بليز عاجل جامعه ام القرى بمكة اليوم اخر يوم

انا زيك من الصباح
وانا افتح على موقع الجامعة
ما طلع معي شئ
الله يوفق اللي ترد علينا

يابنات الان افتحي جامعه ام القرى الصفحه الرئيسيه واضغطي على البوابه الالكترونيه للقبول وادخلي الطالبات واكتبي السجل المدني وبعدين يكتبوا تم ترشيحك واطبعي الصفحه مهههم مره علشان تطلع الموعد والاشياء اللي يبغوهاا والحمدلله تم ترشيحي في العلوم الطبيه

تسلمين يالغالية ما قصرتي

تسلمي الله يعطيكي الف عافيه ويوفقك يارب ويحققلك كل اللي تتمنيه.....
بس اختي ممكن اسالك لانو ماعندي خلفيه:.
1- هل الترشيح يعني قبول يعني فقط على اساس المقابله الشخصيه يقولو اوكي او لا؟؟
2- انتي رشحتي نفسك للعلوم الطبيه وقبلوكي يعني ماحطتي طب رغبه اولى ورغبه تانيه علووم طبيه؟؟
3-طيب ازا اخدو الشهاده الاصليه وبعدين ما انقبلت كيف يمديني اسجل في جامعه غيرها؟؟
يعني متى اعرف ازا كان كل شي اوكي خلاص وانقبلت او راح يطولو عشان اعرف واخد الشهاده واقدم في جامعه غيرها؟؟
بيلز ردي عليا واسفه على الازعاج عارفه اني تقلت عليكي...

1- هل الترشيح يعني قبول يعني فقط على اساس المقابله الشخصيه يقولو اوكي او لا؟؟
يااختي مشكوره على الدعاء بس اللي اعرفه ان لكليات الطب لازم مقابله شخصيه انا علوم طبيه قسم تغذيه اكلينيكيه يعني لازم مقابله عشان انقبل والله يعين
2- انتي رشحتي نفسك للعلوم الطبيه وقبلوكي يعني ماحطتي طب رغبه اولى ورغبه تانيه علووم طبيه؟؟
انا بس سجلت علوم طبيه لان اذا سجلتي في قسمين يلغون تسجيلك
3-طيب ازا اخدو الشهاده الاصليه وبعدين ما انقبلت كيف يمديني اسجل في جامعه غيرها؟؟
اذا رحتي للجامعه للتسجيل الفوري يطبعون على شهادتك يعني ماتقدري تسجلي في اي شيء ثاني
يعني متى اعرف ازا كان كل شي اوكي خلاص وانقبلت او راح يطولو عشان اعرف واخد الشهاده واقدم في جامعه غيرها؟؟
بعد ماتشوفي ترشيحك يطلعو لك متى يوم تسجيلك ويقولو لك اللي في الجامعه انك انقبلتي ان شاء الله
وان شاء الله اكون افدتك

الله يسعدك اختى شوشو ويوفقك في دراستك يارب ويسهلك هيا ويحقق اللي تتمنيه على ردك...
(الله يريحك بالك زي ماريحتي بالي يارب)...
وعلى كل اللي رد..
تحياتي.....

بليز اللي عندها اي اضافه او توضيح تضيفها عشان استفيد منها....
لا تبخلو باي معلومات حتى لو قديمه بليز...
تحيااتي...

يااختي الي اعرفه وسمعت من البنات اولا انه قدموا في مناطق كثيره من المملكة بس ماتقدرين تقدمين مثلا في مكة اكثر من كلية الا اذا ماترشحتي لاقدر الله في كلية الطب
ثانيا راح يفتح القبول في الكليات لتخصصات الاخرى مثل الكيمياء فيزيا ورياضيات قدمي فيها ايضا اذا ماترشحتي في الطب
وقبل هذا كله البنات كلهم وزعوا عليهم اوراق فيها كل خطوة يعملوها اطلبي البنات عشان لاتوهي
واتمنى افدتك لاتنيسيني من الدعاء بظهر الغيب

اختى نولي نت جزاك الله خيير الجزاء ولكي مني الدعاء بظهر الغيب اختي...
بس المشكله انو انا مو من مكه عرفتي ....
وانا مسجله في اكتر من جامعه بالمملكه زي ماقلتي...
واليوم لقيت اسمي مرشح للطب بمكه...
وكنت حاابه استفسر من بنات ام القرى يعني كدا هادي تعتبر مواافقه عشان لاتنسي هما راح يحتفظو باصل الشهااده واخاف ما اتقبل وترووح عليا الفرصه بغيرها ..
وكنت حابه اعرف كمان انو اليوم اللي تروحي فيه وتعملي المقابله يقولولك انو اتقبلتي خلاص ولا يااخدو وقت .......
الف شكر ليكي اختي نولي..
تحياتي...