى ان جبريل يقول ل الملائكه ثمن الملائكه تخلي كل من في الارض يحبونه ب مجرد انهم يشفون وجهه..
والله ان هجري الرجال مثآل حي على ان الخير موجود لين الحين
طآلعت بيته اللي كان حلوو صحيح انه موكبير مره بس في فخامه وذوق في التصميم الخارجي..بس من جواا ماشفته
"صوت من براا"- منآآآآآل!
طلعت من غرفتي بعد ماسكرت الشبآك..شفت في طريقي عمي اللي كان يتحلطم..وكان معصب..ههه ذكرني ب عم رمضآن والله بيكون له وحشه..وصوته لماا ينادي علي..عطااني عمي دزه حلووه وهو ماار من عندي..امم..متعوده الله يسامحك..نزلت الدرج وشفت ب عيني ليش عمي كان معصب كانت مرة عمي مستقبله صديقآتهاا..
مرة عمي:منال..روحي صلحي قهوه
منال:امم..بس مافي هيل
طالعتني ب غضب..بسم الله من الخوف بغيت اصير هيل..قالت ب نبره تخفي الغضب:طيب روحي صلحي شااهي
بغيت اقول مافي لبتون بس خفت تخليني لبتون ومويه حااره..خ..تسويها والله..رحت المطبخ وانا ادعي ان تصير معجزه ويصير لبتون فتحت الدولاب وانا فاقده الامل..ولالقيت شي مثل ماتوقعت..رحت اسوي عصير..طبعا مو جااهز مثل حقكم اللي في البيت لا..انا مسويته كان في برتقآل ورحت عصرته وحطيت سكر حمدت ربي انه فيه ولا كان نمت اليوم بدون عشآ..
يوم خلصت دخلت المجلس وانا شايله العصير وحاطته في طوفريه..كان في ام حسن وام سلمان
ه الانسآنتين راعياات سواليف ب شكل..ونفس عيّناات مرة عمي..
ام حسن:ماشالله منال..خلصتوا اختبآرات؟؟
منال:ايه..
ام سلمان:عسآتس حليتي زين؟
منال:الحمدالله
ام حسن :وش ناويه تدخلين قسم؟..خلتس في الادااره ترا ذا اليومين مايمشي الا اللي يدخل اداره
طالعت مرة عمي اللي ودها تسطرني ..اكتفيت ب ابتساامه..
مرة عم منال:لا ان شالله علطوول ل بيت رجلهاا..
خ..اقص يدي من النص كان عندها نيه تزوجني..
طلعت من المجلس وتركتهم مع سوالفهم اللي ماتعجبني..رحت ل الصآله الجو فضى لي ابشوف تلفزيون..عمي مدمن مسلسلات..ههه شكله يتأثر ويطبق فيني..عمري ماتابعت الا مسلسل واحد في حياتي..اللي هو ثمن عمري والله كان يعجبني مرره..احسه يحكي واقع بس احس شوي بالغوا..اذكر كانت تعجبني شخصية مشعل يوم يسرق شنط مرة ابوه..ههه حلوو الواحد ياخذ حقه مو مثلي مالت علي..بس اخوهم ماكان يعجبني ماأذكر وش اسمه بس هذاك اللي كان يحب روان اللي مثلت دورها شيماء علي..على ماأظن كذا اسمهاا..ماأحب اللي يذل نفسه ل الحب..
- منال!!
يالله ابغآك تصبرني على بلاني..:ان شآآآلله جآآآيه!!
دخلت لها وانا كاررهه عمري كل يوم تقول منال..ودي يوم تنسى اسمي ولاتناديني..آآلله بيصير يوم حلوو احلى من يوم زواجي..
انا وش فيني كل كلمه والثآنيه زواج وزواج..الله لايلومني..اليوم وحده من البنات شبكتهاا حسيت ب فرحتهاا..
دخلت المجلس:سمي!
مرة عمي:روحي جيبي الشااهي!
منال..لازم الاحراج يعني..هي خاربه خاربه.ابجيبها على بلاطه:ماافي لبتون..واذا تبين قهوه مافي هيل
انلقب وجه مرة عمي 160 قلبه.
مرة عمي عصبت:روحي لابآرك الله فيك ولا في السآعه اللي شفتك فيهاا
طلعت وانا منزله رااسي ومصدقه نفسي مسويه شي غلط..
رحت غرفتي وانا من جواي شي يقول لاتروحين لانها بتناديك..بس سفهت فيهاا..دخلت غرفتي وشفت من الشبآك عائلة ابو عبدالعزيز وهم يضفون اغراضهم فوق الجيب حقهم..حطيت يدي على خدي وانا اشوفهم..شكلهم ناوين يروحون البر او شاليهات
ماقد رحت ل أي شاليه ب حياتي بس اسمع صديقااتي لما يسولفون
عائلتهم مكونه من 3 بنآت وولدين..هو اسمه ابو عبدالعزيز...
اللي اعرفه ان عنده ولد اسمه عبدالعزيز..ههه اكتشفت البترول..يقول عمي انه فااهي والله موب شكله فااهي..وفيه ولد ماأعرف وش اسمه والبااقي بناات..نفس الشي ماأعرف اسمائهم
