بلسم طبيعي من مطبخك وسعره ريال ونص

مرحبا خواتي
بما ان عندي خبره متواضعه بالشعر
أحب افيدكم بهالمعلومه البسيطه
أول شيء احب اقولكم إن البلسم سواء وحده
أو المخلوط مع شامبو يسبب القشره والحكه في الشعر
وبعضها يسبب تساقط الشعر
عندي وصفه بسيطه وغير مكلفه وماتضر إن شاء الله
أكيد كلكم تعرفون الجلي اللي نستخدمه بالحلويات
ويحبونه الأطفال ومايحلى غير برمضان
وهذي صورته اخذتها من النت
تاخذين العلبه اللي بريال وتحطينها على الشامبو اللي تستخدمينه
طبعاً تحطينه كمسحوق على الشامبو
وتستخدمين الشامبو عادي
بعدها شوفي النعومه واللمعه لشعرك وغير كذا الريحه الحلوه
طبعاً هو نكهات انا عن نفسي استخدم الفراوله لي ولأولادي
ممكن تستخدموا الليمون او التفاح
وبالتوفيق يارب
هذا الموضوع لي وعن تجربه مو منقول