بليز ساعدوني محتاجتكم مهمومه

1. انا فراشه جديده عندكم المنتدى روعه فحبيت اشارك فيه


2. بس اتمنى تساعدوني بليز لاتردوني


3. 3/ ابغى اسواق في الرياض عشان اشتري فستاني بس اسعارها تكون معقوله؟

مساء/صباح الورد اخباركم

انا فراشه جديده عندكم المنتدى روعه فحبيت اشارك فيه

بس اتمنى تساعدوني بليز لاتردوني

انا ملكتي في نهاية شهر سبعه وانا حابه اسوي ملكه مختصره وفي بيتنا وانا ماأدري وين ربي حاطني احنا 2 بنات من بين 6 اولاد واختي عمرها 11 يعني صغيره ماراح تفيدني بشي وماعندي احد اسأله فحبيت اسألكم واحنا مالنا إلا من الصيف اللي راح يعني سنه تقريباً واحنا سكان جدد للرياض والمشكله اني ماأعرف شي فإن شاء الله انتم خواتي فحبيت أسألكم وياليت ماتردوني
1/ ملكتي ابغى اسويها مختصره وفي البيت بس ماني عارفه كيف اتجهز لها ووش التحضيرات اللي بسويها؟
2/ ابغى كوفيرات حلوين بس اسعارهم تكون حلوه ؟ وكيف اسوي تسريحتي ومكياجي ؟ وياليت تنزلون صور عشان اعرف كيف؟

3/ ابغى اسواق في الرياض عشان اشتري فستاني بس اسعارها تكون معقوله؟

وكمان اسواق فساتين لأختي عمرها 11 وشوي متعافيه ابغى فساتين تناسب عمرها مو من اللي تجي منفوشه حقت الأطفال؟
4/ وش الألوان الدارجه اللي تنلبس في الملكه؟ بس لا تقولون وردي لأني ماأحب هاللون ودي البس اخضر لأني والله احب هذا اللون بس خايفه مايضبط المكياج " وش رايكم في الأخضر معقوله يكون فستان ملكه "؟ وكيف بتكون موديلاتها يعني فيها تطريز كثير ولا عاديه ناعمه؟وياليت إذا فيه صور فساتين ملكه عندكم نزلوها عشان اعرف كيف اشتري؟
5/ وابغى خلطات تبيض البشره وازاله الهالات السوداء وانا شفايفي متشققه ع الأخر ياليت تعطوني خلطه لها ؟
معليش ياحبيباتي بس ماعندي إلا الله ثم انتم واتمنى تساعدوني خصوصاً ان اهل خطيبي ماابغاهم يشوفيني ماافهم شي وخطيبي كشخه وذوق واتكيت ماابغى اكون اقل منه الله يوفقكم ردوا والله اني مهمومه حتى اختباراتي توي خلصت منها بس والله انها زفت وامي المسكينه مانامت قاعده تفكر " مهمومه " الله يوفقكم واعذروني كثرت الطلبات عليكم الله يجزاكم الجنه
انتظركم
"في حفظ الله ورعايته "
" كندوشه "