بليز ساعدوني

1. معليش طولت عليكم بالسوالف بس ابي حل للمشكله واللي هي

السلام عليكم ورحمه الله وبركاته
اولا بقولكم قصه حياتي
انا طالبه وادرس في حريملاء يعني لازم اطلع من البيت الساعه 5واحيانا 5 ونص
وما ارجع للبيت الا الساعه 3 ونص العصر هذا بدري او الساعه 4 اذا متأخره
ولما ارجع البيت ارجع تعبانه وحيلي مهدود يصير مالي خلق اني اسوي شي حتى الغدا ما اطبخ احيانا زوجي يطبخ وهذا طبعا من طيب اصله واحيانا اطلب من المطعم واتغدى وانوم واصحى الساعه 6 او سبع احيانا ولما اصحى ابقعد مع زوجي واسولف معاه ولما تجي الساعه 11 هو يبي ينوم

معليش طولت عليكم بالسوالف بس ابي حل للمشكله واللي هي

بيتي مره حايس ومكركب بطريقه ما تتوقعونها وانا ماعندي عيال بس البيت ما افضى له ويوم الخميس لما اقوم بدري عشان انظف زوجي يقول لي نا مي ماعليك ولما انتظره لما ينوم وارجع عشان اقوم يحس فيني ويصحى والله ان البيت متعب ويوم الجمعه مثل ما تعرفون يروح بسرعه مو طبيعيه ما ادري ليش وكل مره ادور على خدامه تنظف لي بالساعه ولما تجيني واتنظف احس تنظيفها مايعجبني ودايم تكون بطيئه لابعد درجه
والله اول ما تزوجت كان بيتي قمه في الترتيب وماكان ينحاس ابد لاني كنت في البيت بس لما انقبلت في الكليه اللي في حريملا والله ماعاد صرت فاضيه احك راسي
فابي حل والله يعافيكم
والله اني ابكي من القهر لان بيتي وسخ
زوجي دايم يقولي معليش وانا مقدر وضعك بس حتى لو المره ما ترضى ان بيتها يكون وسخ
فياليت تشاركوني همي اللي انا فيه