جت سيآره كان شكلها حلوو مره..لونها اسود خيآل..عجبتني خخ..وقفوا عبدالعزيز واخوه مدري وشسمه..اما بنات ابو عبدالعزيز دخلوا جووا.. راعي السيآره اللي الظااهر لو اعيش عمري مرتين ماراح اجيب لو نص فلوسهاا..ماكان وجهه بآين..فضوول ياكلني ابي اشوف وجهه..
كان عبدالعزيز يكلمه شوي يضحك وشوي يبتسم..ثوآني معدوده ومشى صااحب السيآره واختفى بين الابنيه وانا الى الان ماشفت وجهه
دخل عبدالعزيز اما اخوه جلس..في فرق بين عبدالعزيز واخوه يعني لو بنقول ان واحد منهم فااهي ف هو اخوه مع ان شكلهم كلهم رجآل ماشالله عليه..
"عند عائلة ابو عبدالعزيز"
دخلت..وقفت قدام المرايه..اليوم توها مخلصه اختبآرات ومخلصه ثالث ثنوي..اخذت نفس وطالعت شكلها كانت لابسه تنوره جينز طويله وبلوزه بيضآ..وشعرها رابطته والذيل ستيرت..ابتسمت ل شكلهاا..ب رضا
- امل!..وين شنطت اختك؟
التفت امل ل أمهاا وابتسمت ب نعومه:يمه..كم مره لازم اقولك ركبهاا عمر..خلاص ركبنا كل شي
ام عبدالعزيز مرتبشه:خلاص خلاص!..وين أختك؟
امل:مدري..تو دخلناا عش...
قاطعتهاا امهاا:اوكي اوكي!..روحي شوفي خوله فوق..مابعد نزلتها وقولي ل اختك الكبيره تنزل ماعد الا خير
امل:تو كانت معي براا..مدري وين ذلفت هجري الشينه
ام عبدالعزيز:ماعليه...روحي شوفي وينها بعد ماتااخذين خوله..
طلعت امل فوق ودخلت غرفة امها وابوهاا وشافت خوله اختهاا اللي تبلغ ال 4 سنين جالسه وتلعب ب العروسه..ابتسمت وشالتهاا وانتبهت ل بيت الجيران..طالعت شوي تحب تتأمله تحسه قديم ومهتري..بس ملموم..أهله عايشين حياة عائله حلو.."هزت كتفها"..واحنا بعد الحمدالله .. الله لايغير عليناا..
نزلت تحت عشأن تشوف اختهاا هيفآ اللي اكبر منها ب4 سنين..
كانت هيفا لابسه عبايتهاا وجالسه وتلكم صديقتهاا اللي ماتمر ثانيه الا تكلمهاا..
امل:هيفآ!
هيفآ:نعم!..."تلكم صديقتها"..دقيقه حبيبتي!...وش تبين؟
امل:امي تقول تجهزوا
هيفا:طيب انا لابسه عبايتي..
جلست امل وحطت اختهاا خوله ع الارض..دخل عبدالعزيز:السلآم عليكم
امل ابتسمت:عزوز!..وعليكم السلآم..نروح نركب
عبدالعزيز:ههه...مستعجله؟..تراك بتملين الطريق 4 ساعات
امل:عاادي..
شالت امل خوله ورن التفلون..جت بترد بس اشر لها عبدالعزيز انها روح جت بتطلع هي وهيفآ
رفع السمآعه:آلوو
....:آلوو..السلآم عليكم
عبدالعزيز:وعليكم السلآم...من معي
....:عبدالعزيز؟..انا ريم..كيفك؟
عبدالعزيز:ايه هلا ريم..ألحمدالله انتي شلونك
ريم تختصر:بخير...ألا وين اموله؟
عبدالعزيز:والله توها طالعه..
ريم:خلاص اجل..فمآن الله
عبدالعزيز:فمآن الله
طلع عبدالعزيز وركب السياره..كان معااه امه واخته وعمر..اما ابوه بيلحقهم بعدين لان عنده شغل
ام عبدالعزيز:امل وهيفآ من الحين اقولكم..ان صاروا عيآل عمكم فيه..ولا فيه رجآل..
كمل عمر:تنثبرون في الشاليه انتي وايااهاا
هيفآ:اقول لايكثر يابو خشه!..امي تلكمنا ولا قالت عمر
خوله تكشر في وجه اخوها:وقآآحه!
امل:ههه..تعملتها منك ياهيفآ
هيفآ تبوس اختها:ياحبي لك ياخوله!...وربي انك شي
ام عبدالعزيز:المهم كلامي واضح؟
هيفا:يمه موب لازم تقولين لناا..كل يوم لازم تقوولين!
عبدالعزيز:ل التذكير فقط
امل:نتذكر
عمر:لاتنسون!
ام عبدالعزيز:اسكت!..كل ماقلنا شي حكآ
عبدالعزيز وهيفآ:ههه..
امل:يمه..بيجي عمي فهد؟
ام عبدالعزيز:اكيد
عبدالعزيز يناظر اخته من المرايه:على طااري عمي فهد تراا ريم داقه عليك قبل لانطلع
امل:ام..بشوفها ان وصلناا..مو لازم ادق
هيفآ:بخليه ماتبي تصررف فاتورتهاا..ماراح توصلين الحد الأتمااني..لاتخافين
ام عبدالعزيز:ليتك مثلهاا
عمر:في هذي انا معآآآآآآكم
امل:ههه..ملقووف!

اذا شفت تفاعل نزلت البقيه

كملي ياقمر

وين التكملة ؟!!!